इफिसुस 4:31 - Garhwali

³¹ अर अपणा-अपणा जीवनों बटि हरेक किसमे की कड़वाहट, नाराज होण वळु सभौ, गुस्सा करण, चिलाण, गळी देण, इन्दरि भौत सरी बुरै तैं अफ बटि दूर कैरा।

गढवली नयो नियम

³¹ सब किस्मै कि कड़वाहट, रोष, गुस्सा, कलह, अर निंदा सब बुरै समेत तुम बट्टी दूर किये जौं।

इफिसुस 4:31 ပူးပေါင်းရင်းမြစ်များ

खास चेलों 21:30

तब पूरा नगर का लोग भड़की गैनी, अर मन्दिर की तरफा भागी के इकट्‍ठा ह्‍वेनि। तब ऊंन पौलुस तैं पकड़ी अर खिखोड़ी-खिखोड़ी के मन्दिर बटि भैर निकळि अर तुरन्त द्‍वार बन्द कैरी दिनी।

रोमियों 3:14

“ऊंका गिच्‍चा बटि सिरफ दुसरो खुणि असगार अर बुरै ही निकळदि।”

1 कुरिन्थि 14:20

हे मेरा भै-बैंणो, तुम अपणी सोच तैं छुटा बच्‍चों की तरौं नि बणा, बल्किन मा समझदार बणा। अर अगर जु तुम बच्‍चों की तरौं ही बणण चन्द्‍यां, त बुरै खुणि बणा। अर या बात मि इलै बोन्‍नु छौं, किलैकि बच्‍चा कै की बुरै का बारा मा नि सोचदिन। अर जख तक पिता परमेस्वर की खासियत का बारा मा बात च, त तुम लोग स्यांणा लोगु की तरौं सोच रखा।

1 कुरिन्थि 5:8

अर तुम जु यीशु मसीह पर बिस्वास करद्‍यां, इलै हरेक किसम कि बुरै अर दुसमनी तैं छोड़ि द्‍या, किलैकि यां मा तुमरि कुई भलै नि च। त आ, हम ईं सच्‍चि शिक्षा को पालन कैरा, अर वु भि बड़ी इमानदारी से।

2 कुरिन्थि 12:20

अर मितैं ईं बात की डौऽर च कि कखि इन नि हो कि जब मि तुमरा बीच मा औंऽऽ, त जन मि चान्दु तुमतै उन नि पौं, अर जन तुम मिसे चन्द्‍यां उन तुम मितैं नि पा। अर मितैं इन भि डौऽर च कि तुमरा बीच मा झगड़ा करण वळा, खार खाण वळा, जल्दी नाराज होण वळा, अपणु ही भलु चाणा वळा, बदनाम करण वळा, झूठ्‍ठी बात फैलाण वळा, बड़ु मोन करण वळा, अर दंगा करण वळा लोग मौजूद छिन।

गलातियों 5:20

अर मूरत पूजा करण, जादु-टोंणा करण, एक-दुसरा का दगड़ा मा दुसमनै रखण, लड़ै-झगड़ा करण, एक-दुसरा तैं देखि के जलत्यौण, गुस्सा करण, हर बात मा अपणु ही फैदा दिखण, फूट डलण, अर दल बणौण,

इफिसुस 4:22

इलै अपणा-अपणा जीवन का वे पुरणा बुरा चाल-चलन तैं छोड़ि द्‍या, जु कि भरमौण वळी इच्छाओं तैं रखदु, अर अपणा बुरा सभौ का मुताबिक बिस्वासी लोगु तैं भ्रष्‍ट कैरी देन्दु।

इफिसुस 4:25

इलै हे मेरा भै-बैंणो, अपणा-अपणा पड़ोसी बटि झूठ्‍ठ बोन्‍न छोड़ा, अर सच्‍च बोला, किलैकि हम सभ्या का सभि एक ही सरील का अंग छां।

इफिसुस 4:26

अर जब तुमतै गुस्सा अऽ त पाप नि कर्यां, बल्किन मा घाम अछयौण से पैलि अपणा गुस्सा तैं थूकि द्‍या,

कुलुसी 3:19

अर ठिक उन्‍नि हे पतियों, तुम भि अपणी-अपणी घरवळी से प्यार कैरा, अर ऊंतैं धमकै के नि रखा।

कुलुसी 3:8

पर अब तुम यों सब बातों तैं छोड़ि द्‍या जन कि; एक-दुसरा से नाराज होण, गुस्सा करण, एक-दुसरा की बुरै करण, बेजती करण, गळी देण, इन्दरि कुई भि बात तुमरा गिच्‍चा बटि एक-दुसरा खुणि नि निकळो।

1 तीमुथियुस 3:11

अर उन्‍नि बिस्वासी समुदाय की सेवा मा मदद करण वळो की जनानियां भि इन अच्छु जीवन बिता, ज्यां से की लोग ऊंको आदर-सम्मान कैरा। अर ऊ कै पर दोष लगौण वळी नि हो बल्किन शान्त सभौ की अर सब बातों मा बिस्वासयोग्य हो।

