इफिसुस 1:23 - Garhwali

²³ अर समुदाय का लोग यीशु मसीह का सरील का जन छिन, जौं लोगु मा उ पूरि तरौं से रौन्दु अर उई च जु कि सब चीजों मा सब कुछ पूरु करदु।

गढवली नयो नियम

²³ हम विश्वासी मसीह का देह का अंगों का जन छा, मण्डलि मसीह का द्वारा भुरीं च, जु सभि जगह हरेक चीज तैं अपड़ी उपस्थिति बट्टी भोरि दींद।

इफिसुस 1:23 ပူးပေါင်းရင်းမြစ်များ

यूहन्ना 1:16

अर वेकी भरपूर किरपा बटि हम सभ्यों तैं आसीस पर आसीस मिली।”

रोमियों 13:5

अर अधिकारी लोग कखि कुई दण्ड नि दे द्‍या, ईं डौऽर की वजै से ऊंका अधीन मा नि रौण, बल्किन मा ऊंका अधीन मा इलै रौण किलैकि हमरु जमीर भि ईं बात की गवै देन्दु कि हमतै ऊंका अधीन मा रौण चयेणु।

1 कुरिन्थि 12:6

अर ठिक उन्‍नि काम भि कई किसम का छिन, मगर पिता परमेस्वर ही च जु कि हरेक काम तैं पूरु करण मा हमरि मदद करदु।

1 कुरिन्थि 15:28

अर पिता परमेस्वर न सब कुछ अपणा पुत्र यीशु मसीह का अधीन मा कैरियाली, तब पुत्र भि खुद तैं वे पिता परमेस्वर का अधीन कैरी द्‍यालु, ताकि पिता परमेस्वर ही सभ्यों पर राज कैरो।

इफिसुस 2:16

अर एक सरील का रुप मा, यीशु मसीह न क्रूस पर अपणी जान दे दिनी, अर वेका द्‍वारा दुई दल का लोगु का बीच की दुसमनी खतम ह्‍वे गै। अर इन कैरिके वेन दुई दल का लोगु को मेल-जोल परमेस्वर का दगड़ा मा करै दिनी।

इफिसुस 3:10

अर बिस्वासी समुदाय का द्‍वारा वेको मकसद इन च, कि आसमान का सासक अर सब शक्‍तियाँ पिता परमेस्वर का ज्ञान का बारा मा जाणि सैका, कि वेकी योजना कथगा महान च।

इफिसुस 3:19

अर मि इन चान्दु, कि तुम लोग मसीह का वे प्यार तैं जाणि सैका, जु कि मनखि की सोच-समझ से भैर च, अर पूरि हद तक तुम मा पिता परमेस्वर का गुण ऐ जा।

इफिसुस 4:10

अर वु जु की अधलोक मा गै उई च जु कि आसमान मा मथि चैड़ि, ताकि वु सभ्यों तैं भरपूर कैरी द्‍यो।

इफिसुस 4:12

अर इन वेन इलै कैरी, ताकि बिस्वासी लोगु तैं सेवा का काम का लैख बणयै जौ अर यीशु मसीह को बिस्वासी समुदाय और भि जादा तरक्‍की कैरो।

इफिसुस 4:13

अर जबरि तक हम सभ्या का सभि बिस्वास अर परमेस्वर का पुत्र यीशु की पछ्याण मा एक नि ह्‍वे जा, अर पूरि तरौं से एक सिद्ध मनखि नि बणि जां, तबरि तक अगनै बढदी जा ताकि हम यीशु की पूरि कद-काठी का जन ह्‍वे सैका।

इफिसुस 4:4

किलैकि पिता परमेस्वर न हमतै एक होणु खुणि ही बुलयूं च, अर फिर मसीह को बदन भि एक ही च, अर एक ही पवित्र आत्मा अर ठिक उन्‍नि हम सभ्यों की भि एक ही आस च।

कुलुसी 1:24

हे मेरा भै-बैंणो, जु दुख-तकलीफ मि तुमरा खातिर सौंणु छौं, ऊं सब बातों का खातिर मितैं बड़ी खुशी होन्दी। अर हम जणदा छा कि बिस्वासी समुदाय का लोगु खुणि जु दुख-तकलीफ यीशु मसीह न झेली, वेतैं अब पूरु करणु खुणि मि भि ठिक उन्‍नि दुख-तकलीफ झिलणु छौ।

कुलुसी 2:19

किलैकि इन्द्रया लोग यीशु मसीह से जुड़यां नि रौनदिन, यीशु मसीह जु कि हमरु मुण्ड़ की तरौं च। अर हम जणदा छा कि हमरु सरील अर वेकी सब मांस-पेसियाँ अर सब जोड़ मुण्ड़ से ही जुड़यां रौनदिन, अर मुण्ड़ का द्‍वारा ही सब कुछ किये जान्दु। अर पिता परमेस्वर ही च जु कि पूरा सरील को विकास करदु।

कुलुसी 3:11

अर अब ये नया जीवन मा सब बिस्वासी लोग एक ही जन छिन, अब चै ऊ यहूदी जाति का छिन या वु लोग जु यहूदी जाति का नि छिन, अब चै वु जंगळि लोग छिन या कुई गवाँर, अब चै वु नौकर छिन या आजाद, कुई फर्क नि पोड़दु किलैकि सब कुछ यीशु मसीह मा च अर वे खुणि ही च।

कुलुसी 3:15

अर यीशु मसीह की शान्ति तैं अपणा दिलों मा काम करण द्‍या, किलैकि ईं शान्ति खुणि ही वेन तुमतै बुलै, ताकि सभ्या का सभि एक बदन ह्‍वे जा। अर हरेक बात मा वेको धन्यवाद द्‍या।