इफिसुस 1:22 - Garhwali

²² अर पिता परमेस्वर न सब कुछ यीशु मसीह का अधीन कैरी दिनी, अर वेन ही मसीह तैं बिस्वासी समुदाय को मुखिया बणै।

गढवली नयो नियम

²² अर पिता परमेश्वर ल सभि चीजों तैं मसीह का अधिकार का अधीन कैरी दये, अर उ वीं च, जै तैं परमेश्वर सभि विश्वास कन वलो की मण्डलि पर अगुवा का रूप मा नियुक्त करद

इफिसुस 1:22 ပူးပေါင်းရင်းမြစ်များ

मत्ती 16:18

अर मि त्वेसे बुल्दु, तू पतरस छैई, जैको मतलब चटान च। अर ईं चटान पर मिन अपणु समुदाय खड़ु करण। अर मौत की ताकत वे पर अपणु राज नि कैरी सकलि।

खास चेलों 20:28

इलै अपणी अर अपणा बिस्वासी समुदाय की देख-रेख ढंगल कैरा, किलैकि पवित्र आत्मा न तुमतै यां खुणि ही ठैर्युं च, ताकि तुम परमेस्वर का समुदाय की देख-रेख अच्छे से कैरी सैका, जै समुदाय तैं प्रभु न अपणु बलिदान देके खरीदयाली।

1 कुरिन्थि 11:3

पर फिर भि मि तुमतै इन बतौण चान्दु, कि इन जाणि ल्या कि हरेक बैख पर यीशु मसीह को अधिकार च, अर हरेक जनानि पर वींका पति को अधिकार च। अर यीशु मसीह पर पिता परमेस्वर को अधिकार च।

इफिसुस 3:21

अर बिस्वासी समुदाय का लोगु का द्‍वारा अर यीशु मसीह का द्‍वारा पिता परमेस्वर की बडै पीढ़ी से पीढ़ी तक सदनि तक होणी रौ। आमीन।

इफिसुस 5:23

किलैकि जन प्रभु यीशु बिस्वासी समुदाय को मुखिया च अर वेतैं बचौण वळु भि च, ठिक उन्‍नि तुमरो पति भि तुमरो मुखिया च।

कुलुसी 1:18

अर जन सरील खुणि मुण्ड़ होन्दु, ठिक उन्‍नि बिस्वासी समुदाय को मुखिया यीशु मसीह च। अर वु ही शुरुवात च अर वु ही सबसे पैलि मुरदो मा बटि ज्यून्दु किये गै, ताकि वु ही सब चीजों मा सबसे पैलु हो।

कुलुसी 1:8

अर वेन ही हमतै इन बतै कि पवित्र आत्मा न तुमरा मनों मा एक-दुसरा खुणि कथगा प्यार पैदा कैरी।

कुलुसी 2:19

किलैकि इन्द्रया लोग यीशु मसीह से जुड़यां नि रौनदिन, यीशु मसीह जु कि हमरु मुण्ड़ की तरौं च। अर हम जणदा छा कि हमरु सरील अर वेकी सब मांस-पेसियाँ अर सब जोड़ मुण्ड़ से ही जुड़यां रौनदिन, अर मुण्ड़ का द्‍वारा ही सब कुछ किये जान्दु। अर पिता परमेस्वर ही च जु कि पूरा सरील को विकास करदु।

1 तीमुथियुस 3:15

किलैकि अगर जु मेरा औण मा देर ह्‍वे जालि त त्वेतै इन पता होण चयेणु, कि परमेस्वर का परिवार मा एक मनखि तैं कनकै रौण चयेणु। किलैकि यू त ज्यून्दा परमेस्वर को बिस्वासी समुदाय च अर यू बिस्वासी लोग शुभ समाचार की सच्‍चै को एक खम्बा अर बुनियाद का जन छिन।

इब्रानी 2:8

अर तुमुन सब कुछ वेका अधीन मा कैरियाली।” अर सब कुछ वेका अधीन मा कैरी देण को मतलब यू च कि जथगा भि चीज छिन वु सब कुछ वेका हाथों मा छिन अर जन वु चौ वेको इस्तेमाल कैरी सकदु। मगर फिर भि आज हम इन दिखद्‍यां, कि कुछ बात इन छिन जु कि अभि भि वेका अधीन मा नि छिन।