इफिसुस 6:17 - Garhwali

¹⁷ अर छुटकारा तैं स्वीकार कैरा, अर यू हैलमेट पैनण का जन च, अर पवित्र आत्मा की तलवार तैं ले ल्या जु की परमेस्वर को वचन च।

गढवली नयो नियम

¹⁷ जन एक सिपै अपड़ा मुंड तैं युद्ध मा टोप पैरदो, उन ही परमेश्वर तुम तैं शैतान बट्टी बचालो। जन एक सिपै खुद कु बचाव कु एक तलवार लींदु, उन ही अपड़ा उद्धार कु पिता परमेश्वर का वचन इस्तेमाल कैरा, यु पवित्र आत्मा कि तरपां बट्टी च।

इफिसुस 6:17 ပူးပေါင်းရင်းမြစ်များ

मत्ती 4:4

मगर यीशु न वेकी बात तैं नकारी के बोलि कि, “पवित्रशास्‍त्र मा लिख्यूं च कि, ‘मनखि केवल रुट्‍टी बटि ही ज्यून्दु नि रालु, बल्किन मा परमेस्वर का मुख बटि निकळ्यां हरेक वचन बटि ज्यून्द रालु।’”

मत्ती 4:7

तब यीशु न वेकी बात तैं नकारी के बोलि कि, “पवित्रशास्‍त्र मा इन भि लिख्यूं च कि, ‘तू अपणा प्रभु परमेस्वर तैं नि भकलौ।’”

इफिसुस 5:26

अर जन पाणि का द्‍वारा साफ किये जान्दु, ठिक उन्‍नि वु हमतै अपणा वचन का द्‍वारा शुद्ध करदु।

1 थिस्सलुनीकी 5:8

पर हम वु लोग छां, जु उज्याळु को जीवन जीणा छां इलै हमतै चौकस रौण चयेणु। हमतै लगातार यीशु पर बिस्वास करण चयेणु अर एक-दुसरा बटि प्यार करण चयेणु। तब यू हमरि हिफाजत एक कवच की तरौं करलु। अर बचयै जाण की ज्वा आस हमरि यीशु पर लगयीं च वेतैं देणु खुणि उ हमरि हैलमेट जन हिफाजत करलु।

इब्रानी 4:12

किलैकि परमेस्वर का वचन मा काम करण अर जीवन देण की ताकत च। अर यू वचन एक इन्दरि तलवार का जन च ज्वा कि दुई तरफा बटि पैनी च। अर जन तलवार सरील का मांस तैं हड़गौं से अलग कैरी देन्दी, ठिक उन्‍नि पवित्रशास्‍त्र मा लिखी बात भि हमरा विचार अर मन मा छिप्यां सब राजों तैं परगट कैरी देन्दु।

दिब्य दरस 1:16

वेका दैंणा हाथ मा सात गैंणा छा, अर वेका गिच्‍चा बटि पैनी तलवार निकळणी छै ज्वा की दुई तरफा बटि भौत तेज छै। अर वेकू मुख इन चमकणु छौ जन की सूरज बटि निकळण वळु घाम।

दिब्य दरस 12:11

अर ऊंन प्रभु का रैबार अर मेम्‍ना का ल्वे का द्‍वारा शैतान पर जीत हासिल कैरी, किलैकि ऊंन अपणी जान की भि परवा नि कैरी बल्किन मा मुरणु खुणि भि तयार छा।

दिब्य दरस 19:15

अर वेका गिच्‍चा बटि एक पैनी तलवार निकळणी छै, ताकि उ देस-देस का बुरा लोगु को नास वीं तलवार से कैरो। अर वु लोखरो जांठु लेके बड़ी सख्‍तै से सासन करलु, अर सर्वसक्‍तिमान परमेस्वर का परकोप का द्‍वारा वे रसकुण्ड मा ऊंतैं एक रस की तरौं पितेड़ द्‍यालु।

दिब्य दरस 2:16

इलै मन से पस्ताप कैरा, अर अगर जु तुम इन नि करिल्या, त मि भौत जल्द तुमरा पास ऐके, अपणा मुख से निकळण वळी तलवार से ऊं लोगु का दगड़ा मा युद्ध करलु।