कुलुसी 2:5 - Garhwali

⁵ अर भले ही मि अभि तुम से दूर छौं, पर मेरु मन तुम पर ही लग्यूं च। अर तुमरा जीवन को अच्छु रंग-ढंग अर मसीह पर तुमरा मजबूत बिस्वास तैं देखि के मि भौत खुश छौं।

गढवली नयो नियम

⁵ किलैकि मि तुम से दूर छौं, तब भि आत्मिक रूप बट्टी तुमारा नजदीक छौं, अर मि खुश छों कि तुम कठ्ठा छा अर तुम अपड़ा विश्वास मा जु यीशु मसीह मा जीवन जींणा छा।

कुलुसी 2:5 ပူးပေါင်းရင်းမြစ်များ

खास चेलों 2:42

अर सब बिस्वासी लोग यीशु का खास चेलों बटि लगातार वचन की शिक्षा पौणा रैनी। अर एक साथ संगत करण मा, प्रभु-भोज करण मा, अर प्रार्थना करण मा भि एक मन ह्‍वेके रौण लगि गैनी।

खास चेलों 20:21

अर मिन यहूदी अर यूनानी लोगु का बीच मा जैके परमेस्वर का समणि पस्ताप करण का बारा मा, अर हमरा प्रभु यीशु मसीह पर बिस्वास करण का बारा मा ऊंतैं बतै।

1 कुरिन्थि 11:34

अर अगर कैतैं जादा ही भूक लगि च, त वु अपणा घौर मा पैलि ही खै ल्यो, ताकि इकट्‍ठा होण का बगत पर तुम दण्ड पौण की वजा नि बणा। अर जु-जु बात अभि भि रै गैनी ऊं सब बातों तैं मि फिर से तुमरा पास ऐके खुद ही सुधारी द्‍यूलु।

1 कुरिन्थि 14:40

मगर बिस्वासी समुदाय का बीच मा सब बात ठिक ढंगल अर अच्छी तरौं से किये जौ।

1 कुरिन्थि 15:58

इलै हे मेरा प्यारा भै-बैंणो, तुम मजबूत बणा अर बिस्वास मा अटल बणयां रा। अर खुद तैं प्रभु का सुपुर्द कैरी द्‍या, किलैकि तुम जणदा ही छाँ कि तुमरि कठिन मेनत प्रभु मा बेकार नि जान्दी।

1 कुरिन्थि 16:13

हे मेरा भै-बैंणो, चौकस रा, बिस्वास मा मजबूत बणा, हौसला रखा अर हिम्मत रखी के अगनै बढणा रा।

कुलुसी 2:1

हे मेरा बिस्वासी भै-बैंणो, तुम जु कुलुसी अर लौदीकिया नगर मा रौण वळा छाँ, तुमुन अर ठिक उन्‍नि जौं लोगु न मितैं कभि नि देखि, मि चान्दु छौं कि तुम यू जणिल्या, कि मि तुमरा खातिर कथगा कड़ी मेनत करदु।

1 थिस्सलुनीकी 2:17

हे मेरा भै-बैंणो, अभि हम तुम बटि कुछ बगत तक दूर छां, मगर फिर भि तुम लोग हमरा दिल का करीब छां। इलै तुमरा पास ऐके तुम से मिलण की हमरि बड़ी इच्छा च अर यां खुणि हमुन भौत कोसिस भि कैरी।

1 थिस्सलुनीकी 3:8

किलैकि जब तक तुम बिस्वास मा मजबूत बणयां रैल्या, तब तक हमरु भि ज्यू मा ज्यू बणयूं रौन्दु।

इब्रानी 3:14

हे मेरा दगड़्यों, हम सभ्या का सभि यीशु मसीह का दगड़ा मा हिस्सेदार छां, इलै हमतै आखिरी तक अपणा बिस्वास तैं मजबूत बणै के रखण चयेणु, ठिक उन्‍नि जन हमुन शुरुवात मा रखी छौ।

इब्रानी 6:19

अर जन पाणि का जाज तैं एक जगा मा टिकाणु खुणि समुन्दर मा लंगर डळै जान्दु, ठिक उन्‍नि पिता परमेस्वर का द्‍वारा दिईं आस हमतै मजबूत अर वेकी हिफाजत मा रखदी। अर यां से इन पता चलदु की हम खुद वे परदा तैं पार कैरिके परमेस्वर का समणि खड़ा ह्‍वे ग्यां।

1 पतरस 5:9

हे मेरा भै-बैंणो, तुम लोग बिस्वास मा मजबूत बणयां रा, अर शैतान को मुकाबला कैरा। किलैकि जन दुख-तकलीफ तुम लोग सौणा छाँ, ठिक उन्‍नि दुख-तकलीफ ईं दुनियां मा दुसरा बिस्वासी भै-बैंणा भि सौणा छिन।