इफिसुस 4:32 - Garhwali

³² पर एक-दुसरा पर दया दिखा अर मयळु बणा, अर जन परमेस्वर न यीशु मसीह का द्‍वारा तुमरा पापों तैं माफ कैरी, ठिक उन्‍नि तुम भि मयळु बणि के एक-दुसरा का पापों तैं माफ कैरा।

गढवली नयो नियम

³² एक दुसरा पर मयलदु, अर दयावन्त हो, अर जन परमेश्वर मसीह मा तुमारा पाप माफ करिनि, उन ही तुम भि एक दुसरा अपराध माफ कैरा।

इफिसुस 4:32 ပူးပေါင်းရင်းမြစ်များ

मत्ती 6:12

अर जन हम ऊंतैं माफ करद्‍यां, जु की हमरा खिलाप बुरै करदिन, ठिक उन्‍नि तुम भि हमरा पापों तैं माफ कैरा।

मरकुस 11:25

अर जब तुम प्रार्थना करणु कू खड़ा छाँ, अर तुमरा मन मा कै का खिलाप कुई बात हो, त वेतैं माफ कैरा, ताकि तुमरो पिता परमेस्वर भि जु की स्वर्ग मा च, तुमरा पापों तैं माफ कैरो। [

लूका 1:78

अर यू सब हमरा परमेस्वर की बड़ी दया से होलु। अर ईं दया का बाना मथि बटि हम पर सुबेर को उज्याळु चमकलु।

लूका 11:4

अर हमरा पापों तैं माफ कैरा, जन हम ऊंतैं माफ करद्‍यां, जु की हमरा खिलाप मा पाप करदिन, अर शैतान की बातों का द्‍वारा हम भकलै नि जा।’”

लूका 17:4

अर अगर जु उ तेरा खिलाप मा एक दिन मा सात बार पाप कैरो। अर उथगि दौं ऐके बोलो, ‘मि बटि गळती ह्‍वे गै अर अब मि पछताणु छौं,’ त तू वेतैं माफ कैर दे।”

लूका 6:35

“पर मि तुम बटि बोन्‍नु छौं, कि अपणा दुसमनों बटि प्यार कैरा, अर ऊंका दगड़ा मा भलै कैरा। अर फिर वापिस मिलणे की आस नि रखी के करज द्‍या। तब तुमतै बड़ु इनाम मिललु, अर तुम सबसे महान परमेस्वर की औलाद बणि जैल्या। किलैकि उ ऐसान नि मनण वळो अर बुरा लोगु पर भि अपणी किरपा करदु।

लूका 6:37

तब यीशु न ऊंकू इन भि बोलि, “एक-दुसरा पर इळजाम नि लगा, त तुम पर भि इळजाम नि लगये जालु। अर कैतैं भि दोषी नि ठैरा, त तुमतै भि दोषी नि ठैरैये जालु, एक-दुसरा तैं माफ कैरा त तुमतै भि माफ किये जालु।

खास चेलों 28:2

अर उखा लोगु न हम पर बड़ी दया दिखै, किलैकि बरखा लगीं छै अर भौत जादा ठण्ड लगणि छै, इलै ऊंन हम खुणि आग जगै अर हमरु स्वागत भि कैरी।

रोमियों 12:10

अर अपणा आपस मा भै-बैंणो की तरौं सच्‍चा दिल से प्यार कैरा, अर हमेसा एक-दुसरो को आदर-सम्मान कैरा।

1 कुरिन्थि 13:4

अर जु मनखि दुसरो बटि प्यार करदु वेका भितर सबर, दया अर दुसरा लोगु से प्यार करण को गुण होन्दु। इन्द्रयो मनखि नऽ त दुसरा लोग तैं देखि के जळतेन्दु, नऽ त डींग मरदु, अर ना ही उ बड़ु मोन करदु।

2 कुरिन्थि 2:10

अर अभि तक जु कुछ भि मिन बोलि तुमुन वेका मुताबिक ही कैरी, इलै अब तुम वे आदिम तैं माफ कैर द्‍या, किलैकि मिन भि वेतैं माफ कैरियाली। अर अगर कैन भि कुछ बुरु काम कैरी, त हमरु फरज बणदु च कि हम ऊंतैं माफ कैरा अर इन हमतै यीशु मसीह की वजै से करण चयेणु, किलैकि वेन हमतै माफ कैरी। अर यू सब कुछ मि तुमरि भलै खुणि ही बोन्‍नु छौं।

2 कुरिन्थि 2:7

इलै अब तुम वे आदिम तैं माफ कैरी द्‍या, अर अगर जु तुम वेतैं माफ नि करिल्या, त वे आदिम तैं इन लगण कि अब तुमुन वेतैं कभि माफ नि कन, अर फिर कखि इन नि हो कि उ आदिम प्रभु यीशु पर बिस्वास करण छोड़ि द्‍यो।

2 कुरिन्थि 6:6

अर हम पवित्र जीवन जीण की कोसिस करद्‍यां, अर विरोध होण का बाद भि सबर अर समझ रखी के एक-दुसरा पर दया करद्‍यां। अर पवित्र आत्मा का द्‍वारा सब लोगु से सच्‍चु प्यार करद्‍यां,

इफिसुस 5:1

इलै हे मेरा प्यारा भै-बैंणो, पिता परमेस्वर की औलाद होण का नाता, तुम वेका मुताबिक चला,

याकूब 5:11

देखा, जु लोग दुख का बगत मा भि सबर रखदिन, ऊंकू हम धन्य बुल्द्‍यां। अर तुमुन अय्यूब का सबर रखण का बारा मा त सुणी ही च, अर आखिरी मा प्रभु न वेतैं क्या कुछ देई वेका बारा मा भि तुम जणदा ही छाँ। अर येसे तुमतै पता चलदु, कि प्रभु कथगा दया करण वळु अर कथगा मयळु च।

2 पतरस 1:7

अर वेकी भक्‍ति करण मा भै-भयात च, अर तुम वीं भै-भयात मा अर वेका प्यार मा और भि जादा बढदी जा।

1 यूहन्ना 1:9

अर अगर हम अपणा-अपणा पापों तैं माणी द्‍या, त उ हमरा पापों तैं माफ करलु अर हमतै सब बुरै से शुद्ध भि करलु, किलैकि पिता परमेस्वर भरोसा का लैख अर सच्‍चु च।

1 यूहन्ना 2:12

हे मेरा प्यारा बच्‍चों, या चिठ्‍ठी मि तुम खुणि इलै लिखणु छौं, किलैकि यीशु मसीह का द्‍वारा तुमरा पाप माफ किये गैनी।