कुलुसी 1:9 - Garhwali

⁹ इलै हे मेरा भै-बैंणो, जब बटि हमुन तुमरा बारा मा सुणी, त हम भि तुम लोगु खुणि प्रार्थना कना रौन्द्‍यां। अर हम इन प्रार्थना करद्‍यां, कि तुम लोग पूरा आत्मिक तरीके से परमेस्वर का ज्ञान मा अर वेकी मनसा तैं बिंगण मा भरपूर होन्दी जा।

गढवली नयो नियम

⁹ इलै जै दिन बट्टी हम ल यु सूंणि, त हम भि तुम कु प्रार्थना कना छा कि पिता परमेश्वर को आत्मा तुम तैं ज्ञान अर समझ द्यो कि तुम वेकी इच्छा तैं पूरा ढंग से समझी साका।

कुलुसी 1:9 ပူးပေါင်းရင်းမြစ်များ

यूहन्ना 7:17

अर अगर कुई परमेस्वर की मनसा पर चलण चान्दु, त उ यू जाणि जालु, कि यू उपदेस परमेस्वर की तरफा बटि च, या फिर मि अपणी तरफा बटि बोन्‍नु छौं।

खास चेलों 12:5

मगर बिस्वासी समुदाय का लोग पतरस खुणि परमेस्वर बटि मन लगै प्रार्थना कना छा।

रोमियों 12:2

अर सुणा, तुमतै ईं दुनियां का मुताबिक अपणु जीवन नि जीण चयेणु, पर पिता परमेस्वर का द्‍वारा तुम अपणा मन तैं नयू बणै के अपणा चाल-चलन तैं बदला। तब जैके तुम पिता परमेस्वर की मनसा तैं जाणि सकिल्या, कि कु जि बात वेतैं अच्छी लगदिन, अर कु जि बात छिन जु कि स्वीकार करण लैख छिन जौं मा कुछ भि गळत नि हो।

1 कुरिन्थि 1:5

अर अब जब तुम वेका पास ऐ ग्यां, त पिता परमेस्वर न यीशु मसीह का द्‍वारा तुमतै हरेक बात मा काबिल बणैयालि, याने कि अब वेन तुमतै वचन सिखौण की पूरि ताकत, अर वेतैं बिंगणु खुणि ज्ञान भि दियाली।

इफिसुस 1:8

अर येका द्‍वारा उ हमतै कई बातों की सच्‍चै तैं बिंगण मा अकल देन्दु।

इफिसुस 5:10

अर हर बगत इन भि जनण की कोसिस कैरा कि प्रभु तैं क्या अच्छु लगदु।

इफिसुस 5:17

इलै नासमझ नि बणा, बल्किन मा प्रभु की इच्छा तैं समझा कि उ क्या चान्दु।

इफिसुस 6:6

अर यू सब कुछ तुम मनखियों तैं खुश करणु या दिखौणु खुणि ना, पर यीशु मसीह का सेवकों की तरौं तन-मन से परमेस्वर की मनसा का मुताबिक कैरा।

फिलिप्पी 1:4

किलैकि जै दिन बटि तुमुन शुभ समाचार तैं सुणी, वे दिन बटि लेके आज तक तुमुन शुभ समाचार तैं फैलाण मा मेरी पूरि मदद कैरी, इलै मि हमेसा अपणी प्रार्थना मा खुश ह्‍वेके तुम सभ्यों खुणि बिन्ती कनु रौन्दु।

कुलुसी 1:6

अर अब यू ही शुभ समाचार पूरि दुनियां मा खूब फैलणु च, अर यू ठिक उन्‍नि फैलणु च जन कि यू पैलि बार तुमरा बीच मा फैली छौ। हाँ, ठिक उन्‍नि जब तुमुन सच्‍चै से पिता परमेस्वर की किरपा का बारा मा सुणी, अर वेका बारा मा समझि भि छौ।

कुलुसी 3:16

अर यीशु मसीह का वचन तैं अपणा मन मा स्वीकार कैरा, अर वे सिद्ध ज्ञान से एक-दुसरा तैं सीखा, अर चितौणा रा। अर मन से पिता परमेस्वर की बडै खुणि धन्यवाद का भजन गा, अर वेका गुणगान खुणि आत्मिक गीत गा। अर वेतैं आदर-सम्मान देणु खुणि वेकी तारीफ कैरा।

