कुलुसी 4:7 - Garhwali

⁷ हे मेरा दगड़्यों, मेरा प्यारु भै तुखिकुस जु कि प्रभु की सेवा का काम मा मेरी मदद करण वळु अर भरोसामन्द मनखि च, जब उ तुमरा पास आलु, त मेरा बारा मा तुमतै सब कुछ बतै द्‍यालु।

गढवली नयो नियम

⁷ प्रिय विश्वासी भैय तुखिकुस, जु भरोसामन्द सेवक अर प्रभु मा हमारो दगड़िया च, उ ही तुम तैं मेरी सभि बात बतै दयालो।

कुलुसी 4:7 ပူးပေါင်းရင်းမြစ်များ

खास चेलों 20:4

अर इन ह्‍वे कि जब पौलुस न अपणी यात्रा शुरु कैरी, त वेका दगड़ा मा बिरीया नगर को पुरूर्स को नौनु सोपत्रुस, अर थिस्सलुनीकी नगर को अरिस्तर्खुस अर सिकुन्दुस, अर दिरबे नगर को गयुस, अर आसिया मुलक को तुखिकुस अर त्रुफिमुस छा, अर ऊंका दगड़ा मा तीमुथियुस भि छौ। अर यों न आसिया मुलक तक वेका दगड़ा मा यात्रा कैरी।

फिलिप्पी 2:25

पर फिर भि मितैं यू जरुरी लगदु कि मि तुमरा पास इपफ्रुदीतुस भै तैं वापस भेजूँ, अर उ मसीह मा मेरु एक भै का जन अर सेवा का काम मा मेरा दगड़ा मा एक सिपै का जन काम करण वळु च। अर तुम लोगु न मेरी जरुरतों तैं पूरु करणु खुणि अपणा खास आदिम का रुप मा वेतैं मेरा पास भेजि छौ, ताकि उ मेरी मदद कैरी सैको।

कुलुसी 1:7

अर ये शुभ समाचार की शिक्षा तुम लोगु न हमरा प्यार भै इपफ्रास बटि पै, जु कि हम खुणि यीशु मसीह को एक भरोसामन्द सेवक च।

कुलुसी 4:12

अर तुमरा इखो इपफ्रास भै भि जु कि यीशु मसीह को सेवक च, उ भि तुमकु सलाम बोन्‍नु च। अर उ मन लगै के तुम खुणि हमेसा प्रार्थना कनु रौन्दु, ताकि तुम हरेक बात मा सिद्ध ह्‍वे सैका अर यीशु मसीह पर पूरु बिस्वास कैरिके परमेस्वर की मनसा तैं पूरि कैरी सैका।

कुलुसी 4:9

अर वेका दगड़ा-दगड़ि मि अपणा प्यारा भै उनेसिमुस तैं भि भेजणु छौं, जु कि तुमरा इख को ही च, अर उ एक भरोसामन्द मनखि च। अर जु कुछ भि इख होणु च, ऊं बातों का बारा मा ऊ दुईया का दुई तुमतै बतै द्‍याला।

2 तीमुथियुस 4:12

अर तुखिकुस भै तैं मिन इफिसुस नगर मा भेज्यूं च।

तीतुस 3:12

अर तीतुस, जब मि तेरा पास अरतिमास या तुखिकुस भै तैं भेजलु, तब तू निकुपुलिस नगर मा औण की कोसिस कैरी। किलैकि अबरि दौं मेरी ह्‍यूँद कटण की इखि सोची च।