इफिसुस 4:22 - Garhwali

²² इलै अपणा-अपणा जीवन का वे पुरणा बुरा चाल-चलन तैं छोड़ि द्‍या, जु कि भरमौण वळी इच्छाओं तैं रखदु, अर अपणा बुरा सभौ का मुताबिक बिस्वासी लोगु तैं भ्रष्‍ट कैरी देन्दु।

गढवली नयो नियम

²² तुमारा शिक्षकों ल तुम तैं वे ढंग छुड़ौण कि शिक्षा द्यां, जैका अनुसार तुम बरतौ करदा छा, हमारी भुरीं इच्छा ल तुम तैं धोका द्यां अर तुमारा जीवन तैं बर्बाद कैरी द्या।

इफिसुस 4:22 ပူးပေါင်းရင်းမြစ်များ

रोमियों 6:6

किलैकि हम जणदा छां, कि हमरु पुरणु सभौ यीशु मसीह का दगड़ा-दगड़ि क्रूस पर चड़ये गै, ताकि हमरु पुरणु सभौ खतम ह्‍वे जौ, अर हम औण वळा बगत मा पाप का गुलाम नि रा।

रोमियों 7:11

अर नियम-कानून त अच्छा छिन, मगर जब मि वेको पालन नि करदु त पाप मितैं धोखा देके अपणा जाल मा फंसै देन्दु, अर वेकी वजै से मौत की सजा मिलदी।

2 कुरिन्थि 11:3

मगर मितैं ईं बात की बड़ी चिन्ता च कि जन शैतान न गुरौ का द्‍वारा बड़ी चालाकी से हवा तैं अपणा छल मा फंसै दिनी, ठिक उन्‍नि कखि इन नि हो कि झूठ्‍ठा लोग अपणी गळत शिक्षा का द्‍वारा तुमरा पवित्र जीवन तैं जु कि यीशु मसीह का दगड़ा मा च वेतैं बिगाड़ि नि द्‍या।

गलातियों 1:13

अर मि पौलुस, जनमजात यहूदी छौ, अर वे बगत मि यीशु पर बिस्वास नि करदु छौ इलै मेरु चाल-चलन कन छौ, वेका बारा मा भि तुमुन भौत सा लोगु का द्‍वारा सुणयूं च। दगड़्यों, वे बगत मि परमेस्वर का समुदाय का लोगु तैं भौत सतौन्दु छौ, अर ऊंतैं नास करणु खुणि मिन भौत जतन भि कैरी।

इफिसुस 2:3

अर एक बगत छौ जब हम भि इन्‍नि छा, अर अपणा-अपणा सरील की इच्छाओं का मुताबिक चलदा छा। अर हम लोग उई काम करदा छा, जु की हमरु सरील चान्दु अर सोचदु छौ, अर हम भि ऊं लोगु की तरौं छा, जौं देखि के पिता परमेस्वर गुस्सा छौ।

इफिसुस 4:17

इलै प्रभु का नौ से मि तुमतै हुकम देके बुल्दु, कि तुम ईं दुनियां का लोगु का जन नि बणा, जु की अपणा मनों तैं बेमतलब की बातों पर लगौन्दिन, अर वेका मुताबिक चलदिन।

इफिसुस 4:25

इलै हे मेरा भै-बैंणो, अपणा-अपणा पड़ोसी बटि झूठ्‍ठ बोन्‍न छोड़ा, अर सच्‍च बोला, किलैकि हम सभ्या का सभि एक ही सरील का अंग छां।

इफिसुस 4:31

अर अपणा-अपणा जीवनों बटि हरेक किसमे की कड़वाहट, नाराज होण वळु सभौ, गुस्सा करण, चिलाण, गळी देण, इन्दरि भौत सरी बुरै तैं अफ बटि दूर कैरा।

कुलुसी 2:11

अर तुमरा सरील मा खतना को रिवाज तैं यीशु मसीह का द्‍वारा पूरु किये गै, जु कि हाथोंळ नि ह्‍वे, बल्किन मा पवित्र आत्मा का द्‍वारा ह्‍वे। अर यू इन्द्रयो खतना च जु कि यीशु मसीह का द्‍वारा ही किये जान्दु, अर मनखि का सरील बटि पाप का सभौ तैं भैर निकळे जान्दु।