कुलुसी 4:12

अर तुमरा इखो इपफ्रास भै भि जु कि यीशु मसीह को सेवक च, उ भि तुमकु सलाम बोन्‍नु च। अर उ मन लगै के तुम खुणि हमेसा प्रार्थना कनु रौन्दु, ताकि तुम हरेक बात मा सिद्ध ह्‍वे सैका अर यीशु मसीह पर पूरु बिस्वास कैरिके परमेस्वर की मनसा तैं पूरि कैरी सैका।

कुलुसी 4:5

अर बगत तैं अच्छु समझि के वेको पूरु इस्तेमाल कैरा। अर जु लोग प्रभु यीशु पर बिस्वास नि करदिन, ऊं लोगु का दगड़ा मा अपणु बरतौ बड़ा समझदारी से कैरा।

1 थिस्सलुनीकी 1:3

किलैकि पिता परमेस्वर पर बिस्वास रखी के जु-जु काम तुमुन करिनी, वु सब हम अपणी प्रार्थनाओं मा याद रखद्‍यां। अर जै प्यार का दगड़ा मा तुमुन मेनत कैरी, अर सबर रखी के तुमुन प्रभु यीशु मसीह पर अपणी ज्वा आस रखी च, वु सब भि हम याद करद्‍यां।

1 थिस्सलुनीकी 5:17

अर लगातार प्रार्थना कना रा।

2 थिस्सलुनीकी 1:11

इलै हम तुम खुणि हमेसा इन प्रार्थना करद्‍यां, कि परमेस्वर न तुमतै जै मकसद खुणि बुलै, वे जीवन तैं जीणु खुणि परमेस्वर तुमतै लैख बणौ। अर हम इन भि प्रार्थना करद्‍यां, कि यीशु मसीह पर बिस्वास कैरिके जु सब भलै का काम तुम करण चाणा छाँ, ऊंतैं तुम पूरु कैरी सैका। अर इन करण मा उ तुमतै अपणी सामर्थ देके तुमरि मदद कैरो।

फिलेमोन 1:4

हे फिलेमोन भै, जब-जब मि प्रार्थना मा त्वेतै याद करदु, त मि हमेसा अपणा परमेस्वर तैं धन्यवाद देन्दु,

फिलेमोन 1:6

अर मि इन प्रार्थना करदु, कि बिस्वास की ज्वा संगत तू दुसरा लोगु का दगड़ा मा रखदी, वेका द्‍वारा त्वेतै या बात भौत अच्छे से पता चलु कि यीशु मसीह पर बिस्वास करण से हम लोगु तैं क्या-क्या अच्छी आसीस मिलदिन।

इब्रानी 10:36

मगर तुमतै सबर रखण की भौत जरुरत च, ताकि तुम परमेस्वर की मनसा तैं पूरु कैरिके करार का इनाम तैं पै सैका।

याकूब 1:5

अर अगर तुम मा बटि कै मा भि ज्ञान की कमी हो, त उ परमेस्वर बटि मांगु। तब परमेस्वर वेतैं द्‍यालु, किलैकि परमेस्वर बिना दोष लग्यां हरेक तैं खुला दिल से देन्दु।

याकूब 3:17

पर जु ज्ञान परमेस्वर की तरफा बटि औन्दु, उ सबसे पैलि त पवित्र च। फिर उ ज्ञान मिलणसार, शान्त सभौ को, दुसरो तैं समझण वळु, दया अर अच्छा गुणों से भरपूर च। अर वेमा भेदभाव अर कपट नि होन्दु।

1 पतरस 2:15

किलैकि परमेस्वर की इच्छा या ही च कि तुम भलै का काम कैरा, अर भलै का काम कैरिके मूरख लोगु कि बोलती बन्द कैर द्‍या।

1 पतरस 4:2

अर अब हम अपणा बच्यां जीवन तैं ईं दुनियां की इच्छा का मुताबिक ना, बल्किन मा परमेस्वर की मनसा का मुताबिक चला।

1 यूहन्ना 2:17

दुनियां अर वेकी बुरी इच्छा को नास ह्‍वे जाण, पर जु कुई परमेस्वर की इच्छा का मुताबिक चलदु वेको नास कभि नि होण।

1 यूहन्ना 5:20

अर हमतै पता च कि परमेस्वर को पुत्र ईं दुनियां मा ऐ, अर वेन हमतै सच्‍चा परमेस्वर तैं पछ्यणनै की समझ दिनी। अर अब हम सच्‍चा परमेस्वर का दगड़ा मा रौन्द्‍यां, किलैकि हम वेका पुत्र यीशु मसीह मा बणयां रौन्द्‍यां। अर उई सच्‍चु परमेस्वर अर सदनि को जीवन च।