इफिसुस 4:14 - Garhwali

¹⁴ अर औण वळा बगत मा हम बच्‍चों का जन नि रा, जु कि झूठ्‍ठा गुरु लोगु की चालाकी अर धोखा देण वळी बातों तैं सच्‍च समझदिन, अर अपणा जीवन मा स्वीकार कैरिके वेका मुताबिक चलदिन। मेरा दगड़्यों, इन्द्रया लोगु को बिस्वास समुन्दर की लैरों का जन च, जु कि इनै-उनै होणी रौनदिन।

गढवली नयो नियम

¹⁴ कि अब हम छुट्टा नौंनो जन नि हो, अर अब हम ऊं नावों का जन नि हो, जौं तैं लहर अगनैं पिछनै धकैल दे अर बथौं इना-उना घुमोंद। यांको मतलब च चालाक अर ठग लोग अब अपड़ी झूठी शिक्षा ल हम तैं धोखा नि दे सकदा।

इफिसुस 4:14 ပူးပေါင်းရင်းမြစ်များ

मत्ती 11:7

अर जब यूहन्‍ना का भेज्यां चेला वापिस चलि गैनी, तब यीशु न यूहन्‍ना का बारा मा लोगु तैं बतै, “तुम निर्जन जगा मा क्या दिखणु कू ग्यां छा? बथौं बटि हिलण वळा निगुंला तैं क्या?

मत्ती 24:11

अर भौत सा झूठ्‍ठा रैबर्या आला, अर भौतों तैं भरमै द्‍याला।

मत्ती 24:24

“किलैकि झूठ्‍ठा मसीह अर झूठ्‍ठा रैबर्या ऐ जाला, अर बड़ा-बड़ा चिन्‍न अर चमत्कार का काम कैरिके दिखाला, इख तक कि जु लोग चुण्यां छिन ऊंतैं भि भरमै द्‍याला।

खास चेलों 23:21

मगर साब तुम ऊंकी बात नि मणया, किलैकि ऊं लोगु मा बटि चालीस से भि जादा लोग छिन जु पौलुस तैं जान से मरण की ताक मा छिन। अर ऊं लोगु कि इन ठणि च कि जबरि तक हम पौलुस तैं जान से नि मारी द्‍यूला, तबरि तक हमुन कुछ खाण-पीण नि च। अर अब उ तयार छिन, अर तुमरा आदेस को इंतजार कना छिन।”

1 कुरिन्थि 12:2

अर जब तुम ज्यून्दा पिता परमेस्वर तैं नि जणदा छा, तब तुमरो जीवन कन छौ वांका बारा मा भि तुम जणदा ही छाँ। अर वे बगत त तुम बेजान मूरतों की पूजा करदा छा, अर ऊंका पिछनै चलदा छा, अर जन तुमतै बतये जान्दु छौ तुम उन्‍नि करदा छा।

1 कुरिन्थि 14:20

हे मेरा भै-बैंणो, तुम अपणी सोच तैं छुटा बच्‍चों की तरौं नि बणा, बल्किन मा समझदार बणा। अर अगर जु तुम बच्‍चों की तरौं ही बणण चन्द्‍यां, त बुरै खुणि बणा। अर या बात मि इलै बोन्‍नु छौं, किलैकि बच्‍चा कै की बुरै का बारा मा नि सोचदिन। अर जख तक पिता परमेस्वर की खासियत का बारा मा बात च, त तुम लोग स्यांणा लोगु की तरौं सोच रखा।

1 कुरिन्थि 3:19

अर इन उ इलै कैरो किलैकि ईं दुनियां को ज्ञान परमेस्वर की नजर मा मूरखता च, जन कि पवित्रशास्‍त्र मा भि लिख्यूं च कि, “उ ज्ञानी लोगु तैं ऊंका खुद की चालाकी मा फंसै देन्दु।”

2 कुरिन्थि 2:17

अर हम ऊं ठगों की तरौं नि छां जु कि अपणा फैदा खुणि परचार को काम करदिन, पर हम त शुभ समाचार तैं बड़ी इमानदारी से सुणौन्द्‍यां, अर यीशु मसीह का द्‍वारा दियां अधिकार से परमेस्वर का वचन को परचार करद्‍यां। अर यू सब हम इन जाणि के करद्‍यां कि पिता परमेस्वर हमतै दिखणु च।

2 कुरिन्थि 4:2

अर हमुन इन ठाणियालि कि हम इन्द्रयो कुछ भि नि करुला ज्यां से कि हमतै सरम अऽ। अर हमुन कभि भि चालाकी चलि के तुमतै धोखा देण की कोसिस नि कैरी, जन कि कुछ लोग करदिन। अर ना ही हम परमेस्वर का वचन मा मिलावट करद्‍यां, बल्किन मा हम त सच्‍चै से सिखौन्द्‍यां अर उ भि इन जाणि के कि परमेस्वर हमतै दिखणु च। अर यू सब हम इलै करद्‍यां, ताकि हम सब लोगु खुणि एक उदारण बणि जां।

गलातियों 3:1

हे गलाति नगर का बिस्वासी लोगु, क्या तुम नासमझ छाँ अर कु च वु जैन तुम पर जादु कैरियाली? अरे, मिन त तुमतै यीशु मसीह का बारा मा इथगा अच्छे से बतै छौ, जन कि यीशु तैं तुमरि ही आंख्यों का समणि क्रूस पर चड़ये गै हो।

