इफिसुस 6:14 - Garhwali

¹⁴ इलै सच्‍चै का वचन से अपणी कमर कसी ल्या, अर परमेस्वर न तुमतै धरमी ठैरैयालि या बात एक कवच का जन च।

गढवली नयो नियम

¹⁴ इलै परमेश्वर कि सचै तैं अपड़ी कमर बैल्ट का जन बंदधिल्या, अर तुमारो बरतौ धार्मिकता कु हो, जु एक झीलम पैरण का जन च।

इफिसुस 6:14 ပူးပေါင်းရင်းမြစ်များ

लूका 12:35

तब यीशु न ऊंकू इन भि बोलि, “तुम ऊं नौकरों का जन बणा, जु अपणा मालिक को इंतजार करदिन, ताकि जब उ मालिक ब्यौ बटि वापिस अऽ, अर द्‍वार तैं खटखटऽ, त वु नौकर वे खुणि द्‍वार तैं तुरन्त खोली द्‍यो। इलै तुम भि सेवा करणु खुणि तयार रा, अर तुमरा द्‍यू जगणा रा।

रोमियों 13:12

अर जन रात खतम ह्‍वे जाण का बाद एक नयू दिन औन्दु, ठिक उन्‍नि मसीह को औण भि भौत नजदीक च। इलै अन्धेरा मा होण वळा बुरै का कामों तैं छोड़ि द्‍या, अर पिता परमेस्वर का उज्याळा मा चला, अर वेसे मिलण वळी हिम्मत तैं एक हथियार की तरौं इस्तेमाल कैरिके बुरै पर जीत हासिल कैरा।

2 कुरिन्थि 6:7

अर सच्‍चै का ये वचन तैं हम परमेस्वर की ताकत से लोगु तैं सुणौन्द्‍यां। अर परमेस्वर की नजर मा धरमी जीवन जीणु खुणि हम दुई हाथोंळ भलै का काम कना रौन्द्‍यां।

इफिसुस 5:9

किलैकि जै मनखि का जीवन मा परमेस्वर को उज्याळु च, उ हरेक तरौं की भलै करण मा, अर सच्‍चै से धरमी जीवन जीण की कोसिस करदु।

इफिसुस 6:13

इलै परमेस्वर का दियां सब आत्मिक हथियार बान्धि ल्या, ताकि जब बुरा दिन आला त तुम ऊं सब बुरी बातों से लड़ी सैका, अर सब कुछ पूरु कैरिके अटल बणयां रा।

1 थिस्सलुनीकी 5:8

पर हम वु लोग छां, जु उज्याळु को जीवन जीणा छां इलै हमतै चौकस रौण चयेणु। हमतै लगातार यीशु पर बिस्वास करण चयेणु अर एक-दुसरा बटि प्यार करण चयेणु। तब यू हमरि हिफाजत एक कवच की तरौं करलु। अर बचयै जाण की ज्वा आस हमरि यीशु पर लगयीं च वेतैं देणु खुणि उ हमरि हैलमेट जन हिफाजत करलु।

1 पतरस 1:13

इलै हे मेरा भै-बैंणो, चौकस रा, अर अपणी-अपणी अकल को इस्तेमाल कैरा, अर तयार रा। अर परमेस्वर की वीं किरपा पर यकीन रखा, ज्वा कि यीशु मसीह का परगट होण का बगत पर तुम पर होण वळी च।

दिब्य दरस 9:17

अर ये दिब्य दरसन मा मितैं घोड़ा अर ऊं पर सवारों को रुप कुछ इन दिखै, ऊंका कवच जळदी आग की तरौं लाल, नीलमणी की तरौं नीला छा, अर गंधक की तरौं पिंगळा छा। अर ऊं घोड़ो का मुण्ड़ शेरों की तरौं अर ऊंका गिच्‍चों बटि आग अर धुंवा अर गंधक निकळणु छौ।

दिब्य दरस 9:9

ऊंका बदन को कवच लोखर की तरौं, अर ऊंका फाँकुड़ो की आवाज इन छै जन कि भौत सा रथ अर घोड़ा लड़ै करणु खुणि अटगंणा हो।