इफिसुस 5:32 - Garhwali

³² अर यू राज तुम खुणि त बड़ु महान च, जैतैं पैलि छिपै के रखै गै छौ, मगर मि येको इस्तेमाल यीशु मसीह अर बिस्वासी समुदाय का बारा मा कनु छौं।

गढवली नयो नियम

³² या एक कीमती अर गम्भीर शिक्षा च जै बट्टी हम इन समझ सकद्यां, अर मि यांकि तुलना मसीह अर वे पर विश्वास कन वलो की मण्डलि का दगड़ी करदु।

इफिसुस 5:32 ပူးပေါင်းရင်းမြစ်များ

यूहन्ना 3:29

अर ब्यौला उ च जैतैं ब्यौलि मिलदी च, पर ब्यौला को खास दगड़्या जु कि वेका समणि खड़ु ह्‍वेके वेकी सुणदु। अर उ ब्यौला की आवाज सुणी के बिजांम खुश होन्दु, ठिक उन्‍नि मेरी खुशी को भि कुई ठिकाणु नि च।

2 कुरिन्थि 11:2

अर मितैं तुमरि बड़ी परवा च, ठिक उन्‍नि परवा जन पिता परमेस्वर तैं तुमरि च। अर अब तुम एक कुंवारी नौनि का जन छाँ, जिं की मांगण मिन पवित्र यीशु मसीह का दगड़ा मा करीं च।

इफिसुस 5:31

जन कि पवित्रशास्‍त्र मा भि लिख्यूं च कि, “इलै मनखि अपणा ब्वे-बाब तैं छोड़ि के अपणी घरवळी का दगड़ा मा रालु, अर ऊ दुईया का दुई एक सरील होला।”

इफिसुस 5:33

पर फिर भि तुम मा बटि हरेक मनखि अपणी घरवळी से उन्‍नि प्यार कैरो, जन उ खुद से करदु। अर ठिक उन्‍नि घरवळी भि अपणा पति तैं पूरु आदर-सम्मान द्‍यो।

इफिसुस 6:19

हे मेरा भै-बैंणो, मि पौलुस खुणि भि प्रार्थना कर्यां, ताकि मितैं वचन बोन्‍न का बगत मा इन्द्रयो वचन दिये जौ, जैतैं मि हिम्मत से बोलि सैकु अर शुभ समाचार को पवित्र राज लोगु तैं बतै सैकु,

कुलुसी 2:2

अर या मेनत मि इलै करदु, ताकि तुम सभ्या का सभि एक-दुसरे कि हिम्मत बढै सैका, अर अपणा आपस मा बड़ा प्यार से मिली-जुली के रा। अर पिता परमेस्वर का ज्ञान का खजाना तैं तुम जाणि सैका ज्यां से की सच्‍चै की समझ मिलदी, अर तुम परमेस्वर का वे राज तैं भि पछ्याणी सैका, जु की यीशु मसीह का द्‍वारा परगट ह्‍वे।

1 तीमुथियुस 3:16

हम जु बिस्वास करद्‍यां वेकी सच्‍चै भौत गम्भीर च अर ईं बात मा कुई भि सक नि च। किलैकि या बात सच्‍च च कि, यीशु मसीह न मनखि का रुप मा जनम ले, अर उ पवित्र आत्मा का द्‍वारा धरमी ठैरै गै, अर स्वर्गदूतों तैं दिखै, अर हर जगा वेको परचार किये गै। तब ईं दुनियां का लोगु न वे पर बिस्वास कैरी, अर बड़ा आदर-सम्मान का दगड़ा मा उ स्वर्ग मा उठये गै।

1 तीमुथियुस 3:8

अर उन्‍नि बिस्वासी समुदाय की सेवा मा मदद करण वळा सेवकों तैं इन होण चयेणु जौं को लोग आदर-सम्मान कैरा। अर वु दुई किसमे की बात करण वळु अर ना ही दरोळया, अर ना ही बुरा कामों बटि धन-दौलत कमाण की इच्छा रखण वळा हो।

दिब्य दरस 21:2

फिर मिन पवित्र नगर, नया यरूशलेम तैं, परमेस्वर की तरफा बटि स्वर्ग बटि मूड़ी उतरद देखि। अर उ इन सज्युं छौ जन कि ब्यौलि अपणा ब्यौला खुणि सजीं रौन्दी।