1 तीमुथियुस 3:3

अर उ सराबी ना हो, अर ना ही मार-पीट करण वळु, पर वेतैं शान्त सभौ को होण चयेणु, अर नऽ त उ झगड़ा करण वळु हो, अर ना ही धन को लालच करण वळु।

1 तीमुथियुस 5:13

अगर इन्दरि विधवाओं की मदद होलि, त वु अळकसि ह्‍वे जालि। इथगा ही ना पर उ बेमतलब मा घौर-घौर घूमी के एक-दुसरे की छुईं ही लगाली। अर जु-जु बात बोन्‍न ठिक नि होनदिन वु सब बात यू बोललि।

2 तीमुथियुस 2:23

अर जौं बातों को कुई मतलब नि होन्दु अर जु बेकार की छिन तू इन्द्रया वाद-विवादों से दूर रौ, किलैकि तू जणदी ही छैई कि इन्दरि बातों से झगड़ा होनदिन।

2 तीमुथियुस 3:3

अर ना वु एक-दुसरा बटि प्यार करणा वळा होला, अर ना ही एक-दुसरा तैं माफ करण वळा होला, बल्किन मा दुसरो पर झूठ्‍ठु दोष लगौण वळा, अर अपणी इच्छाओं तैं पूरि करण वळा होला। अर निठुर जीवन जीण वळा, अर इन्द्रया कामों तैं करण वळा होला जु कि भलै का नि होनदिन।

तीतुस 1:7

किलैकि कै भि देख-रेख करण वळा तैं परमेस्वर का कर्ता-धर्ता होण खुणि निरदोष होण चयेणु। अर उ अडियल नि हो, नऽ त गुस्सा करण वळु, अर ना दरोळया, अर ना ही झगड़ा करण वळु, अर वेतैं गळत कमै को लालच करण वळु नि होण चयेणु,

तीतुस 2:3

अर ठिक उन्‍नि बुड्ड़ी जनानि तैं भि समझौ कि ऊंको चाल-चलन पवित्र हो, अर ऊ दुसरो पर दोष लगौण वळी ना हो, अर ना ही दरोळया, पर अच्छी बात सिखौण वळी हो।

याकूब 1:19

हे मेरा प्यारा भै-बैंणो, तुम ईं बात तैं समझि ल्या, कि हरेक मनखि बात सुनणु कू तयार रौ, अर सोची समझि के बुलण वळु अर गुस्सा करण मा कम हो।

याकूब 3:14

पर अगर जु तुम अपणा मन मा कै से भौत खार खन्द्‍यां अर मतलबी होनद्‍यां, त बड़ु मोन नि कर्यां अर सच्‍चै तैं नकारी के झूठ्‍ठ नि बुलयां।

याकूब 4:11

हे मेरा भै-बैंणो, एक-दुसरा का खिलाप मा नि बोला। अगर कुई अपणा बिस्वासी भै-बैंणो का खिलाप बुल्दु, या ऊं पर इळजाम लगौन्दु, त उ परमेस्वर का नियम-कानून पर इळजाम लगौन्दु अर अगर जु तुम नियम-कानून पर इळजाम लगौन्द्‍यां, त तुम नियम-कानून का पालन करण वळा नि छाँ, बल्किन मा तुम अफि ही न्याय करण वळा बणि ग्यां।

1 पतरस 2:1

इलै हे मेरा भै-बैंणो, अपणा जीवनों मा बटि हरेक किसम कि बुरै, छल-कपट अर ढोंग तैं, अर एक-दुसरा बटि जलन रखण अर दुसरो तैं बदनाम करण छोड़ि द्‍या।

1 यूहन्ना 3:12

हमतै कैन का जन नि बणण चयेणु, जैन अपणा सगा भै तैं जान से मार दिनी। अरे, वु त शैतान की औलाद छौ, अर वेन अपणा सगा भै तैं जान से इलै मारी, किलैकि वेका भै न पिता परमेस्वर की नजर मा भलै का काम कैरी छा मगर कैन न बुरै का काम कैरी छा।

1 यूहन्ना 3:15

अर जु मनखि अपणा दुसरा लोगु से नफरत करदु, उ एक खूनि च। अर ईं बात का बारा मा तुम जणदा ही छाँ कि एक खूनि मनखि मा सदनि को जीवन नि ह्‍वे सकदु।

दिब्य दरस 12:10

तब मिन स्वर्ग मा एक ऊँची आवाज तैं इन ऐलान करद सुणी, “सुणा, अब हमरा परमेस्वर की तरफा बटि मिलण वळु छुटकारा, अधिकार अर राज की स्थापना ह्‍वे गै, अर वेका मसीह को राज कन को अधिकार परगट ह्‍वे गै, किलैकि हमरा बिस्वासी भै-बैंणो पर दोष लगौण वळा तैं मूड़ी ढुळै गै, अर यू वु छौ जैन पिता परमेस्वर का समणि रै के ऊं पर दिन-रात दोष लगौण को काम कैरी।