कुलुसी 2:22 - Garhwali

²² जब कि यू सब कुछ त मनखियों का द्‍वारा दियां आदेस अर ऊंका द्‍वारा सिखईं शिक्षा छिन, अर यू त ऊं चीजों का बारा मा च जु कि इस्तेमाल करद-करद नास ह्‍वे जालि।

गढवली नयो नियम

²² किलैकि यु सभि शिक्षाओं तैं काम मा लौंद-लौंद खराब हवे जालि, किलैकि यु मनिख्युं का आज्ञा का अर शिक्षा का अनुसार छिनी।

कुलुसी 2:22 ပူးပေါင်းရင်းမြစ်များ

यूहन्ना 6:27

तुम नास होण वळा खाणु खुणि ना, बल्किन मा वे खाणुक खुणि मेनत कैरा जु कि सदनि का जीवन तक रौन्दु। अर उ खाणुक मनखि को पुत्र ही तुमतै द्‍यालु, किलैकि यू देणु खुणि पिता परमेस्वर न वेतैं यू अधिकार दियूं च।”

1 कुरिन्थि 6:13

अर कुछ लोग त इन भि बुल्दिन कि, “पुटगु त इलै ही च कि खाणुक खये जौ, अर खाणुक भि इलै ही च कि पुटगु भुरे जौ।” अर चला, मणद्‍यां कि या बात ठिक च, मगर औण वळा बगत मा पिता परमेस्वर न यों दुईयों को नास कैरी देण। हे मेरा दगड़्यों, जैका दगड़ा मा तुमरो ब्यौ नि कर्युं वेका अलावा कै दुसरा का दगड़ा मा गळत सम्बन्ध नि रखा, किलैकि या बात तुमरा सरील खुणि ठिक नि च। अर तुम मेरी बात तैं ध्यान से सुणा, केवल प्रभु यीशु ही च जु कि हमरा सरील को मालिक च।

कुलुसी 2:21

जन कि, “अरे वेतैं नि छ्वा, वेतैं नि चखा,” अर इन भि बुल्द्‍यां कि, “वे पर हाथ नि लग्यां।”

तीतुस 1:14

अर यहूदी लोगु की मनगणत कथा पर, अर सच्‍चै का बाटा बटि भटक्यां लोगु का आदेसों पर ध्यान नि द्‍या।

2 पतरस 2:12

यू लोग त एक मूरख जानबर का जन छिन, जौं को जनम पकड़ै जाण अर नास होणु खुणि ही होयुं च। अर यू लोग जौं बातों का बारा मा नि जणदिन ऊं बातों का बारा मा दुसरा लोगु कू भलु-बुरु बुल्दिन, यू लोग खुद की ही बातों मा जानबर का जन सैड़ी जाला।

दिब्य दरस 17:18

अर जिं जनानि तैं तिन देखि, वांको मतलब वे बड़ा नगर से च जु कि दुष्‍ट च, अर वेको राजा धरती का राजाओं पर सासन करदु।”