इफिसुस 4:28 - Garhwali

²⁸ इलै सुणा, जु चोरी करदु उ अब से चोरी नि कैरो, बल्किन मा अपणा हाथोंळ भलै का काम कैरो, ताकि जरुरतमन्द लोगु की मदद करणु खुणि वेका पास कुछ हो।

गढवली नयो नियम

²⁸ चोरी कन वलो फिर चोरी नि कैर; पर उ मेहनत कैरा कि हथों ल कैरे गै उपयोगी कामों का द्वारा अन्य लुखुं की भि मदद कैरी सका, जौं तैं कै भि किस्मै कि जरुरत च; इलै कि जै तैं मतलब हो, वे तैं दींणु कु कुछ नि हो।

इफिसुस 4:28 ပူးပေါင်းရင်းမြစ်များ

लूका 19:8

अर जक्‍कई न खड़ु ह्‍वेके यीशु कू बोलि, “प्रभु मि अपणी अधि धन-दौलत गरीबों तैं द्‍यूलु अर जौं बटि मिन अन्यो कैरिके लेई ऊंतैं मि चार गुणा वापिस द्‍यूलु।”

लूका 3:8

पर तुम इन्द्रया काम कैरा, ज्यां से इन पता चलु कि तुमुन मन से पस्तावा कैरियाली। अर अपणा-अपणा मनों मा यू नि सोचा कि, ‘हम अब्राहम का वंश मदि छां, इलै हमतै परमेस्वर दण्ड नि द्‍यालु।’ पर मि तुमतै बतै देन्दु कि, परमेस्वर यू ढुंगो मा बटि भि अब्राहम खुणि औलाद पैदा कैरी सकदु च।

यूहन्ना 12:6

अर वेन या बात इलै नि बोलि, कि वेतैं गरीब लोगु की चिन्ता-फिकर छै। पर उ त चोर छौ, अर रुपयों की थैली भि वेमा ही रौन्दी छै। अर जु कुछ भि उखुन्द डळै जान्दु छौ, उ वामा बटि निकाळि देन्दु छौ।

यूहन्ना 13:29

अर ऊंमा बटि कुछ न सोची, कि त्योवार मा जु-जु चीज जरुरी छिन, ऊंतैं मोल लिणा का बानो, या त गरीबों मा दान बंटणा का खातिर वेन इन बोलि होलु। किलैकि यहूदा मा पैसौं की थैली रौन्दी छै।

रोमियों 12:13

अर पिता परमेस्वर का लोगु का दगड़ा मा अपणी चीजों को साझा कैरा, अर अणजाण लोगु को भि अपणा घौर मा स्वागत कैरा।

1 कुरिन्थि 4:12

अर अपणा हाथोंळ बड़ी मेनत कैरिके थकी जन्द्‍यां। अर फिर भि लोग हमरु अपमान करदिन, मगर हम ऊंतैं आसीस देन्द्‍यां। अर वु लोग हमतै सतौन्दा छिन, मगर हम ऊंकी सौन्द्‍यां।

2 कुरिन्थि 8:12

अर ईं बात तैं याद रखा, कि अगर जु तुम सच्‍चि मा मदद करण चाणा छाँ, त अपणी-अपणी हैसियत का मुताबिक दे सकद्‍यां, ताकि या बात देखि के पिता परमेस्वर खुश हो। किलैकि पिता परमेस्वर इन इच्छा नि रखदु कि कु मितैं कथगा द्‍यालु, यू त तुमरि गुंजैस का मुताबिक च कि कु कथगा देण चाणु च।

2 कुरिन्थि 8:2

मकिदुनिया का दुसरा लोगु न बिस्वासी लोगु तैं भौत दुख देई। हालांकि यू बिस्वासी लोग गरीब छिन, मगर फिर भि ऊं लोगु न दुसरा बिस्वासी लोगु की मदद हमेसा दिल खोली के कैरी।

गलातियों 6:10

इलै जब भि हमतै भलै करण को मौका मिलणु च, त हमतै सभ्यों का दगड़ा मा भलै करण चयेणी। अर खास कैरिके हमतै ऊंकी भि मदद करण चयेणी, जु की यीशु मसीह पर बिस्वास करण की वजै से आज हमरा दगड़ा मा मिली गैनी।

तीतुस 3:14

अर सब बिस्वासी लोग भलै का काम करण सीखा, ताकि ऊ एक-दुसरे की भौत सि जरुरतों तैं पूरु कैरी सैका, तब ऊंका जीवन का द्‍वारा दुसरा लोगु तैं फैदा मिललु।

तीतुस 3:8

अर यू सब बात सच्‍चि छिन, अर मि चान्दु छौं कि तू यों सब बातों का बारा मा जोर देके बतौ, ताकि जौं लोगु न परमेस्वर पर बिस्वास कैरी, ऊ भलै का कामों तैं करण मा लग्यां रा। अर यू बात खूब अर सब लोगु का फैदे की छिन।