तीतुस 3:3

अर मि त्वेतै यू सब इलै बतौणु छौं, किलैकि पैलि हम लोग भि मूरख छा अर बुलयूं नि मणदा छा, अर भक्टयां छा अर भौत सरी मन की इच्छा अर भोग-बिलास का गुलाम छा, अर एक-दुसरा से गळत बरतौ करण वळा अर जलन से भोर्यां छा, अर लोग हम बटि अर हम भि लोगु बटि नफरत करदा छा अर खार खान्दा छा।

इब्रानी 12:1

हे मेरा भै-बैंणो, हम इन्द्रया ही भौत सा लोगु का बारा मा जणदा छां, जु कि बिस्वास का बारा मा हमतै हौसला देन्दा छिन। इलै अब हम पक्‍कु बिस्वास बणै के रखा, ठिक उन्‍नि जन एक खिलाड़ी अपणा बाटा मा औण वळी रुकावट तैं दूर करदु, ठिक इन्‍नि हम भि सब पापों तैं छोड़ि द्‍या अर सबर रखी के हरेक किसम की परेसानी तैं झेली के परमेस्वर का पिछनै चलण वळा बणा।

इब्रानी 3:13

अर जबरि तक पवित्रशास्‍त्र को “आज” शब्द हमरा दगड़ा मा चलणु च, तबरि तक तुम लोग एक-दुसरा को हौसला बढौणा रा। अर ईं बात तैं ध्यान मा रखा कि कुई भि बिस्वासी मनखि धोखा खै के कखि पाप मा नि पोड़ि जौ, अर इन करण से अपणा मन तैं पिता परमेस्वर खुणि निठुर नि कैरी द्‍यो।

याकूब 1:21

इलै सब बुरी आदतों तैं अर सब बुरा कामों तैं छोड़ा, अर परमेस्वर को जु वचन तुमतै सुणये गै, वेतैं तुम दीन सभौ को बणि के स्वीकार कैरा। किलैकि यू ही वचन तुमतै छुटकारु दे सकदु।

याकूब 1:26

अगर कुई भि खुद तैं धरमी समझदु, अर अपणी जीब तैं अपणा वश मा नि रखदु, त उ खुद तैं धोखा देन्दु, अर वेको परमेस्वर की नजर मा धरमी बणण बेकार च।

1 पतरस 1:18

किलैकि तुम जणदा ही छाँ, कि तुमुन अपणा पितरों बटि गळत जीवन जीण को तौर-तरीका ही पै, वे तौर-तरीका से अब तुमुन छुटकारु पयेलि। अर यू छुटकारु तुमतै नास होण वळा सोना-चांदी की चीजों से नि मिली,

1 पतरस 4:3

किलैकि तुम लोगु न पैलि अपणा जीवन तैं दुनियां का लोगु का दगड़ा मा मिली के बुरी इच्छाओं तैं पूरु करण मा भौत बरबाद कैरियाली, जन कि भोग-बिलास, हवस, दरोळया होण, अर दुनियां की रंगरेलीयों मा, घतोलि-घतोलि के दारु पीण मा, अर मूरत पूजा करण जु कि इन्द्रया काम छिन जौं से की पिता परमेस्वर तैं घिण औन्दी, अर तुम भि पैलि इन्‍नि कामों मा लग्यां रौन्दा छा।

2 पतरस 2:13

अर यू बुरै करदिन पर याद रखा कि, अगनै जग्यूं मुछयलु पिछनै ही औन्दु। यू लोग त उई छिन जु दिन-दुफरि मा भोग-बिलास करदिन, अर इन करण ऊंतैं अच्छु लगदु। अरे यू लोग त कलंक छिन, अर जब यू लोग तुमरा दगड़ा कै दावत मा जनदिन,

2 पतरस 2:7

मगर वेन लूत तैं सदोम नगर से बचै, किलैकि उ एक धरमी मनखि छौ, जु कि अपणा आस-पास का दुष्‍ट लोगु का बुरा काम से भौत परेसान ह्‍वे गै छौ।