कुलुसी 4:18 - Garhwali

¹⁸ अर मि पौलुस जु कि इख बेड़ियों मा बन्धयूं छौं खुद अपणा हाथळ तुम खुणि सलाम लिखणु छौं, तुम मितैं अपणी प्रार्थनाओं मा याद रख्यां। अर मि इन प्रार्थना करदु कि प्रभु की किरपा तुम पर होणी रौ। आमीन।

गढवली नयो नियम

¹⁸ मि पौलुस अपड़ा हथ ल प्रणाम लिखणु छौं। याद रखयां मि कैद मा छों अर मि कु प्रार्थना करयां की पिता परमेश्वर की कृपा तुम पर हूंणी रौ। आमीन।

कुलुसी 4:18 ပူးပေါင်းရင်းမြစ်များ

रोमियों 16:20

अर शान्ति देण वळु परमेस्वर जल्द ही शैतान तैं तुमरा खुटा का तौळ कैरी दयालु। अर मि इन प्रार्थना करदु, कि हमरा प्रभु यीशु मसीह की किरपा तुमरा दगड़ा मा बणि रौ।

रोमियों 16:22

ईं चिठ्‍ठी तैं लिखण वळु मि तिरतियुस छौं, अर यू सब बात लिखणु कू पौलुस न मिकू बोलि। मि तिरतियुस की तरफा बटि भि तुम सभ्यों तैं सलाम।

रोमियों 16:23

अर गयुस भै न मितैं अर समुदाय का सब लोगु तैं अपणु घौर इस्तेमाल करणु खुणि दियूं च, अर वु सब लोग भि तुम खुणि सलाम बोन्‍ना छिन। अर ये नगर का कोष अध्यक्ष इरास्तुस भै अर हमरु क्‍वारतुस भै भि तुम खुणि सलाम बोन्‍नु च। [

1 कुरिन्थि 16:21

मि पौलुस खुद अपणा हाथळ अब तुमकु सलाम लिखणु छौं।

2 कुरिन्थि 13:14

अर मि तुम सभ्यों खुणि इन प्रार्थना करदु, कि प्रभु यीशु मसीह की महान किरपा अर परमेस्वर को प्यार अर वेकी पवित्र आत्मा को साथ तुम सभ्यों का दगड़ा मा रौ। आमीन।

फिलिप्पी 1:7

अर तुमरा बारा मा मेरु ख्याल बिल्कुल ठिक च, किलैकि तुम खुणि मेरा दिल मा एक खास जगा च, अब चै मितैं संगुळोन बान्धि के कैद होण की बात हो, या शुभ समाचार की हिफाजत कैरिके वेतैं सच्‍चु साबित करण की बात हो, तुम सभि मेरा दगड़ा मा परमेस्वर की महान किरपा का हिस्सेदार छाँ।

कुलुसी 4:3

अर येका दगड़ा-दगड़ि हम खुणि इन प्रार्थना कैरा, ताकि हमतै इन मौका मिलु कि हम पिता परमेस्वर का वचन तैं लोगु का बीच मा और भि जादा फैले सैका। अर हम यीशु मसीह का वे राज का बारा मा बतै सैका, जैका खातिर आज मि कैद मा छौं,

2 थिस्सलुनीकी 3:17

अर मि पौलुस खुद अपणा हाथळ तुम खुणि सलाम लिखणु छौं। अर मि अपणी हर चिठ्‍ठी मा इन्‍नि सलाम लिखदु, ताकि हरेक तैं इन पता चलि जौ, कि या चिठ्‍ठी मिन ही लिखीं।

1 तीमुथियुस 6:21

अर कुछ लोग ये ज्ञान तैं स्वीकार कैरिके बिस्वास से भटकी भि गैनी। पर मि तुम खुणि प्रार्थना करदु कि, तुम सभ्यों पर परमेस्वर की किरपा हो।

2 तीमुथियुस 1:8

इलै तीमुथियुस एक-दुसरा तैं हमरा प्रभु यीशु का बारा मा बतौण खुणि सरम मैसूस नि कैर। अर मि प्रभु का काम का बानो जेलखाना मा छौं, इलै मि बटि मिलणु खुणि भि सरम मैसूस नि कैर, पर शुभ समाचार का परचार करणु खुणि परमेस्वर की दिईं ताकत से दुख-तकलीफ झिलणु खुणि मेरा दगड़ा मा तयार रौ।

2 तीमुथियुस 4:22

मि प्रार्थना करदु, कि प्रभु तेरा दगड़ा मा रौ, अर तुम सभ्यों पर वेकी किरपा होणी रौ।

तीतुस 3:15

हे तीतुस, मेरा सब दगड़्यों की तरफा बटि त्वेतै सलाम अर जु बिस्वासी भै हम बटि प्यार करदिन, ऊंतैं हमरु सलाम। परमेस्वर की किरपा हमेसा तुम पर हो।

इब्रानी 13:25

हमरा पिता परमेस्वर की किरपा तुम सब लोगु पर होणी रौ, आमीन।

इब्रानी 13:3

अर जु बिस्वासी लोग कैद मा छिन ऊंकी मदद कैरा, इन सोचा कि तुम भि ऊंका दगड़ा कैद मा छाँ। अर जौं बिस्वासी लोगु का दगड़ा मा बुरु बरतौ होणु च, ऊंतैं याद रखा अर इन मैसूस कैरा, जन कि तुम खुद ऊंका दगड़ा मा दुख झिलणा छाँ।