कुलुसी 2:16 - Garhwali

¹⁶ इलै हे मेरा भै-बैंणो, कुई तुमरा खाणुक खाण-पीण का मामला मा तुमरो न्याय नि कैरो, अर ना ही कुई इन नियम निकाळो कि बार-त्योवार पर, या नया चाँद का दिन पर, या सब्त का दिन पर क्या-क्या कन चयेणु अर क्या नि करण चयेणु।

गढवली नयो नियम

¹⁶ इलै कुई तुम तैं धोखा नि द्यो अर खांण-पींण का बारा मा या त्योहार का बारा मा या नई जून का बारा मा या यहूदियों का विश्राम का दिन जु परमेश्वर कु पवित्र दिन च कुई तुमारो फैसला नि कैरो।

कुलुसी 2:16 ပူးပေါင်းရင်းမြစ်များ

मत्ती 15:11

मनखि का गिच्‍चा बटि जु कुछ भि भितर जान्दु वु वेतैं अशुद्ध नि करदु, मगर जु कुछ भि वेका गिच्‍चा बटि भैर निकळदु उई वेतैं अशुद्ध करदु।”

मरकुस 7:19

किलैकि वा चीज वेका मन मा ना, बल्किन मा पुटगुन्द जान्दी, अर मल का रुप मा भैर निकळि जान्दी। अर इन बोलि के यीशु न खाण की सब चीजों तैं शुद्ध ठैरै।

खास चेलों 15:20

बल्किन अब इन कैरा कि ऊं लोगु खुणि एक चिठ्‍ठी लिखा। अर ऊं लोगु तैं वु खाणु कू मना कैरा जु मूरत का अगनै चड़ये जान्दु, अर ऊंतैं गळत सम्बन्ध बणौण से भि दूर रौण कू लिखा। अर इन भि लिखा कि तुम लोग गौळा दबै के मुरयां जानबरों की सिकार नि खयां, अर ना ही कै जानबर को ल्वे खयां-पीयां।

रोमियों 14:10

मगर तू अपणा भै पर इळजाम लगौण को काम किलै करदी? या तू अपणा भै तैं किलै बेकार समझणी छैई? अरे याद रख, कि हम सभ्यों न एक दिन पिता परमेस्वर का न्याय आसन का समणि खड़ु होण,

गलातियों 4:10

अर तुम खास दिन, खास मैना, अर खास सालों तैं बड़ु ध्यान देके मणद्‍यां, या बात ठिक नि च।

कुलुसी 2:20

हे मेरा भै-बैंणो, तुमरा पापि सभौ तैं यीशु मसीह का दगड़ा क्रूस पर मरे गै, इलै अब बुरी ताकतों को तुम पर कुई अधिकार नि च। अर मितैं इन बता कि अब तुमरो सभौ इन्द्रयो किलै होणा छाँ? अरे, तुम त इन जीवन जीण छाँ जन कि ईं दुनियां का नियम तुम खुणि ही बणयां हो,

इब्रानी 13:9

अर ध्यान द्‍या, कखि तुम बन्‍नि-बन्‍नि किसम की शिक्षा से भरमै नि जा, किलैकि परमेस्वर खाणु-खाण से ना, बल्किन मा अपणी महान किरपा से हमरा बिस्वास तैं मजबूत करदु, किलैकि खाणु-खाण का रीति-रिवाजों तैं मनण से कुई फैदा नि होन्दु।

इब्रानी 9:10

अर यू रीति-रिवाज केवल मनखि तैं बन्‍नि-बन्‍नि कार्यक्रमों खुणि खुद तैं धुण अर खाण-पीण का बारा मा ही बतौन्दिन। अर ईं दुनियां मा रीति-रिवाज तब तक ही रौन्दिन जब तक कि ऊंतैं और भि जादा सुधार करण को बगत नि ऐ जौ।

याकूब 4:11

हे मेरा भै-बैंणो, एक-दुसरा का खिलाप मा नि बोला। अगर कुई अपणा बिस्वासी भै-बैंणो का खिलाप बुल्दु, या ऊं पर इळजाम लगौन्दु, त उ परमेस्वर का नियम-कानून पर इळजाम लगौन्दु अर अगर जु तुम नियम-कानून पर इळजाम लगौन्द्‍यां, त तुम नियम-कानून का पालन करण वळा नि छाँ, बल्किन मा तुम अफि ही न्याय करण वळा बणि ग्यां।