इफिसुस 3:9 - Garhwali

⁹ अर पिता परमेस्वर जैन सब चीजों तैं बणै, अर वेमा ही यू सब बात पैलि छिपी छिन वे ही परमेस्वर न मितैं यू काम सौंपी, कि मि सब लोगु तैं वीं महान योजना का बारा मा बतौ।

गढवली नयो नियम

⁹ अर सभियूं मनिख्युं तैं समझै सकदु छों, कि वेल ऊं चीजों तैं कन पूरो कैरी जौं तैं वेल पैली बट्टी कनु कु फैसला कैरी छों। यु भौत बगत पैली प्रगट नि हवे छों किलैकि परमेश्वर हरेक चीज तैं बनांण वलो ल छिपयुं छों।

इफिसुस 3:9 ပူးပေါင်းရင်းမြစ်များ

मत्ती 10:27

अर राज कि जु बात मि राति तुमतै बतौन्दु, तुम दिन का उज्याळा मा वु लोगु तैं बता, अर जु कुछ भि मिन तुमरा कन्दूड़ मा बोलि, तुम खुलाआम जैके लोगु मा वेको परचार कैरा।

मत्ती 13:35

अर इन वु इलै करदु छौ, ताकि वा बात पूरि ह्‍वे जौ जु की परमेस्वर का रैबर्या का द्‍वारा बुले गै छै। अर वा बात इन च कि, “मि उदारण देके बात करलु, अर जब बटि दुनियां बणि तब बटि जु बात छिपी छै, ऊं बातों तैं परगट करलु।”

मत्ती 25:34

तब राजा अपणा दैंणी तरफा वळो कू बोललु, ‘मेरा पिता बटि आसीस पौण वळो, आ, अर वे राज्य का अधिकारी ह्‍वे जा, जु दुनियां की शुरुवात बटि तुम खुणि तयार कैरिके रख्युं च।

मत्ती 28:19

इलै तुम जा, अर सब जाति का लोगु तैं चेला बणा, अर ऊंतैं पिता, पुत्र अर पवित्र आत्मा का नौ से बपतिस्मा द्‍या,

लूका 24:47

अर वेका नौ से पापों की माफी पौणु खुणि अर मन से पस्ताप करण को परचार यरूशलेम नगर बटि दुनियां का सब देसों मा किये जालु,

यूहन्ना 10:30

मि अर पिता एक ही छां।”

यूहन्ना 5:17

पर यीशु न ऊंकू बोलि, “मेरु पिता अभि तक काम करदु, इलै मि भि काम करदु छौं।”

यूहन्ना 5:19

फिर यीशु न ऊं खुणि बोलि, “मि तुम बटि सच्‍चि ही बोन्‍नु छौं, कि पुत्र अपणी तरफा बटि कुछ नि कैरी सकदु, पर उ पिता तैं जन काम करद दिखदु, ठिक उन्‍नि कामों तैं वु भि करदु, किलैकि जु कुछ भि पिता करदु, उ पुत्र भि करदु।

खास चेलों 15:18

अर जु परमेस्वर भौत सालों पैलि बटि यों बातों तैं बतौन्दी औणु च, उई परमेस्वर यू सब बात बुल्दु।’

रोमियों 11:25

हे मेरा भै-बैंणो, मि नि चान्दु कि तुम खुद तैं अपणी नजर मा भौत समझदार समझा। पर जबरि तक पिता परमेस्वर की मनसा पूरि नि ह्‍वे जौ, कि उ अपणा चुण्यां लोगु तैं अपणा पास लेके अऽ, वेका बाद ही इस्राएली लोग का निठुर मन टूटी जाला, तब ऊ यीशु मसीह की बातों को पालन करला।

1 कुरिन्थि 2:7

अर जै ज्ञान का बारा मा हम बतौन्द्‍यां, उ पिता परमेस्वर का राज को ज्ञान च, जु कि पैलि ईं दुनियां का लोगु बटि छिप्यूं छौ, मगर ये ज्ञान तैं पिता परमेस्वर न दुनियां का बणण से भि पैलि बटि ठैरै के रख्युं छौ, ताकि हम वे बटि आदर-सम्मान पा।

इफिसुस 1:4

अर दुनियां का बणण से भि पैलि पिता परमेस्वर न अपणी योजना का मुताबिक हम से प्यार कैरी, अर हमतै मसीह खुणि चुणी दिनी, ताकि हम वेका दिखण मा पवित्र अर बेदाग ठैरि सैका।

इफिसुस 3:2

अर तुम लोगु न यू जरुर सुणी होलु, कि पिता परमेस्वर न मितैं तुम लोगु की भलै खुणि अपणी महान किरपा का मुताबिक सेवा को काम सौप्युं च। हाँ, तुम लोगु खुणि ही तुम जु कि यहूदी जाति का नि छाँ।

इफिसुस 6:19

हे मेरा भै-बैंणो, मि पौलुस खुणि भि प्रार्थना कर्यां, ताकि मितैं वचन बोन्‍न का बगत मा इन्द्रयो वचन दिये जौ, जैतैं मि हिम्मत से बोलि सैकु अर शुभ समाचार को पवित्र राज लोगु तैं बतै सैकु,

कुलुसी 1:23

अर यू सब तभि ह्‍वे सकदु, जब तुम बिस्वास मा बणयां रा अर वेकी बुनियाद मा मजबूत ह्‍वेके टिक्यां रा, अर जु शुभ समाचार तुमुन सुणी वां से मिलण वळी आस तैं नि छोड़ा। अर ये ही शुभ समाचार को परचार हर जगा किये जाणु च, अर मि पौलुस ये काम को सेवक छौं।

