कुलुसी 4:2 - Garhwali

² हे मेरा भै-बैंणो, चौकस रा, अर प्रार्थना करण मा लग्यां रा, अर हरेक बात मा प्रभु को धन्यवाद द्‍या।

गढवली नयो नियम

² चौकस हवे के प्रार्थना मा लगयां रावा अर हमेशा पिता परमेश्वर कु धन्यवाद करदी रावा।

कुलुसी 4:2 ပူးပေါင်းရင်းမြစ်များ

मत्ती 26:41

इलै बिज्यां रा, अर प्रार्थना कना रा, ताकि शैतान तुमतै नि भकलौ, तुमरो मन त छैई च कि बिज्यां रा, मगर तुमरो सरील साथ नि देणु।”

मरकुस 13:33

इलै चौकस रा अर बिज्यां रा, किलैकि तुम नि जणद्‍यां कि उ बगत कब ऐ जालु।

लूका 18:1

अर यीशु न अपणा चेलों तैं हमेसा प्रार्थना करण का बारा मा अर हिम्मत नि छुड़ण का बारा मा बतौणु खुणि ऊंतैं एक उदारण सुणै। वेन ऊंकू बोलि कि,

लूका 21:36

इलै हर बगत चौकस रा अर प्रार्थना कना रा, ताकि जु बात होण वळी छिन तुम ऊं सब बातों से बचि सैका। अर मनखि का पुत्र का समणि खड़ु होण का लैख बणि सैका।”

खास चेलों 1:14

अर यू सभ्या का सभि हमेसा एक जगा मा मिलदा छा अर एक मन ह्‍वेके प्रार्थना करदा छा, अर ऊंका दगड़ा मा यीशु की माँ मरियम अर वेका भै अर कुछ और जनानियां भि छै।

रोमियों 12:12

अर खुश रा, किलैकि तुमरा पास आस च। अर दुख-तकलीफ औण का बगत मा मजबूत बणयां रा, अर प्रार्थना कना रा।

इफिसुस 6:18

अर हरेक बगत मा पवित्र आत्मा की ताकत से सब किसम का प्रार्थना निवेदन कना रा। अर बिज्यां रा, अर सब पवित्र लोगु खुणि लगातार प्रार्थना कना रा।

फिलिप्पी 4:6

अर कै भि बात की चिन्ता-फिकर नि कैरा, बल्किन मा हरेक बात मा प्रार्थना कैरा। अर पिता परमेस्वर से बिन्ती कैरिके मांगा की तुमतै क्या चयेणु, अर हरेक बात मा परमेस्वर को धन्यवाद देणा रा।

कुलुसी 1:9

इलै हे मेरा भै-बैंणो, जब बटि हमुन तुमरा बारा मा सुणी, त हम भि तुम लोगु खुणि प्रार्थना कना रौन्द्‍यां। अर हम इन प्रार्थना करद्‍यां, कि तुम लोग पूरा आत्मिक तरीके से परमेस्वर का ज्ञान मा अर वेकी मनसा तैं बिंगण मा भरपूर होन्दी जा।

कुलुसी 2:7

अर एक डाळा का जन मसीह मा जड़ पकड़दी अर बढदी जा। अर जिं शिक्षा का बारा मा तुमतै सिखये गै, वेका मुताबिक बिस्वास मा मजबूत होन्दी जा। अर हरेक बात मा परमेस्वर को धन्यवाद देणा रा।

कुलुसी 3:15

अर यीशु मसीह की शान्ति तैं अपणा दिलों मा काम करण द्‍या, किलैकि ईं शान्ति खुणि ही वेन तुमतै बुलै, ताकि सभ्या का सभि एक बदन ह्‍वे जा। अर हरेक बात मा वेको धन्यवाद द्‍या।

कुलुसी 3:17

अर जु कुछ भि तुम बोला या कैरा उ सब कुछ प्रभु यीशु मसीह का नौ से हो, अर वेका द्‍वारा ही तुम पिता परमेस्वर को धन्यवाद कना रा।

कुलुसी 4:12

अर तुमरा इखो इपफ्रास भै भि जु कि यीशु मसीह को सेवक च, उ भि तुमकु सलाम बोन्‍नु च। अर उ मन लगै के तुम खुणि हमेसा प्रार्थना कनु रौन्दु, ताकि तुम हरेक बात मा सिद्ध ह्‍वे सैका अर यीशु मसीह पर पूरु बिस्वास कैरिके परमेस्वर की मनसा तैं पूरि कैरी सैका।

1 पतरस 4:7

अर सब बातों को अन्त नजदीक ऐ गै, इलै खुद पर काबू रखा अर साफ सोच रखा, ताकि तुम सही तरीके से पिता परमेस्वर से प्रार्थना कैरी सैका।