कुलुसी 1:5 - Garhwali

⁵ अर यू सब हम इलै करद्‍यां, किलैकि तुमुन वीं आस का बारा मा सुणी ज्वा की तुमतै एक नई उम्मीद देन्दी, अर वा ही आस तुम खुणि स्वर्ग मा रखी च। अर ईं आस का बारा मा तुमुन बिस्वास करण का बगत मा वे सच्‍चा शुभ समाचार का द्‍वारा सुण्यालि।

गढवली नयो नियम

⁵ तुम्हरो यु विश्वास अर प्रेम वीं आस का कारण च जु तुम कु स्वर्ग मा रखि, तुम ल पैली बट्टी ही यांका बार मा सुणयूं च। जब पैली बार लोग तुम मा एनि अर तुम तैं यीशु मसीह का बार मा शुभ सन्देश सुणै, जु कि पिता परमेश्वर कु सचो संदेश च।

कुलुसी 1:5 ပူးပေါင်းရင်းမြစ်များ

लूका 12:33

अर जु कुछ तुमरा पास च वेतैं बेचि के जरुरतमन्द लोगु तैं दे द्‍या। अर स्वर्ग मा अफु खुणि इन्द्रया बटुवा बणावा जु कभि पुरणा नि होनदिन, अर वामा अफु खुणि इन्द्रयो धन इकट्‍ठा कैरा, जु कभि खतम नि होन्दु अर जैका नजदीक चोर नि ऐ सकदु अर ना ही वे पर कभि कीड़ु लगदु।

खास चेलों 10:36

अर यीशु मसीह जु की सभ्यों को प्रभु च वेका द्‍वारा शान्ति को शुभ समाचार सुणौन्द दौं परमेस्वर न इस्राएली लोगु का पास जै वचन तैं भेजि वेतैं त तुम जणदा ही छाँ।

खास चेलों 13:26

“हे मेरा भै-बैंणो, तुम जु अब्राहम का वंश मदि छाँ अर तुम लोग भि जु की यहूदी जाति का नि छाँ तुम सब परमेस्वर पर अपणी पूरि सरदा रखद्‍यां, हाँ, हम सब लोगु खुणि ही छुटकारु को यू वचन भेज्यूं च।

खास चेलों 23:6

अर पौलुस तैं ईं बात को पता चलि गै कि इख यहूदी लोगु को न्याय करण वळा लोगु का दुई दल जमा होयां छिन फरीसी अर सदूकी। तब वेन ऊँची मा बोलि, “हे मेरा भैयों, मि फरीसियों का वंश मदि छौं। अर मि मुरदो मा बटि ज्यून्द होण की आस रखदु, अर ईं बात का बानो मि पर मुकदमा चलणु च।”

खास चेलों 24:15

अर मि भि परमेस्वर पर अपणी आस रखदु, जन कि यू लोग खुद भि रखदिन, कि धरमी अर अधरमी लोग मुरदो मा बटि ज्यून्दा होला।

रोमियों 10:8

मगर पवित्रशास्‍त्र मा इन भि लिख्यूं च कि, “वचन तेरा पास च, तेरा गिच्‍चा मा अर तेरा दिल मा भि।” अर यू बिस्वास को वु वचन च, जैको परचार हम करद्‍यां।

1 कुरिन्थि 13:13

इलै हे मेरा दगड़्यों, पिता परमेस्वर पर हमतै अपणी आस अर बिस्वास बणै के रखण चयेणु, अर हमेसा सब लोगु से प्यार करण चयेणु, किलैकि सब बात यों तीनों चीजों पर ही टिकी छिन। मगर यों तीनों मा बटि सबसे बड़ी बात या च कि, हमतै सब लोगु से प्यार करण चयेणु।

1 कुरिन्थि 15:19

अर ये जीवन मा अगर हमरि आस केवल यीशु मसीह पर ही च त यां को मतलब यू च कि हमुन बेकार मा ही वे पर बिस्वास कैरी, अर अब हमरि हालत दुनियां सब लोगु से जादा खराब च।

