इफिसुस 3:21 - Garhwali

²¹ अर बिस्वासी समुदाय का लोगु का द्‍वारा अर यीशु मसीह का द्‍वारा पिता परमेस्वर की बडै पीढ़ी से पीढ़ी तक सदनि तक होणी रौ। आमीन।

गढवली नयो नियम

²¹ मण्डलि मा, अर मसीह यीशु मा, वेकी बड़ै पीड़ि बट्टी पीड़ि तक सदनी हूंणी रौ। आमीन।

इफिसुस 3:21 ပူးပေါင်းရင်းမြစ်များ

मत्ती 6:13

अर शैतान की बातों का द्‍वारा हम भकलै नि जा, बल्किन मा हमतै बुरै से बचै के रखा। [किलैकि तुमरो राज अर तुमरि ताकत, अर तुमरो आदर-सम्मान सदनि तक होन्दी रौ। आमीन।]

लूका 2:14

“स्वर्ग मा परमेस्वर की बडै हो, अर धरती पर जौं बटि परमेस्वर खुश च, ऊं लोगु तैं शान्ति मिलु।”

रोमियों 11:36

किलैकि सब कुछ पिता परमेस्वर न ही बणै, अर सब कुछ वेका द्‍वारा ही ह्‍वे, अर वे खुणि ही च। अर सदनि तक वेकी तारीफ होणी रौ। आमीन।

गलातियों 1:5

वे परमेस्वर की बडै सदनि तक होणी रौ। आमीन।

इफिसुस 1:6

इलै ही हम वेकी महान किरपा की तारीफ करद्‍यां, अर या किरपा वेन अपणा लाडला पुत्र यीशु मसीह का द्‍वारा हम पर बड़ु मेरबान ह्‍वेके कैरी।

इफिसुस 2:7

अर यीशु मसीह का द्‍वारा ज्वा दया वेन हम पर कैरी वा वेन इलै कैरी, ताकि औण वळा जमना मा सब लोग देखि सैका कि पिता परमेस्वर की किरपा कथगा बड़ी च।

इफिसुस 4:1

इलै मि जु कि प्रभु यीशु को चेला होण का नाता कैद मा छौं, तुम बटि बिन्ती करदु कि तुमरो चाल-चलन वीं इच्छा का मुताबिक हो ज्यां खुणि पिता परमेस्वर न तुमतै बुलै।

फिलिप्पी 1:11

अर यीशु मसीह का द्‍वारा परमेस्वर की नजर मा धरमी जीवन जीणु खुणि हर गुण से भरपूर ह्‍वे जा, ताकि तुमरा जीवनों का द्‍वारा परमेस्वर की बडै अर तारीफ हो।

फिलिप्पी 2:11

अर पिता परमेस्वर की बडै करणु खुणि हरेक जीब स्वीकार कैरो, कि यीशु मसीह ही प्रभु च।

फिलिप्पी 4:20

हमरा पिता परमेस्वर की बडै सदनि तक होणी रौ। आमीन।

2 तीमुथियुस 4:18

अर अब प्रभु मितैं हर बुरै से दूर करलु, अर अपणा स्वर्ग का राज्य मा हिफाजत से लि जालु वेको आदर-सम्मान सदनि तक होणु रौ। आमीन।

1 पतरस 2:5

त तुम भि वे ज्यून्दा ढुंगा का जन आत्मिक घौर बणि जन्द्‍यां। अर यू काम इलै किये जान्दु, ताकि तुम पवित्र पुरोहितों को एक दल बणि जा, अर यीशु मसीह का द्‍वारा पिता परमेस्वर खुणि इन आत्मिक बलिदान चड़ा जु कि वेतैं स्वीकार हो।

1 पतरस 5:11

अर वेकी ताकत ही सदनि तक रौ। आमीन।

2 पतरस 3:18

इलै तुम हमरा प्रभु अर बचौण वळा यीशु मसीह की दया अर वेका ज्ञान मा बढदी जा, अर वेको आदर-सम्मान अब बटि लेके हमेसा-हमेसा तक होन्दी रौ। आमीन।

यहूदा 1:25

अर हमरा प्रभु यीशु मसीह का द्‍वारा हमतै छुटकारा देण वळा एकमात्र सच्‍चा परमेस्वर जु कि सानदार, ताकतबर, महान अर बड़ा-बड़ा काम करण वळु च। हाँ, वु ही जु की पैलि बटि छौ, अर अब भि च अर औण वळा बगत मा भि रालु, वेकी बडै हमेसा-हमेसा होणी रौ। आमीन।