इफिसुस 6:13 - Garhwali

¹³ इलै परमेस्वर का दियां सब आत्मिक हथियार बान्धि ल्या, ताकि जब बुरा दिन आला त तुम ऊं सब बुरी बातों से लड़ी सैका, अर सब कुछ पूरु कैरिके अटल बणयां रा।

इफिसुस 6:13 ပူးပေါင်းရင်းမြစ်များ

लूका 21:36

इलै हर बगत चौकस रा अर प्रार्थना कना रा, ताकि जु बात होण वळी छिन तुम ऊं सब बातों से बचि सैका। अर मनखि का पुत्र का समणि खड़ु होण का लैख बणि सैका।”

लूका 8:13

अर जु बीज ढुंग्याण जमीन पर पोड़ीनी, ऊ वु लोग छिन जु वचन तैं सुणी के खुशी से स्वीकार करदिन, अर कुछ बगत तक ऊ बिस्वास त करदिन, पर बिस्वास मा जड़ नि पकड़ण की वजै से जब अजमैस ऊंका जीवन मा औन्दिन, त ऊ बिस्वास करण छोड़ि देन्दिन।

रोमियों 13:12

अर जन रात खतम ह्‍वे जाण का बाद एक नयू दिन औन्दु, ठिक उन्‍नि मसीह को औण भि भौत नजदीक च। इलै अन्धेरा मा होण वळा बुरै का कामों तैं छोड़ि द्‍या, अर पिता परमेस्वर का उज्याळा मा चला, अर वेसे मिलण वळी हिम्मत तैं एक हथियार की तरौं इस्तेमाल कैरिके बुरै पर जीत हासिल कैरा।

2 कुरिन्थि 10:4

अर जन एक सिपै लड़ै करण का बगत मा हथियारों को इस्तेमाल करदु, ठिक उन्‍नि मि भि विरोध करण वळा लोगु का दगड़ा मा परमेस्वर की ताकत को इस्तेमाल करदु अर वेका वचन से ऊंका झूठ्‍ठा विचारों को नास कैरी देन्दु।

इफिसुस 5:16

यीशु मसीह की तरौं जीवन जीणु खुणि बगत तैं अच्छु समझि के वेको पूरु इस्तेमाल कैरा, किलैकि दिन बुरा छिन।

इफिसुस 5:6

अर कुई भि मनखि तुमतै बेकार की बातों मा नि फंसौ, किलैकि यों बातों का खातिर ही परमेस्वर को गुस्सा आज्ञा नि मनण वळा लोगु पर पोड़दु।

कुलुसी 4:12

अर तुमरा इखो इपफ्रास भै भि जु कि यीशु मसीह को सेवक च, उ भि तुमकु सलाम बोन्‍नु च। अर उ मन लगै के तुम खुणि हमेसा प्रार्थना कनु रौन्दु, ताकि तुम हरेक बात मा सिद्ध ह्‍वे सैका अर यीशु मसीह पर पूरु बिस्वास कैरिके परमेस्वर की मनसा तैं पूरि कैरी सैका।

याकूब 4:7

इलै खुद तैं परमेस्वर मा सौंपी द्‍या, अर शैतान को सामना कैरा। तब उ तुमरा समणि बटि भागी जालु।

1 पतरस 4:1

अर हम जणदा छाँ, कि यीशु मसीह न अपणा सरील मा दुख तैं झेली, इलै हमतै भि वेका जन ही विचार रखण चयेणा, अर हरेक दुख तैं झिलणु खुणि तयार रौण चयेणु, किलैकि जैन शरीर मा दुख झेली उ पाप करण छोड़ि देन्दु।

दिब्य दरस 3:10

किलैकि तुमुन सबर रखी के मेरी बात तैं माणी, इलै अजमैस का वे बगत मा मि भि तुमरि हिफाजत करलु, ज्वा कि धरती का सब लोगु तैं अजमौणु खुणि औण वळी च।

दिब्य दरस 6:17

किलैकि ऊं दुईयों का गुस्सा को दिन ऐ गै अर अब कुई भि नि च जु की ऊंका समणि खड़ु रै सकदु।”