2 कुरिन्थि 5:19

याने की जब यीशु मसीह तैं क्रूस पर मरे जाणु छौ, त वे बगत परमेस्वर दुनियां का सब लोगु का दगड़ा मेल-जोल को रिश्ता बणौणु छौ, ताकि लोगु का कियां अपराध को इळजाम ऊं पर नि लगये जौ, अर यू रैबार देणु खुणि ही परमेस्वर न हमतै ठैरै।

2 कुरिन्थि 6:7

अर सच्‍चै का ये वचन तैं हम परमेस्वर की ताकत से लोगु तैं सुणौन्द्‍यां। अर परमेस्वर की नजर मा धरमी जीवन जीणु खुणि हम दुई हाथोंळ भलै का काम कना रौन्द्‍यां।

गलातियों 2:14

पर जब मिन देखि कि उ शुभ समाचार की सच्‍चै का मुताबिक सीदी चाल नि चलणा छिन, त मिन सभ्यों का समणि पतरस कू बोलि, “पतरस, जब तू एक यहूदी जाति को होण का बाद भि ऊंकी तरौं जीवन जीणी छैई, जु यहूदी जाति का नि छिन। त फिर तू ऊं लोगु तैं यहूदी रीति-रिवाजों का मुताबिक चलणु खुणि किलै मजबूर कनि छैई, जु यहूदी जाति का नि छिन?

गलातियों 2:5

पर हम जरा देर खुणि भि ऊं जासूसों की बातों का अगनै नि झुक्यां अर यू सब हमुन इलै कैरी, ताकि शुभ समाचार की ज्वा सच्‍चै तुमुन पै वा तुम मा बणि रौ।

गलातियों 5:5

मगर हम लोग यीशु मसीह पर बिस्वास करण का द्‍वारा परमेस्वर का समणि धरमी होण कि आसा रखद्‍यां। अर पवित्र आत्मा कि मददळ हम ईं बात को इंतजार बेसबरि से कना छां।

इफिसुस 1:13

अर जब तुमुन शुभ समाचार का द्‍वारा सच्‍चै का वचन तैं सुणी, कि परमेस्वर यीशु मसीह का द्‍वारा ही बचौन्दु तब तुमुन यीशु मसीह पर बिस्वास कैरी। अर जब तुम वेका पास ऐ ग्यां, त वेन अपणी छाप का रुप मा तुमतै पवित्र आत्मा दिनी, जैको करार वेन पैलि ही कैरियाली छौ।

इफिसुस 4:21

मगर ज्वा शिक्षा वेन तुम पर परगट कैरी, तुमुन सच्‍चि मा वींका बारा मा सुणी अर अपणा जीवन मा स्वीकार भि कैरी।

कुलुसी 1:23

अर यू सब तभि ह्‍वे सकदु, जब तुम बिस्वास मा बणयां रा अर वेकी बुनियाद मा मजबूत ह्‍वेके टिक्यां रा, अर जु शुभ समाचार तुमुन सुणी वां से मिलण वळी आस तैं नि छोड़ा। अर ये ही शुभ समाचार को परचार हर जगा किये जाणु च, अर मि पौलुस ये काम को सेवक छौं।

कुलुसी 1:27

अर पिता परमेस्वर जौं लोगु तैं इन बतौण चाणु छौ, कि वु सच्‍चु राज कथगा महान च, वेन उ राज अपणा लोगु पर परगट कैरी। अर उ राज सब लोगु खुणि च जु कि इन च कि, पिता परमेस्वर अपणा पुत्र यीशु मसीह की पवित्र आत्मा का द्‍वारा हमरा भितर रौन्दु। अर परमेस्वर का दगड़ा मा रौणु खुणि यीशु मसीह ही हमरि एकमात्र आस च।

