कुलुसी 1:28 - Garhwali

²⁸ अर वे ही मसीह को परचार हम लोग करद्‍यां अर लोगु तैं चितै देन्द्‍यां, अर हरेक मनखि तैं अपणा पूरा ज्ञान से सिखौन्द्‍यां, ताकि हरेक मनखि तैं एकदम सिद्ध बणै के पिता परमेस्वर का समणि खड़ु कैरी सैका।

गढवली नयो नियम

²⁸ हम मसीह कु प्रचार कैरी कै हरेक मनिख तैं चितै दींद अर सैरा ज्ञान से हम हरेक मनिख तैं सिखौंदां, कि हम यु जांणि साका कि हर कुई मसीह मा एक पक्को विश्वासी हो जब उ पिता परमेश्वर का संमणी खड़ा हों।

कुलुसी 1:28 ပူးပေါင်းရင်းမြစ်များ

मत्ती 28:20

अर जु आज्ञा मिन तुमतै दिनी, ऊं सब बातों को पालन करण लोगु तैं सीखा, अर याद रखा मि ईं दुनियां का अन्त तक सदनि तुमरा दगड़ा मा छौं।”

मत्ती 3:7

अर जब यूहन्‍ना न भौत सरा फरीसी दल का लोगु तैं अर सदूकियों तैं बपतिस्मा लेण कू अपणा पास औन्द देखि, त वेन ऊंकू बोलि, “हे गुरौ का बच्‍चों, तुमतै कैन चितै की परमेस्वर का औण वळा परकोप से दूर भागा?

मत्ती 5:48

इलै तुम खरु मनखि बणा, जन स्वर्ग मा रौण वळु तुमरो पिता परमेस्वर खरु च।”

मरकुस 6:34

अर जब यीशु छाला पर पौंछी त वेन एक बड़ी भीड़ देखि, अर वेतैं ऊं पर बड़ु तरस ऐ, अर वु त ऊं भेड़ों का जन छा जौं को कुई सैं गुसैं नि होन्दु। अर तब यीशु ऊंतैं भौत सि बात सिखौण लगि गै।

लूका 21:15

किलैकि मि तुमतै इन्दरि अकल अर बुलणु खुणि इन शब्द द्‍यूलु, कि तुमरा सब बैरी तुमरि बातों को मुकाबला नि कैरी सकला, अर ना ही तुमरि बात को विरोध कैरी सकला।

खास चेलों 10:36

अर यीशु मसीह जु की सभ्यों को प्रभु च वेका द्‍वारा शान्ति को शुभ समाचार सुणौन्द दौं परमेस्वर न इस्राएली लोगु का पास जै वचन तैं भेजि वेतैं त तुम जणदा ही छाँ।

खास चेलों 11:20

मगर ऊंमा बटि कुछ बिस्वासी लोग साइप्रस टापू अर कुरेन नगर का छा जु कि अन्ताकिया नगर मा ऐनी, अर ऊंन यूनानियों तैं भि प्रभु यीशु को शुभ समाचार सुनौण शुरु कैरी दिनी।

खास चेलों 13:38

“इलै, हे मेरा भै-बैंणो, हम इन परचार करद्‍यां कि, परमेस्वर का रैबर्या मूसा का दियां नियम-कानूनों का द्‍वारा तुम निरदोष नि ठैरि सकद्‍यां, मगर यीशु मसीह पर बिस्वास करण से ही तुम निरदोष ठैरि सकद्‍यां। अर जु कुई भि यीशु मसीह पर बिस्वास करदु, वे मनखि तैं हरेक पाप बटि माफी मिलदी अर ईं बात का बारा मा तुम जाणि ल्या।

