इफिसुस 5:20 - Garhwali

²⁰ अर हरेक बात खुणि हमरा प्रभु यीशु मसीह का नौ से पिता परमेस्वर को हमेसा धन्यवाद कना रा।

गढवली नयो नियम

²⁰ अर जु कुछ हमारा प्रभु यीशु मसीह ल करयूं च, वेका कारण सदनी हमारा पिता परमेश्वर कि सभि बातों कु धन्यवाद कैरा।

इफिसुस 5:20 ပူးပေါင်းရင်းမြစ်များ

यूहन्ना 15:16

अर तुम न मितैं नि चुणी, बल्किन मिन तुमतै चुणी के ठैरैयालि ताकि तुम जा अर सफल ह्‍वे जा, अर तुमरो सफल होण बणयूं रौ अर जु कुछ भि तुम मेरा नौ से पिता बटि मंगिल्या, उ सब पिता तुमतै द्‍यालु।

खास चेलों 5:41

अर यीशु मसीह का खातिर दुख सौणु का लैख परमेस्वर न ऊंतैं समझि, इलै खास चेला न्याय समिति का लोगु का समणि बटि आनन्द मणौन्द-मणौन्द चलि गैनी।

रोमियों 1:8

सबसे पैलि मि तुम सभ्यों का खातिर अपणा यीशु मसीह का द्‍वारा पिता परमेस्वर तैं धन्यवाद देन्दु, किलैकि तुमरा बिस्वास की चर्चा पूरि दुनियां मा होणी च।

1 कुरिन्थि 1:4

हे मेरा भै-बैंणो, मि तुमरा खातिर अपणा पिता परमेस्वर को धन्यवाद हमेसा करदु, किलैकि परमेस्वर की या किरपा तुम पर यीशु मसीह का द्‍वारा ह्‍वे।

1 कुरिन्थि 15:24

अर येका बाद ईं दुनियां को नास होण को बगत ऐ जाण। तब दुनियां पर राज करण वळा सब अधिकारीयों अर बुरी ताकतों को यीशु मसीह न नास कैरी देण, तब वु अपणा राज्य तैं पिता परमेस्वर का हाथ मा सौंपी द्‍यालु।

इफिसुस 5:4

अर नऽ त तुमरा बीच मा गळत बात बुले जौ, अर ना ही मूरखो की तरौं कुई बात, अर ना ही गळत मजाक हो, किलैकि यू सब बात तुम ठिक नि छिन, बल्किन मा तुमरा बीच मा त बस पिता परमेस्वर को धन्यवाद ही सुणै जौ।

फिलिप्पी 1:3

हे मेरा भै-बैंणो मि पौलुस जब तुमतै याद करदु, त तुमरा बानो मि परमेस्वर तैं धन्यवाद देन्दु,

फिलिप्पी 4:6

अर कै भि बात की चिन्ता-फिकर नि कैरा, बल्किन मा हरेक बात मा प्रार्थना कैरा। अर पिता परमेस्वर से बिन्ती कैरिके मांगा की तुमतै क्या चयेणु, अर हरेक बात मा परमेस्वर को धन्यवाद देणा रा।

कुलुसी 3:17

अर जु कुछ भि तुम बोला या कैरा उ सब कुछ प्रभु यीशु मसीह का नौ से हो, अर वेका द्‍वारा ही तुम पिता परमेस्वर को धन्यवाद कना रा।

1 थिस्सलुनीकी 3:9

अर तुमरि वजै से परमेस्वर का समणि ज्वा खुशी हम मैसूस कन छां, वां खुणि हम परमेस्वर को जथगा भि धन्यवाद द्‍यूला उ भि कम ही च।

1 थिस्सलुनीकी 5:18

अर हर दसा मा परमेस्वर को धन्यवाद द्‍या, किलैकि तुम यीशु मसीह का छाँ इलै परमेस्वर की मनसा या ही च।

2 थिस्सलुनीकी 1:3

हे मेरा भै-बैंणो, तुमरो बिस्वास भौत बढणु च, अर ठिक उन्‍नि तुमरो प्यार भि एक-दुसरा खुणि बढदी जाणु च। इलै हम खुणि यू जरुरी च कि हम तुमरा खातिर पिता परमेस्वर को धन्यवाद हमेसा कैरा, अर हमतै करण भि चयेणु अर यू जरुरी भि च।

2 थिस्सलुनीकी 2:13

मगर हे मेरा भै-बैंणो, तुम जु प्रभु का प्रिय लोग छाँ, हमरि या जिमेदारी बणदी की हम तुमरा खातिर पिता परमेस्वर को धन्यवाद हमेसा कैरा। किलैकि परमेस्वर न तुमतै शुरुवात बटि ही चुण्यालि, कि तुमतै बचयै जौ। अर जब हम वेका सच्‍चा वचन पर बिस्वास करद्‍यां, तब पवित्र आत्मा हमतै पवित्र बणादु ताकि वेका द्‍वारा हम पूरि तरौं से बचि जां।

इब्रानी 13:15

इलै हम यीशु मसीह का द्‍वारा हमेसा पिता परमेस्वर की भक्‍ति कैरा अर वेतैं स्वीकार कैरा।

1 पतरस 2:5

त तुम भि वे ज्यून्दा ढुंगा का जन आत्मिक घौर बणि जन्द्‍यां। अर यू काम इलै किये जान्दु, ताकि तुम पवित्र पुरोहितों को एक दल बणि जा, अर यीशु मसीह का द्‍वारा पिता परमेस्वर खुणि इन आत्मिक बलिदान चड़ा जु कि वेतैं स्वीकार हो।

1 पतरस 4:11

जैतैं उपदेस देण को बरदान मिल्यूं च, उ इन बोलो जन कि पिता परमेस्वर का शब्द हो। अर जैतैं सेवा करण को बरदान मिल्यूं च, वेतैं पिता परमेस्वर की दिईं ताकत से सेवा करण चयेणी, ताकि हरेक बात मा यीशु मसीह का द्‍वारा पिता परमेस्वर की बडै हो। हाँ, सब बातों मा पूरु आदर-सम्मान सदनि तक वेतैं ही मिलु। आमीन।