इफिसुस 5:9 - Garhwali

⁹ किलैकि जै मनखि का जीवन मा परमेस्वर को उज्याळु च, उ हरेक तरौं की भलै करण मा, अर सच्‍चै से धरमी जीवन जीण की कोसिस करदु।

गढवली नयो नियम

⁹ किलैकि जु कुई मनिख उज्यला मा च, त वेको बरतौ अच्छो अर धार्मिक हूंद अर वे पर भरोसो किये जै सकदु च,

इफिसुस 5:9 ပူးပေါင်းရင်းမြစ်များ

मत्ती 3:8

इलै इन्द्रया काम कैरा, ज्यां से इन पता चलु कि तुमुन मन से पस्तावा कैरियाली।

यूहन्ना 1:47

यीशु न नतनएल तैं अपणी तरफा औन्द देखि के वेका बारा मा बोलि, “देखा, यू सच्‍चु इस्राएली च जैमा कुई कपट नि च।”

रोमियों 15:14

हे मेरा प्यारा भै-बैंणो, मितैं पूरु यकीन च कि तुम लोग दुसरो की भलै करण जणदा छाँ, इख तक कि तुमतै पूरु ज्ञान च अर यू सब कनकै किये जाण यू भि तुम जणदा ही छाँ। इलै तुम दुसरा लोगु तैं शिक्षा दे सकद्‍यां।

रोमियों 2:4

अर एक बात बता, क्या तुम लोग परमेस्वर की किरपा, अर वेकी सौण की ताकत, अर हमेसा का धन तैं सुद्‍दी समझद्‍यां? क्या तुम लोग इन नि समझद्‍यां, कि परमेस्वर की किरपा तुमरा मन तैं बदळणु खुणि सिखौणि रौन्दी?

इफिसुस 4:15

मगर मि तुमतै बतै देन्दु, कि प्यार की ताकत से हम सभ्या का सभि हरेक सच्‍चि बात मा यीशु मसीह की तरफा बढदी जा, जु कि बिस्वासी समुदाय को मुखिया च।

इफिसुस 4:25

इलै हे मेरा भै-बैंणो, अपणा-अपणा पड़ोसी बटि झूठ्‍ठ बोन्‍न छोड़ा, अर सच्‍च बोला, किलैकि हम सभ्या का सभि एक ही सरील का अंग छां।

इफिसुस 6:14

इलै सच्‍चै का वचन से अपणी कमर कसी ल्या, अर परमेस्वर न तुमतै धरमी ठैरैयालि या बात एक कवच का जन च।

फिलिप्पी 1:11

अर यीशु मसीह का द्‍वारा परमेस्वर की नजर मा धरमी जीवन जीणु खुणि हर गुण से भरपूर ह्‍वे जा, ताकि तुमरा जीवनों का द्‍वारा परमेस्वर की बडै अर तारीफ हो।

कुलुसी 3:18

हे मेरी बैंणो, मि तुमतै समझै देन्दु कि तुम अपणा-अपणा पति का अधीन मा रा, किलैकि प्रभु तैं या ही बात ठिक लगदी।

1 तीमुथियुस 6:11

पर हे तीमुथियुस परमेस्वर का सेवक, तू यों सब बातों बटि अलग रौ। अर धरमी मनखि बणणे की कोसिस कैर, अर हमेसा परमेस्वर की भक्‍ति कैर अर यीशु मसीह पर बिस्वास कैर, अर सभ्यों बटि प्यार कैर। अर सबर रखण अर नमर सभौ को ह्‍वेके जीवन बितौ।

इब्रानी 1:8

मगर अपणा पुत्र का बारा मा उ इन बुल्दु, “हे परमेस्वर तुमरि राजगद्‍दी सदनि तक बणि रौ, अर तुमरा राज मा न्याय सच्‍चै का सासन से किये जौ।

इब्रानी 11:33

सुणा, यों न बिस्वास का द्‍वारा भौत सा देसों पर जीत हासिल कैरी, अर सच्‍चै से न्याय कैरी, इलै ऊं खुणि परमेस्वर को करार पूरु ह्‍वे गै, अर इख तक कि परमेस्वर न ऊं खुणि शेरों का गिच्‍चों तैं भि बन्द कैर दिनी।

1 यूहन्ना 2:29

किलैकि हम सभ्या का सभि जणदा छां, कि यीशु मसीह उई करदु जु पिता परमेस्वर की नजर मा सही च। अर हम यू भि जणद्‍यां, कि जथगा भि लोग वेकी नजर मा धरमी छिन ऊ सब पिता परमेस्वर की औलाद छिन।

3 यूहन्ना 1:11

हे मेरा प्यारा भै, बुरै करण वळो का ना, पर भलै करण वळो का पिछनै चल किलैकि जु कुई भलै करदु उ परमेस्वर की तरफा च, पर जु कुई बुरै करदु उ परमेस्वर तैं नि जणदु।