इफिसुस 6:9 - Garhwali

⁹ अर हे मालिकों, अपणा-अपणा नौकरों को हक ऊंतैं द्‍या अर ऊंतैं डऽरै-धमकै के नि रखा, अर यू याद रखा कि स्वर्ग मा रौण वळु परमेस्वर तुम दुईयों को मालिक च, अर वु कै का दगड़ा मा भेदभाव नि करदु।

गढवली नयो नियम

⁹ ईं रीति बट्टी च स्वामियों, तुम तैं ऊं तैं धमकी नि दींण चयणी च, बल्कि तुम तैं अपड़ा सेवकों का दगड़ी वे ही रीति ल बरतौ कन चयणु च, जन मिल ऊं बट्टी बोलि छों, कि उ तुम दगड़ी बरतौ कैरा, किलैकि तुम जंणदा छा, कि ऊंको अर तुमारो दुयूं कु स्वामि स्वर्ग मा च, अर उ कैकी तरफदरी नि करदु।

इफिसुस 6:9 ပူးပေါင်းရင်းမြစ်များ

मत्ती 22:10

तब वु नौकर सड़कों मा चलि गैनी, अर ऊंतैं जथगा भि लोग मिलिनी, अब चै वु भला हो या बुरा जथगा भि लोग मिलिनी ऊं नौकरों न ऊं सब लोगु तैं इकट्‍ठा कैरी। अर जै घौर मा ब्यौ होणु छौ उ घौर मैमानोंळ भोरी गै।

मत्ती 22:8

“तब वेन अपणा नौकरों कू बोलि, ‘ब्यौ को खाणु तयार च, मगर जौं लोगु तैं बुलये गै छौ ऊ लोग ही लैख नि छा।

मत्ती 24:48

पर अगर कुई दुष्‍ट नौकर अपणा मन मा सुचण लगि जौ कि मेरा मालिक न वापस देर से लौटण,

मत्ती 24:51

तब वेको मालिक वेतैं कड़क से कड़क सजा दयालु, अर ज्वा जगा ढोंगि लोगु खुणि ठैरैईं च वेतैं भि उखि रखै जालु। अर उख सिरफ रुंण, अर दांतों तैं कड़गिटाण ही होलु।”

मत्ती 7:12

इलै ध्यान रखा, जन तुम चन्द्‍यां कि लोग तुमरा दगड़ा मा अच्छु बरतौ कैरा, ठिक उन्‍नि तुम भि लोगु का दगड़ा मा अच्छु बरतौ कैरा। अर इन तुम इलै कैरा, किलैकि नियम-कानूनों अर रैबर्यों की शिक्षा या ही च।”

लूका 6:31

अर जन तुम चन्द्‍यां कि लोग तुमरा दगड़ा मा अच्छु बरतौ कैरा, तुम भि ऊंका दगड़ा मा उन्‍नि बरतौ कैरा।

यूहन्ना 13:13

अर तुम मिकू गुरु अर प्रभु बुल्द्‍यां, अर तुम ठिक ही बुल्द्‍यां, किलैकि मि उई छौं।

खास चेलों 10:34

तब पतरस न बोलि, “अब मि सच्‍चि मा जाणि ग्यों, कि परमेस्वर कै का दगड़ा मा भि भेदभाव नि करदु,

रोमियों 2:11

किलैकि पिता परमेस्वर कै का दगड़ा मा भि पक्षपात नि करदु।

1 कुरिन्थि 7:22

अर अगर जु तू गुलाम छैई, अर जब तिन प्रभु यीशु पर बिस्वास कैरी छौ, त पिता परमेस्वर न तेरा दगड़ा मा इन बरतौ नि कैरी, जन एक गुलाम का दगड़ा मा किये जान्दु। अर अगर तू आजाद छैई, अर प्रभु यीशु मसीह पर बिस्वास करदी, त तू मसीह को गुलाम छैई।

कुलुसी 3:25

इलै सुणा, जु कुई बुरै करदु उ अपणी बुरै को बदला पालु, किलैकि प्रभु कै का दगड़ा मा भि भेदभाव नि करदु।

कुलुसी 4:1

हे मालिकों, अपणा-अपणा नौकरों तैं ऊंको हक द्‍या, अर अपणु सभौ ऊंका दगड़ा मा ठिक रखा। अर यू सब कुछ तुम इन समझि के कैरा, कि स्वर्ग मा तुमरो भि एक मालिक च।

याकूब 2:13

किलैकि जु दया नि करदु, वेको न्याय भि बिन दया को किये जालु। पर जु दया करदु, न्याय का दिन पर वेतैं जीत मिलली।

याकूब 2:8

अर पवित्रशास्‍त्र मा परमेस्वर का राज का नियम-कानूनों का मुताबिक जु लिख्यूं च, अगर तुम वेको पालन करद्‍यां, त तुम ठिक ही करद्‍यां। अर उ नियम यू च कि, “तुम अपणा पड़ोसी बटि, अफ ही जन प्यार कैरा।”

याकूब 5:4

देखा, जौं मजदूरों न तुमरा पुंगड़ों मा लवै कैरी, ऊंकी ध्याड़ि तुमुन जान बुजी के मारी दिनी। अब वा ध्याड़ि तुमरा खिलाप चिल्‍लाणी च। अर लवै करण वळो की रुंणे की आवाज सेनाओं पर राज करण वळु हमरु प्रभु का कन्दूड़ो तक पौंछी गै।