इफिसुस 2:12 - Garhwali

¹² अर वे बगत तुम लोग मसीह तैं जणदा नि छा। अर तुम लोग इस्राएल का लोगु खुणि एक परदेसी का जन छा, अर परमेस्वर न ऊं लोगु बटि जु करार कर्युं छौ, वामा तुमरो कुई हिस्सा नि छौ। असल मा तुम त ईं दुनियां मा बिना उम्मीद अर बिन परमेस्वर का जीवन जीण छा।

गढवली नयो नियम

¹² तुम लोग वे बगत मसीह तैं नि जंणदा छा, अर परमेश्वर का चुणयां लोग इस्राएल का जन नागरिक का रूप मा भागिदार नि छा, अर तुम ऊं भलि चीजों का भि भागिदार नि छा जौंकु वादा पिता परमेश्वर ल यहूदीयों बट्टी कैरी छों अर आस हीन हवे कै अर पिता परमेश्वर तैं बगैर जणयां ईं दुनिया मा रौंदा छा।

इफिसुस 2:12 ပူးပေါင်းရင်းမြစ်များ

लूका 1:72

अर हमरा पितरों पर दया करणु खुणि, परमेस्वर का द्‍वारा कियां पवित्र करार, याने की ज्वा कसम वेन हमरा पितर अब्राहम का दगड़ा मा कैरी छौ, वे करार तैं याद करणु खुणि वेन यू कैरी।

यूहन्ना 10:16

“मेरी और भि भेड़ छिन, जु कि ये गुठ्‍यार की नि छिन। अर यू जरुरी च, कि मि ऊंतैं भि अपणा गुठ्‍यार मा लेके औंऽऽ। तब ऊ भि मेरी आवाज तैं सुणला, अर तब एक ही झुण्ड अर एक ही चरवाह होलु।

यूहन्ना 15:5

“मि अंगूरों की बेल छौं, अर तुम फौंकि छाँ। अर जु मि मा बणयां रौनदिन अर जौं मा मि बणयूं रौन्दु उई जादा फल लनदिन, किलैकि मि बटि अलग ह्‍वेके तुम कुछ भि नि कैरी सकद्‍यां।

यूहन्ना 4:22

अर तुम जैतैं जणदा नि छाँ वेकी भक्‍ति करद्‍यां, पर हम जैतैं जणदा छां वेकी भक्‍ति करद्‍यां, किलैकि बचौण वळु यहूदियों मदि ही च।

खास चेलों 2:39

किलैकि पवित्र आत्मा देण को यू करार तुम खुणि, अर तुमरि औलादों खुणि अर ऊं सभ्यों खुणि च जु दूर-दूर रौणा छिन। अर यू करार ऊं लोगु खुणि भि च, जौं तैं हमरु प्रभु परमेस्वर अपणा पास बुलान्दु।”

खास चेलों 28:20

अर मिन तुमतै इख इलै बुलै, ताकि तुम बटि मिलु अर बात-चित कैरी सैकु, अर जै मसीह औण की आस इस्राएली लोगु न रखी च, वे ही मसीह का बारा मा परचार करण का बानो आज मि इख बेड़ियों मा बन्धयूं छौं।”

खास चेलों 3:25

अर परमेस्वर न रैबर्यों का द्‍वारा जु करार कैरी, वु तुम खुणि भि च। अर तुम ये समझौता का हकदार छाँ जु कि तुमरा पितरों का दगड़ा मा किये गै। अर वेन पितर अब्राहम कू बोलि छौ कि, ‘तेरा वंश का द्‍वारा धरती का सब कुटुम्ब आसीस पाला।’

रोमियों 9:8

अर यां को मतलब यू च कि पितर अब्राहम का वंश मा जथगा भि लोगु को जनम हो ऊंमा सभ्यों खुणि पिता परमेस्वर की औलाद नि बुले जालु, मगर केवल ऊं खुणि ही पिता परमेस्वर की औलाद बुले जालु जौं खुणि वेन करार कैरी छौ।

गलातियों 4:8

हे मेरा भै-बैंणो, पैलि जब तुम परमेस्वर तैं नि जणदा छा, त वे बगत तक तुम ऊंका गुलाम छा जु कि असल मा ईश्‍वर छैई ही नि छिन।

इफिसुस 2:19

इलै अब तुम परदेसी अर मुसाफिर लोग नि छाँ, पर पिता परमेस्वर का चुण्यां पवित्र लोगु का दगड़ा मा हिस्सेदार अर परमेस्वर का घौर का सदस्य छाँ।

इफिसुस 4:18

अर ऊ जिद्‍दी छिन अर अपणा-अपणा मनों तैं निठुर बणै के रखदिन, इलै ऊंको निठुर होण की वजै से ऊ आज भि अन्धेरा मा छिन, अर वु सदनि का जीवन से दूर छिन जु कि प्रभु ऊंतैं देण चान्दु।

कुलुसी 1:21

अर एक बगत वु छौ, जब तुम अपणा बुरा कामों की वजै से पिता परमेस्वर बटि दूर छा, अर तुमरा मनों मा वेका खिलाप बुरै भुरीं छै।

