इफिसुस 4:19 - Garhwali

¹⁹ अर ऊ सुनपट पोड़यां छिन, अर ऊंन खुद तैं गळत चाल-चलन का हवाला कैरियाली, ताकि हर तरौं का गळत काम कैरी सैका, अर गळत कामों तैं करण की इच्छा मा और भि जादा बढदी जां।

गढवली नयो नियम

¹⁹ अर उ बुरा काम कनु कु भंगारी महसूस नि करदा, इलै ऊंल खुद तैं बुरै कनु कु दियेले, उ लगातार सभि किस्म का गंदा काम करदींनि, अर उ कभि भि यु चीजों तैं छुड़ण नि चंदींनि।

इफिसुस 4:19 ပူးပေါင်းရင်းမြစ်များ

मरकुस 7:22

लालच करण, अर दुसरो की बुरै करण, छल-कपट, हवस, बुरी नजर से दुसरो तैं दिखण, दुसरा लोगु की बेजती करण, अर अपणा ही मिजाज मा रौण, अर मूरख होण।

इफिसुस 4:17

इलै प्रभु का नौ से मि तुमतै हुकम देके बुल्दु, कि तुम ईं दुनियां का लोगु का जन नि बणा, जु की अपणा मनों तैं बेमतलब की बातों पर लगौन्दिन, अर वेका मुताबिक चलदिन।

कुलुसी 3:5

इलै तुम दुनियां कि ऊं बातों खुणि अपणा पापि सभौ तैं खतम कैरी द्‍या जु कि पाप करौन्दिन, जन कि सरील का गळत सम्बन्ध रखण, अशुद्धता, हवस, बुरी इच्छा, अर लालच करण जु कि मूरत पूजा का बराबर च।

1 तीमुथियुस 4:2

अर यू सब ऊं झूठ्‍ठा ढोंगि लोगु का द्‍वारा होलु जौं तैं भलै अर बुरै को ज्ञान नि च, यों को मन लुअळ डामी के नास होयां का जन च।

1 पतरस 4:3

किलैकि तुम लोगु न पैलि अपणा जीवन तैं दुनियां का लोगु का दगड़ा मा मिली के बुरी इच्छाओं तैं पूरु करण मा भौत बरबाद कैरियाली, जन कि भोग-बिलास, हवस, दरोळया होण, अर दुनियां की रंगरेलीयों मा, घतोलि-घतोलि के दारु पीण मा, अर मूरत पूजा करण जु कि इन्द्रया काम छिन जौं से की पिता परमेस्वर तैं घिण औन्दी, अर तुम भि पैलि इन्‍नि कामों मा लग्यां रौन्दा छा।

2 पतरस 2:22

इलै ऊं पर या औखाण ठिक बैठणी च कि, “कुकर अपणी ही उल्टी तैं चटणु खुणि फिर वापस जान्दु,” अर “सुंगर तैं कथगा भि नह्‍वा-धुवा, फिर भि उ कीचड़ मा लतपत ह्‍वे जान्दु।”

यहूदा 1:11

अर हाय च यों लोगु खुणि, किलैकि यू कैन का बाटा पर चलण लगि गैनी, जैन अपणा ही भै तैं मारी दिनी। अर रुपयों का लालच मा बिलाम की तरौं धोखा देन्दिन, अर कोरह का जन बगाबत कैरिके नास ह्‍वे गैनी।

दिब्य दरस 18:3

अर सब देसों का लोगु न वींका गळत सम्बन्ध बणौण वळी दारु पीयाली, ताकि सब लोग तैं वीं की लत लगि जौ, अर धरती का राजाओं न वींका दगड़ा मा सरील का गळत सम्बन्ध बणैनी, अर अपणी बुरी इच्छाओं तैं पूरु कैरिके धरती का व्यापारी लोग मालोमाल ह्‍वे गैनी।”