खास चेलों 17:18

अर ये नगर मा इपिकूरी अर स्तोईकी नौ का दुई ज्ञानी दल छा, अर यों दलों मा बटि कुछ लोग पौलुस बटि मिलिनी। अर ऊं बटि कुछ लोगु न बोलि, “यू कचर-कचर करण वळु मनखि क्या च बोन्‍नु?” दुसरो न बोलि, “अरे यू त पता नि कौं द्‍यबतों का बारा मा बतौणु च।” (अर या बात त ऊंन इलै बोलि, किलैकि पौलुस यीशु का बारा मा, अर मुरदो मा बटि मा ज्यून्द होण का बारा मा बतौणु छौ)।

खास चेलों 17:3

अर ऊंतैं समझै के साबित कैरिके बोलि कि, “सुणा, यू जरुरी छौ की मसीह दुख उठौ, अर मुरदो मा बटि ज्यून्दु हो अर उ मसीह यीशु ही च जैको परचार मि तुमरा बीच मा कनु छौ।”

खास चेलों 20:31

इलै चौकस रा, अर ईं बात तैं याद रखा कि मिन तीन सालों तक दिन-रात रुवे-रुवे के हरेक तैं चितौण कभि नि छोड़ि।

खास चेलों 3:20

तब प्रभु बटि तुमतै नयी ताकत मिलण को बगत आलु, अर उ यीशु तैं तुमरा पास फिर से भेजलु, जैतैं वेन पैलि बटि तुम खुणि मसीह कैरिके ठैर्युं च।

खास चेलों 5:42

अर खास चेला हरेक दिन मन्दिर अर घौर-घौर जैके लोगु तैं सिखौन्दा छा, अर ईं बात को शुभ समाचार देन्दा छा कि यीशु ही मसीह च।

खास चेलों 8:35

तब फिलिप्पुस न बतौण शुरु कैरी, अर पवित्रशास्‍त्र का ये वचन बटि शुरु कैरिके यीशु का शुभ समाचार तक वेतैं सुणै दिनी।

खास चेलों 8:5

अर बिस्वासी लोगु मा बटि फिलिप्पुस सामरिया मुलक का एक नगर मा चलि गै, अर लोगु का बीच मा मसीह को परचार करण लगि गै।

खास चेलों 9:20

अर यों सब बातों का बाद शाऊल तुरन्त दमिश्क नगर का प्रार्थना भवनों मा यीशु को परचार करण लगि गै। अर वेन बोलि कि, “यीशु मसीह ही परमेस्वर को पुत्र च।”

रोमियों 16:25

हे मेरा प्यारा भै-बैंणो, अब हम यीशु मसीह का द्‍वारा पिता परमेस्वर की बडै हमेसा खुणि कैरा, जु कि सभ्यों मा एकमात्र समझदार च। पिता परमेस्वर तुमतै वे शुभ समाचार का मुताबिक जैको मि परचार करदु, यीशु मसीह का रैबार का द्‍वारा तुमतै बिस्वास मा और मजबूत करण की ताकत देन्दु। अर शुभ समाचार को यू राज सभ्यों खुणि खुल्यूं च, जैतैं एक लम्बा बगत तक छिपै के रखै गै छौ, अब उ उज्याळा मा ऐ गै। अर सदनि तक ज्यून्द रौण वळा पिता परमेस्वर की आज्ञा का द्‍वारा यू सब जाति का लोगु पर परगट ह्‍वे गै, ताकि वु लोग बिस्वास कैरा अर आज्ञा को पालन कैरा, अर यू सब कुछ उई च जु कि रैबर्यों न पवित्रशास्‍त्र मा बोलि छौ। अर हमरा पिता परमेस्वर की बडै सदनि तक होणी रौ। आमीन।

1 कुरिन्थि 1:23

मगर हम त क्रूस पर चड़यां यीशु मसीह को परचार करद्‍यां। अर यहूदी लोगु खुणि यू परचार उतेडु़ लगण की वजा च, अर जु लोग यहूदी जाति का नि छिन ऊं खुणि यू बेकार को काम च।

