इफिसुस 6:18 - Garhwali

¹⁸ अर हरेक बगत मा पवित्र आत्मा की ताकत से सब किसम का प्रार्थना निवेदन कना रा। अर बिज्यां रा, अर सब पवित्र लोगु खुणि लगातार प्रार्थना कना रा।

गढवली नयो नियम

¹⁸ अर हर बगत अर हर प्रकार बट्टी जन पवित्र आत्मा अगवै करदु, प्रार्थना अर बिनती कना रावा, अर बिंज्यां रावा कि सभि पवित्र लुखुं कु हमेशा बिनती किया कैरा,

इफिसुस 6:18 ပူးပေါင်းရင်းမြစ်များ

मत्ती 17:21

[पर खबेस तैं निकळणु खुणि प्रार्थना अर उपवास कि जरुरत होन्दी।]

मत्ती 26:41

इलै बिज्यां रा, अर प्रार्थना कना रा, ताकि शैतान तुमतै नि भकलौ, तुमरो मन त छैई च कि बिज्यां रा, मगर तुमरो सरील साथ नि देणु।”

मरकुस 13:33

इलै चौकस रा अर बिज्यां रा, किलैकि तुम नि जणद्‍यां कि उ बगत कब ऐ जालु।

मरकुस 14:38

अरे, बिज्यां रा, अर प्रार्थना कना रा, ताकि शैतान तुमतै नि भकलौ, तुमरो मन त छैई च कि बिज्यां रा, मगर तुमरो सरील साथ नि देणु।”

लूका 21:36

इलै हर बगत चौकस रा अर प्रार्थना कना रा, ताकि जु बात होण वळी छिन तुम ऊं सब बातों से बचि सैका। अर मनखि का पुत्र का समणि खड़ु होण का लैख बणि सैका।”

लूका 22:46

अर वेन ऊंकू बोलि, “अरे तुम सिणा किलै छाँ? उठा अर प्रार्थना कैरा, ताकि शैतान तुमतै नि भकलौ।”

लूका 3:26

अर नोगह मात को नौनु छौ, अर मात मत्तित्याह को नौनु छौ, अर मत्तित्याह शिमी को नौनु छौ, अर शिमी योसेख को नौनु छौ, अर योसेख योदाह को नौनु छौ।

लूका 3:37

अर लिमिक मथूशिलह को नौनु छौ, अर मथूशिलह हनोक को नौनु छौ, अर हनोक यिरिद को नौनु छौ, अर यिरिद महललेल को नौनु छौ, अर महललेल केनान को नौनु छौ।

खास चेलों 1:14

अर यू सभ्या का सभि हमेसा एक जगा मा मिलदा छा अर एक मन ह्‍वेके प्रार्थना करदा छा, अर ऊंका दगड़ा मा यीशु की माँ मरियम अर वेका भै अर कुछ और जनानियां भि छै।

खास चेलों 10:2

अर यू परमेस्वर को भक्‍त छौ, अर यू अर येका घौर का सब लोग परमेस्वर पर अपणी पूरि सरदा रखदा छा। अर यू गरीब लोगु तैं भौत दान-दकछिणा देन्दु छौ, अर जादातर परमेस्वर बटि प्रार्थना कनु रौन्दु छौ।

खास चेलों 12:5

मगर बिस्वासी समुदाय का लोग पतरस खुणि परमेस्वर बटि मन लगै प्रार्थना कना छा।

खास चेलों 6:4

मगर हम लोग प्रार्थना करण मा, अर वचन की सेवा का काम तैं पूरु करण मा हरेक बगत लग्यां रौला।”

रोमियों 12:12

अर खुश रा, किलैकि तुमरा पास आस च। अर दुख-तकलीफ औण का बगत मा मजबूत बणयां रा, अर प्रार्थना कना रा।

रोमियों 8:15

अर जु पवित्र आत्मा तुमतै दिये गै, वु तुमतै गुलाम नि बणौन्दु कि तुम फिर से डौऽरी-डौऽरी के अपणा जीवन को गुजर-बसर कैरा। अरे, जु पवित्र आत्मा पिता परमेस्वर न तुमतै देई वां से इन साबित होन्दु, कि हम वेकी औलाद छां। तभि त हम पिता परमेस्वर कू, “हे अब्बा, मेरा पिता” बोलि सकद्‍यां।

गलातियों 4:6

अर इन साबित करणु खुणि परमेस्वर न अपणा पुत्र की पवित्र आत्मा हमरा मनों मा भेजि, ताकि इन पता चलि जौ कि हम वेकी औलाद छां। अर आज हम पवित्र आत्मा की मदद से प्रार्थना मा पिता परमेस्वर कू “हे मेरा अब्बा, मेरा पिता” बोलि सकद्‍यां।

इफिसुस 1:16

तब बटि मि भि तुम खुणि प्रार्थना मा प्रभु को धन्यवाद कनु रौन्दु। अर तुम सभ्यों तैं याद कैरिके पिता परमेस्वर बटि हमेसा इन्‍नि प्रार्थना कनु रौन्दु कि,

इफिसुस 2:22

अर अब तुम लोग भि यीशु मसीह का द्‍वारा हम यहूदी लोगु का दगड़ा मा मिली के एक इन मन्दिर बणौणा छाँ, जैमा पिता परमेस्वर अपणी पवित्र आत्मा का द्‍वारा रौन्दु।

