इफिसुस 3:10 - Garhwali

¹⁰ अर बिस्वासी समुदाय का द्‍वारा वेको मकसद इन च, कि आसमान का सासक अर सब शक्‍तियाँ पिता परमेस्वर का ज्ञान का बारा मा जाणि सैका, कि वेकी योजना कथगा महान च।

गढवली नयो नियम

¹⁰ कि अब मण्डलि का द्वारा, परमेश्वर कि अनन्त बुद्धि ऊं प्रधानों अर अधिकारियों पर प्रगट किये जालो, जु अनदेखा दायरों कु जख आत्मा राज्य करदींनि प्रगट किये जौं।

इफिसुस 3:10 ပူးပေါင်းရင်းမြစ်များ

रोमियों 11:33

पिता परमेस्वर की महानता का बारा मा बतौण बड़ु कठिन च। अर वेकी अकल और ज्ञान को कुई अन्त नि च, किलैकि जौं बातों को फैसला उ लेन्दु, वु लोगु की सोच-समझ से भैर छिन, अर ना कुई वेका तौर-तरीकों तैं समझि सकदु।

रोमियों 8:38

अर मितैं पूरु यकीन च, कि हमतै परमेस्वर का प्यार से कुई भि अलग नि कैर सकदु, नऽ त मौत, ना ही जीवन, नऽ त स्वर्गदूत, अर ना ही अधिकारी, अर नऽ त आज को दिन, ना ही औण वळु दिन, नऽ त ताकत, ना ही कुई ऊंचै,

1 कुरिन्थि 1:24

पर जौं लोगु तैं पिता परमेस्वर न बुलै, अब चै वु यहूदी जाति का हो या दुसरि का जाति का सब खुणि यीशु मसीह ही परमेस्वर की ताकत अर परमेस्वर को ज्ञान च।

1 कुरिन्थि 2:7

अर जै ज्ञान का बारा मा हम बतौन्द्‍यां, उ पिता परमेस्वर का राज को ज्ञान च, जु कि पैलि ईं दुनियां का लोगु बटि छिप्यूं छौ, मगर ये ज्ञान तैं पिता परमेस्वर न दुनियां का बणण से भि पैलि बटि ठैरै के रख्युं छौ, ताकि हम वे बटि आदर-सम्मान पा।

इफिसुस 1:21

अर हरेक सासन करण वळु या अधिकार रखण वळु, या जौं का पास कुछ ताकत हो या कुई खास आदिम जैका पास कै मुलक या जगा को अधिकार हो, यों सभ्यों का मथि पिता परमेस्वर न यीशु मसीह तैं सबसे बड़ु पद दिनी, अब चै ये युग मा हो या औण वळा युग मा।

इफिसुस 1:23

अर समुदाय का लोग यीशु मसीह का सरील का जन छिन, जौं लोगु मा उ पूरि तरौं से रौन्दु अर उई च जु कि सब चीजों मा सब कुछ पूरु करदु।

इफिसुस 1:3

हमरा प्रभु यीशु मसीह का पिता परमेस्वर की तारीफ हो, जैन हमतै यीशु मसीह का पास औण का बाद पवित्र आत्मा का द्‍वारा हरेक किसमे की आत्मिक आसीस दिईं च।

इफिसुस 1:8

अर येका द्‍वारा उ हमतै कई बातों की सच्‍चै तैं बिंगण मा अकल देन्दु।

इफिसुस 6:12

किलैकि हम बिस्वासी लोगु की या लड़ै मनखियों का दगड़ा मा नि च, जौं पर केवल मांस, ल्वे अर हड़गा ही छिन, बल्किन मा हमरि लड़ै त दुष्‍ट खबेसों, अर ऊंका परधानों अर अधिकारीयों का दगड़ा मा च, जु कि ईं अन्धेरी दुनियां पर सासन करदिन अर आसमान मा रौनदिन।

कुलुसी 1:16

किलैकि वेका द्‍वारा ही सब चीजों तैं बणयै गै, याने कि स्वर्ग अर ईं धरती की सब चीज, दिखैण वळी अर नि दिखैण वळी चीज, राजगद्‍दी अर साम्राज्य, सासक अर अधिकारी, सब कुछ वेका ही द्‍वारा बणयै गै अर वे खुणि ही बणयै गै।

कुलुसी 2:15

अर यीशु मसीह न सासन करण वळी, अर अधिकार रखण वळी सब बुरी ताकतों पर क्रूस का द्‍वारा जीत हासिल कैरिके ऊंको खुलाआम तमसो बणै दिनी।

1 तीमुथियुस 3:16

हम जु बिस्वास करद्‍यां वेकी सच्‍चै भौत गम्भीर च अर ईं बात मा कुई भि सक नि च। किलैकि या बात सच्‍च च कि, यीशु मसीह न मनखि का रुप मा जनम ले, अर उ पवित्र आत्मा का द्‍वारा धरमी ठैरै गै, अर स्वर्गदूतों तैं दिखै, अर हर जगा वेको परचार किये गै। तब ईं दुनियां का लोगु न वे पर बिस्वास कैरी, अर बड़ा आदर-सम्मान का दगड़ा मा उ स्वर्ग मा उठये गै।

1 पतरस 1:12

अर ऊं लोगु पर इन परगट किये गै, कि सेवा की जौं बातों का बारा मा बतये जाणु च वु ऊं खुणि ना, बल्किन मा औण वळी पीढ़ी का लोगु खुणि छिन, याने कि हम लोगु खुणि। अर जु कुछ भि ऊंन पवित्र आत्मा का द्‍वारा पै, उ शुभ समाचार ऊंन हमतै सुणै, अर यों ही बातों तैं स्वर्गदूत बड़ी इच्छा रखी के दिखण चाणा छिन।

1 पतरस 3:22

अर अब वु स्वर्ग मा जैके परमेस्वर की दैंणी तरफा बैठयूं च, अर सब स्वर्गदूत अर अधिकार अर ताकत वेका अधीन मा ही छिन।