इफिसुस 6:11

परमेस्वर का दियां सब आत्मिक हथियारों तैं बान्धि ल्या, ताकि तुम शैतान की चालाकी का खिलाप मा टिक्यां रा।

1 तीमुथियुस 3:6

अर उ अध्यक्ष एक नयू बिस्वासी मनखि ना हो, निथर उ भौत बड़ु मोन करलु अर जन दण्ड शैतान तैं मिलण उन्‍नि वेतैं भि मिललु।

2 तीमुथियुस 1:15

अर तू जणदी ही छैई, कि आसिया मुलक का भौत सरा बिस्वासी लोग मितैं छोड़ के चलि गैनी। जौं मा बटि फूगिलुस अर हिरमुगिनेस छिन।

2 तीमुथियुस 3:13

पर दुष्‍ट अर धोखा देण वळा बिगड़दी जाला, अर वु दुसरो तैं धोखा द्‍याला अर खुद भि धोखा खाला।

2 तीमुथियुस 4:3

किलैकि इन्द्रयो बगत आलु, कि लोग सच्‍चा उपदेस तैं सुनण पसन्द नि करला। अर अपणा मन की बुरी इच्छाओं का मुताबिक खुद खुणि इन्द्रया उपदेस देण वळो तैं इकट्‍ठा करला, जु कि इन्दरि बात ऊंतैं सिखाला जु ऊंतैं सुनण मा अच्छी लगदी हो।

इब्रानी 13:9

अर ध्यान द्‍या, कखि तुम बन्‍नि-बन्‍नि किसम की शिक्षा से भरमै नि जा, किलैकि परमेस्वर खाणु-खाण से ना, बल्किन मा अपणी महान किरपा से हमरा बिस्वास तैं मजबूत करदु, किलैकि खाणु-खाण का रीति-रिवाजों तैं मनण से कुई फैदा नि होन्दु।

याकूब 1:6

पर उ सक नि कैरो, बल्किन मा बिस्वास से मांगु। किलैकि जु कुई सक करदु, उ समुन्दर की लैर का जन च जु कि हवा का दगड़ि इनै-उनै जान्दी अर उठणी-बैठणी रौन्दी।

याकूब 3:4

उन्‍नि पाणि का जाजों तैं भि देखा, कि उ कथगा बड़ा होनदिन अर तेज बथौं का द्‍वारा ही ऊंतैं चलये जान्दु। पर जाज चलौण वळु एक छुटा सा हेंडळ बटि वेतैं जनै चान्दु उनै लि जान्दु।

2 पतरस 2:18

अर झूठ्‍ठा लोग बेकार कि बात करदिन, अर अपणा गन्दा कामों का द्‍वारा दुसरा लोगु तैं सरील की बुरी इच्छा मा फंसै देन्दिन। अर अभि-अभि जु लोग सच्‍चै का बाटा पर चलण लगि गै छा, यू ऊंतैं फिर से भटके देन्दिन।

1 यूहन्ना 2:19

असल मा यू लोग हमरा बीच मा बटि ही निकळि के ही ऐनी, मगर वु हमरा अपणा लोग नि छिन किलैकि अगर जु वु हमरा अपणा लोग होन्दा त वु हम दगड़ा मा रौन्दा। मगर ऊंन त हमतै छोड़याली, अर ऊंको इन करण से यू साबित ह्‍वे गै, कि ऊ हमरा अपणा लोग नि छिन।

1 यूहन्ना 2:26

अर यू सब बात मि तुम खुणि इलै लिखणु छौं, ताकि तुम जाणि जा कि भौत सा लोग छिन, जु तुमतै सच्‍चै का बाटा बटि भरमौण चनदिन।

1 यूहन्ना 4:1

हे मेरा प्यारा भै-बैंणो, हरेक आत्मा पर बिस्वास नि कैरा बल्किन मा हरेक आत्मा तैं परखा कि वा पिता परमेस्वर की तरफा बटि छैई च कि नि च, किलैकि भौत सा झूठ्‍ठा रैबर्या ईं दुनियां मा फैली गैनी।

यहूदा 1:12

अर यू झूठ्‍ठा लोग ढन्ड़ीयों मा छिप्यां चटानों का जन छिन, अर मसीह प्यार से ज्वा दावत तुम अपणा घौरों मा रखद्‍यां, यू लोग वामा तुमरा दगड़ा खान्दा-पीन्दा छिन। अर यू लोग सिरफ अपणु पुटगु ही भोरण चनदिन, अर लोग त बिना पाणि वळा बादळों का जन छिन जौं तैं हवा अफ दगड़ा मा उड़ै के लि जान्दी। अर इन्द्रया डाळों का जन छिन, जौं पर समौ औण पर फल नि लगदिन बल्किन मा यू त दुई बार सूखि गैनी अर जलुड़ो समेत उखड़्यां छिन।

दिब्य दरस 19:20

तब दैंत पकड़ै गै, अर वेका दगड़ा-दगड़ि झूठ्‍ठु रैबर्या भि पकड़ै गै जु की दैंत का द्‍वारा चमत्कार दिखै के लोगु तैं भरमै देन्दु छौ। अर यू वु लोग छा जु कि मूरत की पूजा करदा छा अर ऊं पर दैंत की मोर लगीं छै, तब यों दुईयों तैं ज्यून्द ही वीं आग की झील मा डळै गै, ज्वा कि गंधक से जगणी रौन्दी।