कुलुसी 1:26

अर यू उ राज छौ जु कि युग-युग अर पीढ़ी-पीढ़ी बटि छिप्यूं छौ, मगर अब वे राज तैं परमेस्वर न अपणा पवित्र लोगु पर परगट कैरियाली।

कुलुसी 3:3

किलैकि अब तुमरो पापि सभौ खतम ह्‍वे गै। अर अब तुमरो जीवन मसीह का द्‍वारा पिता परमेस्वर मा हिफाजत से रख्युं च, अर ये जीवन तैं लोग देखि नि सकदिन।

कुलुसी 4:3

अर येका दगड़ा-दगड़ि हम खुणि इन प्रार्थना कैरा, ताकि हमतै इन मौका मिलु कि हम पिता परमेस्वर का वचन तैं लोगु का बीच मा और भि जादा फैले सैका। अर हम यीशु मसीह का वे राज का बारा मा बतै सैका, जैका खातिर आज मि कैद मा छौं,

2 थिस्सलुनीकी 2:13

मगर हे मेरा भै-बैंणो, तुम जु प्रभु का प्रिय लोग छाँ, हमरि या जिमेदारी बणदी की हम तुमरा खातिर पिता परमेस्वर को धन्यवाद हमेसा कैरा। किलैकि परमेस्वर न तुमतै शुरुवात बटि ही चुण्यालि, कि तुमतै बचयै जौ। अर जब हम वेका सच्‍चा वचन पर बिस्वास करद्‍यां, तब पवित्र आत्मा हमतै पवित्र बणादु ताकि वेका द्‍वारा हम पूरि तरौं से बचि जां।

1 तीमुथियुस 3:16

हम जु बिस्वास करद्‍यां वेकी सच्‍चै भौत गम्भीर च अर ईं बात मा कुई भि सक नि च। किलैकि या बात सच्‍च च कि, यीशु मसीह न मनखि का रुप मा जनम ले, अर उ पवित्र आत्मा का द्‍वारा धरमी ठैरै गै, अर स्वर्गदूतों तैं दिखै, अर हर जगा वेको परचार किये गै। तब ईं दुनियां का लोगु न वे पर बिस्वास कैरी, अर बड़ा आदर-सम्मान का दगड़ा मा उ स्वर्ग मा उठये गै।

2 तीमुथियुस 1:9

अर परमेस्वर न हमतै इलै नि बचै, कि हमुन भौत अच्छा काम करिनी। पर वेन त हम पर अपणी दया कैरिके अपणी मनसा तैं पूरि करणु खुणि हमतै बुलै। किलैकि परमेस्वर न दुनियां की शुरुवात से ही पैलि अपणी दया यीशु मसीह का द्‍वारा हम पर दिखै, अर हमतै बचौण की योजना बणै। अर वेन हमतै इलै बचै, ताकि हम एक पवित्र जीवन जी सैका।

तीतुस 1:2

अर यू सब मि इलै कनु छौ, ताकि परमेस्वर का लोग ईं आस मा रा, कि ऊंतैं सदनि को जीवन मिली सैको। अर परमेस्वर कभि झूठ्‍ठ नि बुल्दु, दुनियां की शुरुवात से पैलि वेन ही हम खुणि सदनि को जीवन देणो को करार कर्युं च।

1 पतरस 1:20

अर दुनियां का बणण से पैलि ही पिता परमेस्वर न यीशु मसीह तैं चुण्यालि छौ, ताकि उ दुनियां का लोगु तैं ऊंका पापों से माफी द्‍यो। अर पिता परमेस्वर न यीशु मसीह तैं ये जमना का आखिरी का दिनों मा ईं धरती पर परगट कैरी।

दिब्य दरस 13:8

अर धरती पर रौण वळा सब लोग वे दैंत पूजा करला, मगर जौं लोगु का नौ दुनियां की शुरुवात से पैलि जीवन की किताब मा लिख्यां छिन वु लोग वे दैंत की पूजा नि करला। अर या किताब बलिदान होयां मेम्‍ने की च जु कि यीशु मसीह च।

दिब्य दरस 14:6

फिर मिन एक और स्वर्गदूत तैं देखि जु की आसमान मा उड़णु छौ, अर वेका पास सदनि तक रौण वळु शुभ समाचार छौ, ताकि धरती पर रौण वळा सब देसों, गोत्रों अर हरेक भाषा अर जाति-जाति का लोग तैं यू शुभ समाचार सुणये जौ।

दिब्य दरस 17:8

अर जु दैंत तिन देखि, पैलि उ ज्यून्द छौ पर अब वु मोरि गै, मगर उ फिर से ज्यून्द ह्‍वेके अधलोक बटि निकळि के आलु, अर वेको नास फिर से ह्‍वे जालु। अर धरती पर रौण वळा जौं लोगु का नौ दुनियां की शुरुवात बटि जीवन की किताब मा नि लिख्यां छिन, वु सब लोग वे दैंत का दगड़ा मा जु कुछ भि ह्‍वे देखि के बड़ु ताजुब करला।

दिब्य दरस 4:11

“हे हमरा प्रभु, अर हमरा परमेस्वर, तुमरि ही बडै हो, अर पूरु आदर-सम्मान तुमतै ही मिलु, अर तुमरि ताकत की तारीफ हो, किलैकि तुमुन ही सब चीजों तैं बणै, अर तुमरि मनसा से ही यू सब बणि अर यों सब चीजों को बजूद च।”