कुलुसी 3:16

अर यीशु मसीह का वचन तैं अपणा मन मा स्वीकार कैरा, अर वे सिद्ध ज्ञान से एक-दुसरा तैं सीखा, अर चितौणा रा। अर मन से पिता परमेस्वर की बडै खुणि धन्यवाद का भजन गा, अर वेका गुणगान खुणि आत्मिक गीत गा। अर वेतैं आदर-सम्मान देणु खुणि वेकी तारीफ कैरा।

1 थिस्सलुनीकी 2:13

अर जब हम तुमरा पास अयां, त तुमुन परमेस्वर का वचन तैं स्वीकार कैरी। अर वे वचन तैं मनखि को वचन नि समझि, बल्किन मा परमेस्वर को वचन समझि के अपणा जीवन मा स्वीकार कैरी। इलै ईं बात का खातिर हम लगातार परमेस्वर को धन्यवाद करद्‍यां। अर या बात सच्‍च च, किलैकि यू वचन सच्‍चि मा परमेस्वर को ही वचन च जु की तुम बिस्वासी लोगु का बीच मा काम कनु च।

2 थिस्सलुनीकी 2:16

हमरु पिता परमेस्वर हम बटि प्यार करदु, अर वेन हमतै सदनि तक रौण वळी दिलासा अर सबसे अच्छी आस दिईं च।

1 तीमुथियुस 1:15

अर या बात सच्‍च च अर पूरि तरौं से मनण का लैख च कि, “यीशु मसीह ईं दुनियां मा पापियों तैं बचौणु खुणि ऐ,” किलैकि ऊं सब पापियों मा बटि सबसे बड़ु पापि मि छौं।

2 तीमुथियुस 4:8

अर अब जीत को इनाम मि खुणि रख्युं च, अर वु इनाम परमेस्वर की नजर मा धरमी जीवन जीण वळो तैं मिलदु, जु कि स्वर्ग मा च। अर जब हमरु धरमी प्रभु न्याय करणु खुणि आलु, त उ मितैं इनाम का तौर पर जीत को मुकुट द्‍यालु अर सिरफ मितैं ही ना, बल्किन मा ऊं लोगु तैं भि द्‍यालु जु वेका इंतजार बड़ी आस लगै के कना छिन।

तीतुस 1:2

अर यू सब मि इलै कनु छौ, ताकि परमेस्वर का लोग ईं आस मा रा, कि ऊंतैं सदनि को जीवन मिली सैको। अर परमेस्वर कभि झूठ्‍ठ नि बुल्दु, दुनियां की शुरुवात से पैलि वेन ही हम खुणि सदनि को जीवन देणो को करार कर्युं च।

1 पतरस 2:2

अर अब तुम जाणि ग्यां कि पिता परमेस्वर भलु च, इलै जन पैदा होयुं एक बच्‍चा तैं दूद पीण की इच्छा होन्दी, ठिक उन्‍नि तुम लोगु तैं भि पिता परमेस्वर का वचन तैं हरेक दिन स्वीकार करण की इच्छा रखण चयेणी, ताकि तुम लोग बचि जा अर वेमा बढदी जा।

1 पतरस 3:15

पर यीशु मसीह तैं अपणु प्रभु जाणि के दिल से वेतैं पूरु आदर-सम्मान द्‍या। अर अगर कुई मसीह पर लगईं आस का बारा मा तुम से पूछो, त वेतैं जबाब देणु खुणि हमेसा तयार रा।

2 पतरस 1:12

हालांकि तुम यों सब बातों तैं जणदा ही छाँ, अर जु सच्‍चु वचन तुमतै मिल्यूं च, तुम वेमा मजबूत भि किये ग्यां, मगर फिर भि मि तुमतै यों सब बातों की याद दिलौणु छौं ताकि तुम हमेसा तयार रा।

1 यूहन्ना 3:3

अर हरेक उ मनखि जैन यीशु मसीह पर या आस रखी च, उ खुद तैं उन्‍नि पवित्र बणै के रखदु जन मसीह पवित्र च।