कुलुसी 1:27

अर पिता परमेस्वर जौं लोगु तैं इन बतौण चाणु छौ, कि वु सच्‍चु राज कथगा महान च, वेन उ राज अपणा लोगु पर परगट कैरी। अर उ राज सब लोगु खुणि च जु कि इन च कि, पिता परमेस्वर अपणा पुत्र यीशु मसीह की पवित्र आत्मा का द्‍वारा हमरा भितर रौन्दु। अर परमेस्वर का दगड़ा मा रौणु खुणि यीशु मसीह ही हमरि एकमात्र आस च।

कुलुसी 1:5

अर यू सब हम इलै करद्‍यां, किलैकि तुमुन वीं आस का बारा मा सुणी ज्वा की तुमतै एक नई उम्मीद देन्दी, अर वा ही आस तुम खुणि स्वर्ग मा रखी च। अर ईं आस का बारा मा तुमुन बिस्वास करण का बगत मा वे सच्‍चा शुभ समाचार का द्‍वारा सुण्यालि।

1 थिस्सलुनीकी 4:13

हे मेरा भै-बैंणो, हम इन चन्द्‍यां, कि मुरयां लोगु को क्या जि होलु येका बारा मा तुम जाणा, ताकि तुम बिस्वास नि करण वळा लोगु का जन शोक नि कैरा जौं लोगु का पास कुई भि आस नि च।

1 थिस्सलुनीकी 4:5

अर बिस्वास नि करण वळा लोगु, का जन सरील का गळत सम्बन्ध रखण की इच्छा नि रखा जु की परमेस्वर तैं नि जणदिन।

2 थिस्सलुनीकी 2:16

हमरु पिता परमेस्वर हम बटि प्यार करदु, अर वेन हमतै सदनि तक रौण वळी दिलासा अर सबसे अच्छी आस दिईं च।

1 तीमुथियुस 1:1

हे मेरा प्यार भै तीमुथियुस, मि पौलुस या चिठ्‍ठी त्वे खुणि लिखणु छौं। अर हमतै बचौण वळा परमेस्वर अर यीशु मसीह न जै पर हमरि अपणी आस रखी च, वेन ही मितैं खास चेला ठैरै के भेजि। तीमुथियुस, तू मेरा सच्‍चा नौना का जन छैई, मि प्रार्थना करदु कि: पिता परमेस्वर अर हमरा प्रभु यीशु मसीह का द्‍वारा त्वे पर वेकी किरपा, शान्ति अर दया होणी रौ।

इब्रानी 11:34

अर कुछ लोग आग की खतरनाक बणांग से बचि गैनी, अर कुछ तलवार की मार से बचि गैनी, अर ऊंमा बटि कुछ जब कमजोर ह्‍वे गै छा, त परमेस्वर न ऊंतैं फिर से ताकत देई, इख तक कि ऊंन युद्ध मा जीत हासिल कैरी अर परदेसी सिपयों तैं भगै।

इब्रानी 6:18

अर करार अर कसम की दुई बातों तैं कभि बदलै नि जै सकदु, किलैकि पिता परमेस्वर कभि भि झूठ्‍ठ नि बुल्दु। इलै हम बिस्वासी लोग जु कि वेकी हिफाजत मा रौणा छां, हम सभ्यों तैं बड़ी हिम्मत रखी के अपणी-अपणी आस वे पर बणै के रखण चयेणी।

इब्रानी 8:6

पर हमरा महा पुरोहित यीशु तैं सेवा को जु काम दिये गै वु दुनियां का दुसरा पुरोहितों से जादा बढी के च, किलैकि यीशु वु च जु कि पुरणा करार का मुताबिक परमेस्वर का दगड़ा मा मनखियों खुणि एक अच्छा बिचलु होण को काम करदु। अर यां से इन पता चलदु कि नयू करार पुरणा से जादा अच्छु च।

1 पतरस 1:21

अर यीशु मसीह ही च जैका द्‍वारा तुम पिता परमेस्वर पर बिस्वास करद्‍यां, जैन वेतैं मुरदो मा बटि ज्यून्द कैरी अर पिता परमेस्वर न ही वेतैं आदर-सम्मान दिनी। इलै तुमरि आस अर बिस्वास पिता परमेस्वर पर ही बणयूं रौ।

1 पतरस 1:3

हमरा प्रभु यीशु मसीह का पिता परमेस्वर की तारीफ हो, जैन यीशु मसीह तैं मुरदो मा बटि ज्यून्दु कैरी, अर अपणी महान दया कैरिके वेन हमतै नयू जनम दिनी। अर अब हम मा एक ज्यून्द आस च,

1 पतरस 3:15

पर यीशु मसीह तैं अपणु प्रभु जाणि के दिल से वेतैं पूरु आदर-सम्मान द्‍या। अर अगर कुई मसीह पर लगईं आस का बारा मा तुम से पूछो, त वेतैं जबाब देणु खुणि हमेसा तयार रा।

1 यूहन्ना 3:3

अर हरेक उ मनखि जैन यीशु मसीह पर या आस रखी च, उ खुद तैं उन्‍नि पवित्र बणै के रखदु जन मसीह पवित्र च।