1 कुरिन्थि 1:30

हे मेरा भै-बैंणो, अब तुमरा पास बड़ु मोन करण को कुई मौका नि च, किलैकि पिता परमेस्वर न ही तुमतै यीशु मसीह का पास बुलै अर तुमतै बचै भि च। अर वेन ही यीशु मसीह तैं हमरु ज्ञान बणै, अर यीशु मसीह ही च जु कि हमतै पिता परमेस्वर का समणि पवित्र बणौन्दु। अर यीशु मसीह न ही अपणु ल्वे देके हमतै पाप से छुटकारु देई।

1 कुरिन्थि 12:8

जन कि कुछ लोगु तैं पवित्र आत्मा का द्‍वारा ज्ञान कि बात करण को बरदान मिल्यूं च, त कुछ लोगु तैं पवित्र आत्मा बटि समझौणु खुणि अकल मिली च।

1 कुरिन्थि 15:12

हे मेरा दगड़्यों, जब हम ईं सच्‍चै को परचार करद्‍यां कि यीशु मसीह तैं मुरदो मा बटि ज्यून्द किये गै, त फिर तुमरा बीच मा लोग इन किलै बुल्दिन कि मुरयां लोग फिर से ज्यून्दा नि ह्‍वे सकदिन?

1 कुरिन्थि 2:15

अर पवित्र आत्मा का द्‍वारा बतयां बाटा पर चलण वळु मनखि, सब बातों की जाँच-पड़ताल करदु, मगर उ मनखि कै का द्‍वारा नि परखै जान्दु।

1 कुरिन्थि 2:6

हे मेरा दगड़्यों, जब मि कैतैं सिखौन्दु, त वे बगत मि मनखि का ज्ञान का मुताबिक बात नि करदु, मगर यीशु मसीह पर बिस्वास कैरिके जु ज्ञान मितैं मिलदु मि वेका मुताबिक ही बात करदु। अर यू सब त वेका पिछनै अटल ह्‍वेके चलण से मिलदु। अर ना ही मि ईं दुनियां का ज्ञानी अर अधिकारी लोगु का जन बात करदु। पर सुणा, ईं दुनियां का अधिकारीयों को अधिकार खतम होण वळु च।

1 कुरिन्थि 4:14

हे मेरा प्यारा भै-बैंणो, मि तुमतै सरमसार करणु खुणि यू सब बात नि लिखणु छौं, बल्किन मा अपणा प्यारा बच्‍चा समझि के तुमतै चितौणु छौं।

2 कुरिन्थि 10:14

अर जथगा बड़ु मोन हमतै करण चयेणु हम फिर भि वेका मुताबिक नि करद्‍यां, किलैकि जब हम तुमरा पास यीशु मसीह का शुभ समाचार तैं लेके ऐ छा, त हम वे ही सभौ का मुताबिक अभि तक चलणा छां।

2 कुरिन्थि 11:2

अर मितैं तुमरि बड़ी परवा च, ठिक उन्‍नि परवा जन पिता परमेस्वर तैं तुमरि च। अर अब तुम एक कुंवारी नौनि का जन छाँ, जिं की मांगण मिन पवित्र यीशु मसीह का दगड़ा मा करीं च।

2 कुरिन्थि 4:5

अर हम लोग अपणु परचार नि कना छां, बल्किन मा हम त यू परचार कना छां कि यीशु मसीह ही प्रभु च। अर हम भि वेकी आज्ञा को पालन कैरिके दीन बणयां, ताकि हम तुमरि सेवा कैरी सैका।

इफिसुस 3:8

अर पिता परमेस्वर का सब पवित्र लोगु मा बटि मि सबसे छुटा छौं, मगर फिर भि वेन मि पर अपणी किरपा कैरिके मितैं यू दान दिनी, कि जु लोग यहूदी जाति का नि छिन मि ऊंका बीच मा जैके यीशु मसीह का द्‍वारा मिलण वळी बेशुमार आसिसों को बखान कैरी सैकु।

इफिसुस 5:27

अर ऊंतैं पूरि सान-सौकत से अपणा समणि खड़ु कैरो, जैमा कुई दाग नि हो, अर ना कुई झुरी अर ना ही कुई बुरै हो, अर उ पवित्र अर बेदाग हो।

