कुलुसी 2:23 - Garhwali

²³ अर यू सब काम करण वळा लोग अकलमन्द त लगदिन, मगर वु अपणा मन का मुताबिक ही परमेस्वर कि भक्‍ति करदिन, अर यू लोग दीन होण को ढोंग करदिन, अर सन्यासी बणि के अपणा सरील पर काबू त रखदिन, मगर अपणा सरील कि इच्छा पर काबू नि रखी सकदिन।

गढवली नयो नियम

²³ यूं शिक्षाओं मा अपड़ी इच्छा का अनुसार बणै आराधना का रिवाज, अर झूठी दीनता, अर अपड़ा देह का दगड़ी कठोर बरतौ कन ही एक ज्ञानी हूंण को ढोंग करद, पर हकीकत मा यु शिक्षा लुखुं तैं ऊंकी बुरी इच्छाओं तैं नियंत्रित कन मा मदद नि करदी।

कुलुसी 2:23 ပူးပေါင်းရင်းမြစ်များ

रोमियों 13:14

बल्किन मा प्रभु यीशु मसीह का सभौ तैं अपणा जीवन मा पूरि तरौं से ले ल्या, अर अपणा सरील की पापि इच्छाओं तैं पूरु करण बन्द कैरी द्‍या।

इफिसुस 5:29

किलैकि कुई भि मनखि अपणा सरील से नफरत नि करदु, बल्किन मा उ त अपणा सरील तैं खिलान्दु-पिलान्दु अर वेतैं अनमोल जाणि के बड़ा प्यार से वेकी देख-रेख करदु, ठिक उन्‍नि जन यीशु मसीह बिस्वासी समुदाय की करदु।

कुलुसी 2:18

मेरा दगड़्यों, चौकस रा, कखि कुई मनखि अपणी झूठ्‍ठी शिक्षा का द्‍वारा तुमतै पिता परमेस्वर से मिलण वळा इनाम से बेदखल नि कैरी द्‍यो, किलैकि झूठ्‍ठु मनखि लोगु तैं दिखौणु खुणि दीन बणदु अर स्वर्गदूतों की पूजा करण की बात सिखौन्दु, अर उ इन जोर देन्दु कि तुम भि ठिक इन्‍नि कैरा। अर इन्द्रया झूठ्‍ठा लोग बुलला कि ऊंन पिता परमेस्वर से सुपन्या मा दरसन का द्‍वारा यू ज्ञान पै, इलै ऊ अपणा विचारों पर बड़ु मोन करदिन, मगर सच्‍चै त या च कि ऊंका मनों मा यू विचार परमेस्वर की तरफा बटि नि छिन।

कुलुसी 2:22

जब कि यू सब कुछ त मनखियों का द्‍वारा दियां आदेस अर ऊंका द्‍वारा सिखईं शिक्षा छिन, अर यू त ऊं चीजों का बारा मा च जु कि इस्तेमाल करद-करद नास ह्‍वे जालि।

कुलुसी 2:8

अर चौकस रा, कखि कुई अपणी बेकार की बातों अर मन से बणईं शिक्षा का द्‍वारा तुमतै धोखा देके अपणु सिकार नि बणै द्‍यो, अर या शिक्षा मनखियों की बुलिं औखाणों अर दुनियां कि पुरणि शिक्षाओं का मुताबिक च, इन्दरि शिक्षा यीशु मसीह का मुताबिक नि च।

1 तीमुथियुस 4:3

अर यू लोग ब्यौ नि करण की शिक्षा द्‍याला, अर कुछ खाण वळी चीजों खुणि भि मना करला जौं चीजों तैं परमेस्वर न इलै बणै, ताकि बिस्वास करण वळा अर सच्‍चै तैं जनण वळा धन्यवाद कैरिके खै सैका।

1 तीमुथियुस 4:8

किलैकि सरील की कसरत कैरिके कुछ फैदा त होन्दु च, पर परमेस्वर की भक्‍ति करण से सब बातों मा फैदा ही फैदा होन्दु। अर जु मनखि परमेस्वर की भक्‍ति करदु, वेतैं ये जीवन मा अर सदनि का जीवन मा भि फैदा होलु, जु की बाद मा मिलण वळु च अर वेको करार परमेस्वर को कर्युं च।