इफिसुस 1:10 - Garhwali

¹⁰ अर जब ईं योजना तैं पूरु करण को बगत आलु, तब पिता परमेस्वर स्वर्ग अर धरती की सब चीजों तैं यीशु मसीह का सुपुर्द कैरी द्‍यालु, अर फिर यीशु सब चीजों को मुखिया होलु।

गढवली नयो नियम

¹⁰ जब ईं योजना कु पूरो कन कु बगत ऐ गै, त पिता परमेश्वर आसमान अर धरती कि सभि चीजों तैं मसीह का अधीन रालो, कि मसीह सभि चीजों कु मुखिया हो।

इफिसुस 1:10 ပူးပေါင်းရင်းမြစ်များ

मत्ती 25:32

अर देस-देस का सब लोग न्याय खुणि वेका समणि इकट्‍ठा किये जाला, अर वु ऊंतैं एक-दुसरा बटि अलग करलु, जन एक चरवाह भेड़ों तैं बखरों बटि अलग-अलग करदु, ठिक उन्‍नि उ भि करलु।

मरकुस 1:15

अर वेन बोलि कि, “सुणा, बगत पूरु ह्‍वे गै अर परमेस्वर को राज नजदीक ऐ गै, इलै अपणा-अपणा पापों से पस्ताप कैरा अर ये शुभ समाचार पर बिस्वास कैरा।”

1 कुरिन्थि 10:11

अर यू सब बात ऊंका दगड़ा ह्‍वेनि, ताकि वु सभ्यों खुणि एक उदारण बणि जा। अर येका बारा मा पवित्रशास्‍त्र मा भि लिख्यूं च, ताकि हम इन नि कैरा जन ऊंन कैरी, किलैकि हम दुनियां का वे बगत मा जीण छां, जु कि आखिरी को बगत च।

1 कुरिन्थि 11:3

पर फिर भि मि तुमतै इन बतौण चान्दु, कि इन जाणि ल्या कि हरेक बैख पर यीशु मसीह को अधिकार च, अर हरेक जनानि पर वींका पति को अधिकार च। अर यीशु मसीह पर पिता परमेस्वर को अधिकार च।

गलातियों 4:4

पर जब परमेस्वर को ठैर्युं बगत ऐ, त वेन अपणा पुत्र यीशु मसीह तैं ईं दुनियां मा भेजि, अर वेको जनम एक मनखि का रुप मा एक जनानि बटि ह्‍वे। अर वेको ईं दुनियां मा औण यहूदी नियम-कानूनों का अधीन मा ह्‍वे।

इफिसुस 1:22

अर पिता परमेस्वर न सब कुछ यीशु मसीह का अधीन कैरी दिनी, अर वेन ही मसीह तैं बिस्वासी समुदाय को मुखिया बणै।

इफिसुस 3:2

अर तुम लोगु न यू जरुर सुणी होलु, कि पिता परमेस्वर न मितैं तुम लोगु की भलै खुणि अपणी महान किरपा का मुताबिक सेवा को काम सौप्युं च। हाँ, तुम लोगु खुणि ही तुम जु कि यहूदी जाति का नि छाँ।

कुलुसी 1:16

किलैकि वेका द्‍वारा ही सब चीजों तैं बणयै गै, याने कि स्वर्ग अर ईं धरती की सब चीज, दिखैण वळी अर नि दिखैण वळी चीज, राजगद्‍दी अर साम्राज्य, सासक अर अधिकारी, सब कुछ वेका ही द्‍वारा बणयै गै अर वे खुणि ही बणयै गै।

कुलुसी 1:20

अर वेको जु ल्वे क्रूस पर बुगये गै, वेका द्‍वारा ही परमेस्वर न स्वर्ग अर धरती की सब चीजों को मेल-जोल अपणा दगड़ा मा फिर से कैरी। अर इन कैरिके उ ईं धरती पर शान्ति तैं लेके ऐ।

कुलुसी 3:11

अर अब ये नया जीवन मा सब बिस्वासी लोग एक ही जन छिन, अब चै ऊ यहूदी जाति का छिन या वु लोग जु यहूदी जाति का नि छिन, अब चै वु जंगळि लोग छिन या कुई गवाँर, अब चै वु नौकर छिन या आजाद, कुई फर्क नि पोड़दु किलैकि सब कुछ यीशु मसीह मा च अर वे खुणि ही च।

इब्रानी 1:2

मगर आखिरी का यों दिनों मा पिता परमेस्वर न अपणा पुत्र यीशु का द्‍वारा हम से बात कैरी। अर पिता परमेस्वर न वेतैं सब चीजों को वारिस बणै अर वेका द्‍वारा ही पूरि दुनियां तैं बणै।

इब्रानी 11:40

किलैकि परमेस्वर न ऊं खुणि यीशु मसीह तैं भेजण की योजना पैलि बटि बणै के रखी छै, ताकि हम सब लोग ऊंका दगड़ा मा एक ह्‍वेके रा अर वेका लैख बणि जां।

इब्रानी 9:10

अर यू रीति-रिवाज केवल मनखि तैं बन्‍नि-बन्‍नि कार्यक्रमों खुणि खुद तैं धुण अर खाण-पीण का बारा मा ही बतौन्दिन। अर ईं दुनियां मा रीति-रिवाज तब तक ही रौन्दिन जब तक कि ऊंतैं और भि जादा सुधार करण को बगत नि ऐ जौ।

1 पतरस 1:20

अर दुनियां का बणण से पैलि ही पिता परमेस्वर न यीशु मसीह तैं चुण्यालि छौ, ताकि उ दुनियां का लोगु तैं ऊंका पापों से माफी द्‍यो। अर पिता परमेस्वर न यीशु मसीह तैं ये जमना का आखिरी का दिनों मा ईं धरती पर परगट कैरी।

दिब्य दरस 5:9

अर ऊ एक नयू गीत गाण लगि गैनी ऊंन बोलि कि, “हे हमरा मालिक हे हमरा प्रभु पिता, दस्तावेज तैं लेण का लगीं मोरों तैं खुलण का काबिल छाँ तुम यीशु बलिदान सिरफ तुम होयां। तुमुन ही हरेक गोत्र का, जाति हरेक भाषा का, देस-देस का लोगु तैं, ल्वे से अपणा खरीदी च, तुमुन ही ऊं लोगु तैं बणै एक पुरोहित च, पिता परमेस्वर खुणि राज्य एक बणयूं च राज करला वु सभि, औण वळी धरती मा।”