कुलुसी 1:22

मगर यीशु मसीह न अपणा सरील मा जिं मौत तैं सै, वेका द्‍वारा पिता परमेस्वर न तुमरो मेल-जोल अफ दगड़ा मा कैरियाली। अर अब वु तुमतै अपणा समणि पवित्र अर बेदाग, अर बिना गळती को खड़ु होयुं दिखण चाणु च।

कुलुसी 2:3

किलैकि वेमा ही अकल अर ज्ञान का सब खजाना छिप्यां छिन।

कुलुसी 3:16

अर यीशु मसीह का वचन तैं अपणा मन मा स्वीकार कैरा, अर वे सिद्ध ज्ञान से एक-दुसरा तैं सीखा, अर चितौणा रा। अर मन से पिता परमेस्वर की बडै खुणि धन्यवाद का भजन गा, अर वेका गुणगान खुणि आत्मिक गीत गा। अर वेतैं आदर-सम्मान देणु खुणि वेकी तारीफ कैरा।

कुलुसी 4:12

अर तुमरा इखो इपफ्रास भै भि जु कि यीशु मसीह को सेवक च, उ भि तुमकु सलाम बोन्‍नु च। अर उ मन लगै के तुम खुणि हमेसा प्रार्थना कनु रौन्दु, ताकि तुम हरेक बात मा सिद्ध ह्‍वे सैका अर यीशु मसीह पर पूरु बिस्वास कैरिके परमेस्वर की मनसा तैं पूरि कैरी सैका।

1 थिस्सलुनीकी 4:6

इलै तुम मा बटि कुई भि कै बिस्वासी भै या बैंण तैं, अपणी बातों मा फंसै के गळत सम्बन्ध रखण को पाप नि कैरो। किलैकि हमुन तुमतै पैलि ही चितैयाली छौ, कि जु कुई भि इन पाप करदु उ प्रभु बटि दण्ड पालु।

1 तीमुथियुस 3:16

हम जु बिस्वास करद्‍यां वेकी सच्‍चै भौत गम्भीर च अर ईं बात मा कुई भि सक नि च। किलैकि या बात सच्‍च च कि, यीशु मसीह न मनखि का रुप मा जनम ले, अर उ पवित्र आत्मा का द्‍वारा धरमी ठैरै गै, अर स्वर्गदूतों तैं दिखै, अर हर जगा वेको परचार किये गै। तब ईं दुनियां का लोगु न वे पर बिस्वास कैरी, अर बड़ा आदर-सम्मान का दगड़ा मा उ स्वर्ग मा उठये गै।

1 तीमुथियुस 3:2

इलै एक अध्यक्ष इन जीवन ज्यो कि कुई भि वे पर दोष नि लगै सैको, अर वेकी एक ही घरवळी हो अर उ अपणा सरील तैं अपणा काबू मा रखण वळो हो, अर उ लोगु का दगड़ा मा अच्छु बरतौ कैरो। अर लोग वेको आदर-सम्मान कैरा, अर उ एक अच्छु जीवन ज्यो, अर उ मैमानदारी निभौण मा भि खूब हो, अर अच्छी शिक्षा देण वळो भि हो।

इब्रानी 10:14

किलैकि वेन एक ही बलिदान चड़ै के ऊं लोग तैं पवित्र कैरी जु कि वेकी सेवा खुणि अलग कैरिके रख्यां छा।

2 पतरस 3:15

अर जरा ईं बात का बारा मा सोचा कि हमरु प्रभु सबर रखण मा कथगा महान च जु कि हमतै इन मौका देणु च, कि सब बचि जा। अर ईं बात का बारा मा हमरा प्यारा भै पौलुस न भि बड़ी समझदारी से तुम खुणि चिठ्‍ठी मा लिखी, किलैकि पिता परमेस्वर न वेतैं ऊं बातों तैं बिंगणु खुणि अकल दिनी।