इफिसुस 5:19 - Garhwali

¹⁹ अर एक-दुसरा का दगड़ा मा पिता परमेस्वर की बडै खुणि धन्यवाद का भजन, अर वेका गुणगान खुणि आत्मिक गीत गा। अर अपणा-अपणा मनों मा प्रभु का गीत गैके वेकी तारीफ कना रा।

गढवली नयो नियम

¹⁹ अर आपस मा भजन अर स्तुतिगान अर आत्मिक गीतों तैं गाया कैरा, अर अपड़ा-अपड़ा मन मा प्रभु का संमणी गांदा अर स्तुति करदा रावा।

इफिसुस 5:19 ပူးပေါင်းရင်းမြစ်များ

मत्ती 15:8

“‘केवल गिच्‍चळ ही यू लोग मेरु आदर-समान करदिन, मगर यों को मन मिसे भौत दूर च।

मत्ती 26:30

अर खाणुक खाण का बाद ऊंन पिता परमेस्वर की भक्‍ति कैरी। अर वेका बाद ऊ जैतून नौ का पाड़ पर चलि गैनी।

खास चेलों 16:25

अर अधि रात का लगभग पौलुस अर सीलास प्रार्थना कना छा अर परमेस्वर की भक्‍ति का गीत गाणा छा। अर कैदी ऊंकी सुनणा छा,

1 कुरिन्थि 14:15

इलै हे मेरा भै-बैंणो, इन्दरि हालत मा क्या कन चयेणु? मि बस इन चान्दु कि जब मि पवित्र आत्मा का द्‍वारा प्रार्थना कैरुं, त लोग भि वीं बात तैं समझि सैका। अर जब मि पवित्र आत्मा का द्‍वारा आत्मिक भजन गौं, त मेरा दगड़ा का लोग ऊं भजनों को मतलब समझि सैका।

1 कुरिन्थि 14:26

इलै हे मेरा भै-बैंणो, तुमतै क्या-क्या कन चयेणु उ अब मि तुमतै बतौन्दु, जब तुम परमेस्वर की भक्‍ति करणु खुणि एक जगा इकट्‍ठा होनद्‍यां, त पवित्र आत्मा का द्‍वारा तुम मा बटि कई लोग पिता परमेस्वर का भजन गन्दिन, अर कुछ शिक्षा देन्दिन। अर अगर कै मनखि पर कुछ परगट किये गै, त उ वीं बात का बारा मा बतौन्दु। अर कुछ लोग पवित्र आत्मा का द्‍वारा अलग-अलग भाषा मा बात करदिन, त कुछ वीं भाषा को मतलब आम बोल-चाल मा बतौन्दिन। अर यू सब कुछ पिता परमेस्वर का द्‍वारा किये जान्दु, ताकि एक-दुसरे की तरक्‍की हो अर सब लोग आत्मिक रुप से मजबूत होन्दी जा।

कुलुसी 3:16

अर यीशु मसीह का वचन तैं अपणा मन मा स्वीकार कैरा, अर वे सिद्ध ज्ञान से एक-दुसरा तैं सीखा, अर चितौणा रा। अर मन से पिता परमेस्वर की बडै खुणि धन्यवाद का भजन गा, अर वेका गुणगान खुणि आत्मिक गीत गा। अर वेतैं आदर-सम्मान देणु खुणि वेकी तारीफ कैरा।

याकूब 5:13

जब तुम मदि कुई दुखी हो, त उ प्रार्थना कैरो। अर अगर कुई खुश हो, त उ भक्‍ति का गीत गौ।

दिब्य दरस 5:9

अर ऊ एक नयू गीत गाण लगि गैनी ऊंन बोलि कि, “हे हमरा मालिक हे हमरा प्रभु पिता, दस्तावेज तैं लेण का लगीं मोरों तैं खुलण का काबिल छाँ तुम यीशु बलिदान सिरफ तुम होयां। तुमुन ही हरेक गोत्र का, जाति हरेक भाषा का, देस-देस का लोगु तैं, ल्वे से अपणा खरीदी च, तुमुन ही ऊं लोगु तैं बणै एक पुरोहित च, पिता परमेस्वर खुणि राज्य एक बणयूं च राज करला वु सभि, औण वळी धरती मा।”