कुलुसी 1:2 - Garhwali

² कुलुसी नगर मा रौण वळा यीशु मसीह का भक्‍त अर बिस्वासयोग्य लोगु खुणि लिखणु छौं। मि इन प्रार्थना करदु, कि हमरा पिता परमेस्वर की तरफा बटि तुम सभ्यों तैं वेकी किरपा अर शान्ति मिलदी रौ।

गढवली नयो नियम

² मसीह मा ऊं विश्वासयोग्य पवित्र विश्वासी भयों का नौं तैं अर विश्वासयोग्य भयों तैं जु कुलुस्से शहर मा रौदींनि। हमारो पिता परमेश्वर तुम तैं कृपा अर शान्ति दींणु रौ।

कुलुसी 1:2 ပူးပေါင်းရင်းမြစ်များ

खास चेलों 9:13

पर हनन्याह न प्रभु तैं इन जबाब दिनी, “प्रभु, मिन ये मनखि का बारा मा भौत कुछ सुणयूं च, कि येन यरूशलेम नगर मा तुमरा बिस्वासी लोगु का दगड़ा मा भौत बुरु बरतौ कैरी।

रोमियों 1:7

हे मेरा भै-बैंणो, या चिठ्‍ठी रोम नगर मा रौण वळा सब बिस्वासी लोगु खुणि च, जु कि हमरा पिता परमेस्वर तैं भौत प्यारा छिन अर वेका द्‍वारा पवित्र होण खुणि चुण्यां छिन। अर हम इन प्रार्थना करद्‍यां कि हमरा पिता परमेस्वर अर प्रभु यीशु मसीह की तरफा बटि तुमतै वेकी किरपा अर शान्ति मिलदी रौ।

1 कुरिन्थि 4:17

इलै सुणा, मि तुमरा पास तीमुथियुस भै तैं भेजणु छौं। अर उ मेरा नौना का जन च, जै से मि भौत प्यार करदु अर उ प्रभु का काम खुणि भरोसा का लैख मनखि च। जब उ उख पौंछुलु त उ तुमतै याद दिलौलु, कि यीशु मसीह का पिछनै चलण मा मेरु चाल-चलन कन च। अर जब मि कै बिस्वासी समुदाय मा जान्दु, त उखा लोगु तैं मि कै तरिकळ सिखौन्दु।

गलातियों 1:3

अर हमरा पिता परमेस्वर अर प्रभु यीशु मसीह की तरफा बटि वेकी किरपा अर शान्ति तुम पर बणि रौ, या ही हमरि प्रार्थना च।

गलातियों 3:9

इलै जु लोग पितर अब्राहम की तरौं बिस्वास करदिन, वु लोग ईं आसीस तैं जरुर पाला।

इफिसुस 1:1

हे मेरा भै-बैंणो मि पौलुस छौं अर मि पिता परमेस्वर की मनसा से यीशु मसीह को खास चेला छौं। अर मि या चिठ्‍ठी इफिसुस नगर मा रौण वळा बिस्वासी समुदाय का सब लोगु खुणि लिखणु छौं, जु कि यीशु मसीह पर बिस्वास करण वळा पवित्र लोग छिन।

इफिसुस 6:21

मि इन चान्दु, कि तुम लोग मेरा बारा मा जाणा, कि इख मि कै हालत मा छौं अर क्या कनु छौं। इलै मि तुमरा पास हमरा प्यारा भै तुखिकुस तैं भेजणु छौं, जु कि प्रभु की सेवा का काम मा मेरी मदद करण वळु, अर भरोसामन्द मनखि च। अर जब उ तुमरा पास आलु, त तुमतै हमरि हालत का बारा मा बतालु अर तुमरा दिलों की हिम्मत तैं भि बढालु।

फिलिप्पी 1:1

हे मेरा भै-बैंणो, मि पौलुस छौं अर मेरा दगड़ा मा तीमुथियुस भै च अर हम दुईया का दुई यीशु मसीह का सेवक छां। अर मि या चिठ्‍ठी यीशु मसीह पर बिस्वास करण वळा ऊं सब पवित्र लोगु खुणि लिखणु छौं, जु कि फिलिप्पी नगर मा रौनदिन अर बिस्वासी समुदाय का अध्यक्ष, अर सेवा का काम मा मदद करण वळा छिन।

1 पतरस 1:2

पिता परमेस्वर न तुमतै अपणी पैलि बटि बणईं योजना का मुताबिक अपणी औलाद होणु खुणि चुण्यालि छौ। अर वेन अपणु पवित्र आत्मा तुमतै देई, ताकि तुम लोग यीशु मसीह की आज्ञा को पालन कैरी सैका, अर क्रूस पर यीशु मसीह की मौत का बगत जु ल्वे बोगि, वेका द्‍वारा ही वेन तुमतै शुद्ध कैरी। अर मि तुम सभ्यों खुणि इन प्रार्थना करदु, कि वेकी किरपा अर शान्ति तुमतै भरपूरी से मिलदी रौ। आमीन।

2 पतरस 1:2

अर मि इन प्रार्थना करदु, कि तुम सभ्या का सभि पिता परमेस्वर अर यीशु मसीह का ज्ञान मा बढदी जा, अर वेकी किरपा अर वेकी शान्ति तुम सभ्यों पर जादा से जादा होणी रौ। आमीन।

यहूदा 1:2

अर मि इन प्रार्थना करदु, कि पिता परमेस्वर की दया, शान्ति अर वेको प्यार तुम सभ्यों तैं जादा से जादा मिलदु रौ। आमीन।

दिब्य दरस 1:4

आसिया मुलक मा रौण वळा सात बिस्वासी समुदाय का नौ खुणि इन लिख कि: वे पिता परमेस्वर की तरफा बटि जु कि पैलि बटि छौ, आज भि च अर उई च जु कि औण वळु च, अर ऊं सात आत्माओं की तरफा बटि जु कि वेकी राजगद्‍दी का समणि छिन, तुम पर ऊंकी किरपा अर दया होणी रौ।