कुलुसी 4:1 - Garhwali

¹ हे मालिकों, अपणा-अपणा नौकरों तैं ऊंको हक द्‍या, अर अपणु सभौ ऊंका दगड़ा मा ठिक रखा। अर यू सब कुछ तुम इन समझि के कैरा, कि स्वर्ग मा तुमरो भि एक मालिक च।

गढवली नयो नियम

¹ हे स्वामियों, स्वर्ग मा तुमारो भि एक स्वामी च, इन समझै के, अपड़ा-अपड़ा सेवकों का दगड़ी न्याय अर एक समान बरतौ कैरा।

कुलुसी 4:1 ပူးပေါင်းရင်းမြစ်များ

मत्ती 20:4

अर वेन ऊंकू बोलि, ‘तुम लोग भि मेरा अंगूरों का बगिचा मा जा, अर मि तुमतै ठिक-ठाक ध्याड़ि द्‍यूलु।’ तब वु लोग भि वेका बगिचा मा गैनी।

लूका 19:15

“पर फिर भि जब वु राज को अधिकार पैके वापिस लौटी। अर जब ऐ गै, त वेन ऊं दस नौकरों तैं बुलै जौं तैं वेन सोना का सिक्‍का दियां छा, ताकि इन पता चलु कि ऊंन ऊं सिक्‍कों बटि कथगा कमै कैरी।

याकूब 2:13

किलैकि जु दया नि करदु, वेको न्याय भि बिन दया को किये जालु। पर जु दया करदु, न्याय का दिन पर वेतैं जीत मिलली।

याकूब 5:4

देखा, जौं मजदूरों न तुमरा पुंगड़ों मा लवै कैरी, ऊंकी ध्याड़ि तुमुन जान बुजी के मारी दिनी। अब वा ध्याड़ि तुमरा खिलाप चिल्‍लाणी च। अर लवै करण वळो की रुंणे की आवाज सेनाओं पर राज करण वळु हमरु प्रभु का कन्दूड़ो तक पौंछी गै।

दिब्य दरस 17:14

अर यू यीशु का खिलाप मा युद्ध करला, मगर यीशु जु कि मेम्‍ना च ऊं पर जीत हासिल करलु, किलैकि उ मेम्‍ना प्रभुओं को प्रभु अर राजाओं को राजा च। अर जौं लोगु तैं वेन बुलै के चुणी वु सब बिस्वासी लोग भि जु कि भरोसामन्द छिन मेम्‍ना का दगड़ा मा जीत हासिल करला।”

दिब्य दरस 19:16

अर वेका कपड़ों पर अर जंगुड़ा पर जु नौ लिख्यूं च, उ इन च, “राजाओं को राजा, प्रभुओं को प्रभु।”