इफिसुस 3:18

अर प्रभु मा अपणी बुनियाद रखी के तुम पक्‍का ह्‍वे जा, ताकि तुम सब पवित्र लोगु का दगड़ा मा मिली के यीशु मसीह का प्यार की लम्बै-चौडै अर ऊंचै कथगा गैरी च, ईं बात का बारा मा भौत अच्छे से समझि सैका।

इफिसुस 3:8

अर पिता परमेस्वर का सब पवित्र लोगु मा बटि मि सबसे छुटा छौं, मगर फिर भि वेन मि पर अपणी किरपा कैरिके मितैं यू दान दिनी, कि जु लोग यहूदी जाति का नि छिन मि ऊंका बीच मा जैके यीशु मसीह का द्‍वारा मिलण वळी बेशुमार आसिसों को बखान कैरी सैकु।

इफिसुस 6:19

हे मेरा भै-बैंणो, मि पौलुस खुणि भि प्रार्थना कर्यां, ताकि मितैं वचन बोन्‍न का बगत मा इन्द्रयो वचन दिये जौ, जैतैं मि हिम्मत से बोलि सैकु अर शुभ समाचार को पवित्र राज लोगु तैं बतै सैकु,

फिलिप्पी 1:4

किलैकि जै दिन बटि तुमुन शुभ समाचार तैं सुणी, वे दिन बटि लेके आज तक तुमुन शुभ समाचार तैं फैलाण मा मेरी पूरि मदद कैरी, इलै मि हमेसा अपणी प्रार्थना मा खुश ह्‍वेके तुम सभ्यों खुणि बिन्ती कनु रौन्दु।

फिलिप्पी 4:6

अर कै भि बात की चिन्ता-फिकर नि कैरा, बल्किन मा हरेक बात मा प्रार्थना कैरा। अर पिता परमेस्वर से बिन्ती कैरिके मांगा की तुमतै क्या चयेणु, अर हरेक बात मा परमेस्वर को धन्यवाद देणा रा।

कुलुसी 1:3

हे मेरा भै-बैंणो, जब हम तुम लोगु खुणि प्रार्थना करद्‍यां, त यीशु मसीह का पिता परमेस्वर को धन्यवाद हमेसा देन्द्‍यां,

कुलुसी 1:4

किलैकि हमुन तुमरा वे बिस्वास का बारा मा सुणी जु कि तुम प्रभु यीशु मसीह पर करद्‍यां, अर वे प्यार का बारा मा भि सुणी जु कि तुम बिस्वासी लोगु से करद्‍यां।

कुलुसी 4:2

हे मेरा भै-बैंणो, चौकस रा, अर प्रार्थना करण मा लग्यां रा, अर हरेक बात मा प्रभु को धन्यवाद द्‍या।

1 थिस्सलुनीकी 5:17

अर लगातार प्रार्थना कना रा।

1 तीमुथियुस 2:1

अर अब सबसे पैलि मि तुमतै इन उपदेस देन्दु, कि तुम हरेक मनखि खुणि प्रार्थना कैरा। अर मि तुम बटि बिन्ती करदु, कि तुम राजाओं खुणि अर सबसे बड़ा पद वळो खुणि भि प्रार्थना निवेदन कैरा, अर धन्यवाद की प्रार्थना कैरा। ताकि परमेस्वर को आदर हो अर हम अच्छु अर शान्ति को जीवन जी सैका। किलैकि यू सब हमतै बचौण वळा परमेस्वर की नजर मा भलु च, अर यों बातों से उ खुश होन्दु।

2 तीमुथियुस 1:3

अर जै परमेस्वर की सेवा मेरा पितरों न कैरी मि भि ठिक उन्‍नि सच्‍चा मन से करदु। अर मि तुमतै अपणी प्रार्थना मा लगातार याद कैरिके परमेस्वर को धन्यवाद करदु।

फिलेमोन 1:5

किलैकि मिन तेरा वे बिस्वास का बारा मा सुणी जु तू प्रभु यीशु मसीह पर करदी, अर वे प्यार का बारा मा भि सुणी जु तू बिस्वासी लोगु से करदी।

इब्रानी 5:7

अर जब यीशु मसीह ईं धरती पर छौ त वे बगत वेन ऊँची आवाज मा परमेस्वर तैं बुलै अर रुवे-रुवे के वेसे बिन्ती कैरी जु की वेतैं मौत से बचै सकदु छौ। अर पिता परमेस्वर न वेकी प्रार्थना तैं सुणी, किलैकि यीशु न वे पर अपणी पूरि सरदा रखी के खुद तैं वेका सुपुर्द कैरी दिनी।

1 पतरस 4:7

अर सब बातों को अन्त नजदीक ऐ गै, इलै खुद पर काबू रखा अर साफ सोच रखा, ताकि तुम सही तरीके से पिता परमेस्वर से प्रार्थना कैरी सैका।

यहूदा 1:20

मगर हे मेरा प्यारा भै-बैंणो, तुम अपणा पवित्र बिस्वास मा और भि जादा मजबूत ह्‍वा, अर पवित्र आत्मा का द्‍वारा प्रार्थना कैरिके,