खास चेलों 9:29 - Garhwali

²⁹ अर उ यूनानी भाषा बुलण वळा यहूदियों का दगड़ा बात-चित अर बहसबाजी करदु छौ, पर ऊंन वेतैं जान से मरण की कोसिस कैरी।

गढवली नयो नियम

²⁹ अर यूनानी भाषा बुल्ण वला यहूदी लुखुं का दगड़ी बातचित अर वाद-विवाद करदो छो; पर उ वे तैं मरणे की कोशिश कन लगि गैनी।

खास चेलों 9:29 ပူးပေါင်းရင်းမြစ်များ

खास चेलों 11:20

मगर ऊंमा बटि कुछ बिस्वासी लोग साइप्रस टापू अर कुरेन नगर का छा जु कि अन्ताकिया नगर मा ऐनी, अर ऊंन यूनानियों तैं भि प्रभु यीशु को शुभ समाचार सुनौण शुरु कैरी दिनी।

खास चेलों 17:17

इलै वु प्रार्थना भवन मा यहूदी लोगु का दगड़ा, अर परमेस्वर की भक्‍ति करण वळा लोगु का दगड़ा, अर बजार मा औण-जाण वळा लोगु का दगड़ा मा, हरेक दिन वाद-विवाद करदु छौ।

खास चेलों 18:19

अर जब वु इफिसुस नगर मा पौंछिनी, त पौलुस न यों दुईयों तैं इखि छोड़ि दिनी, अर खुद प्रार्थना भवन मा जैके यहूदी लोगु का दगड़ा मा वाद-विवाद करण लगि गै।

खास चेलों 19:8

फिर पौलुस तीन मैना तक इफिसुस नगर का प्रार्थना भवन मा जैके बिन डऽरयां प्रभु को वचन सुनौणु रै, अर परमेस्वर का राज का बारा मा ऊंतैं समझौणु रै अर ऊंका मनों तैं अपणी तरफा कनै की पूरि कोसिस कनु रै।

खास चेलों 22:18

तब मिन प्रभु की दिब्य चमक देखि अर वेतैं इन बुल्द सुणी, ‘हे शाऊल, तू यरूशलेम नगर बटि निकळि के जल्दी चलि जा, किलैकि यों लोगु न मेरा बारा मा तेरी गवै तैं स्वीकार नि करण।’

खास चेलों 6:1

ऊं दिनों मा जब बिस्वासी लोगु की संख्या भौत बढणी छै, त यूनानी भाषा बुलण वळा बिस्वासी लोग, इब्रानी भाषा बुलण वळा बिस्वासी लोगु की सिकैत करण लगि गैनी, कि हर रोज मिलण वळा खाण-पीण का समान मा हमरि विधवा जनानियों का दगड़ा मा भेदभाव किये जाणु च।

खास चेलों 9:27

तब बरनबास वेतैं खास चेलों का पास लेके गै। अर वेन खास चेलों तैं समझै अर ऊंतैं बतै की शाऊल न प्रभु तैं बाटा मा कनकै देखि, अर प्रभु न वे बटि बाटा मा कनकै बात कैरी, अर वेन ऊंतैं या बात भि बतै कि येन कनकै बिन डऽरयां दमिश्क नगर मा यीशु नौ को परचार कैरी।

खास चेलों 9:28

अर शाऊल यरूशलेम नगर मा खास चेलों का दगड़ा मा रौण लगि गै, अर जग-जगा जैके बिन डऽरयां प्रभु को परचार करण लगि गै।

2 कुरिन्थि 11:26

अर मिन भौत सि जगों को सफर करण का बगत अपणा जीवन मा भौत सि मुसीबतों तैं झेली। जन कि, गाड-गदन्यों तैं पार करण को बगत, डाकुओं का द्‍वारा, अर मेरा अपणा यहूदी लोगु का द्‍वारा, अर ऊं लोगु का द्‍वारा भि जु की यहूदी जाति का नि छिन। अर मितैं नगरों मा, निर्जन जगों मा, समुन्दर मा दुख-तकलीफ झिलण पोड़ीनी, इख तक ऊं लोगु का द्‍वारा भि मितैं सतयै गै, जु की झूठ्‍ठ बोलि के खुद तैं यीशु मसीह को बतौन्दिन।

यहूदा 1:3

हे मेरा प्यारा भै-बैंणो, मि भौत चान्दु छौ, कि मि तुमतै बचयै जाण का बारा बतौ, जै बचयै जाण मा हम सब हिस्सेदार छां। मगर अब मितैं यू जरुरी लगदु, कि मि तुमरा हौसला तैं बढ़ो, ताकि तुम लोग वे बिस्वास मा कड़ी मेनत कैरा, जु कि बिस्वासी लोगु तैं हमेसा खुणि एक ही बार सौंपे गै।

यहूदा 1:9

मगर जब मूसा रैबर्या की लांश का बारा मा परधान स्वर्गदूत मीकाईल की शैतान का दगड़ा मा बहसबाजी ह्‍वे, त मीकाईल स्वर्गदूत न इळजाम लगै के शैतान की बेजती नि कैरी, वेन त बस इथगा बोलि कि, “प्रभु ही त्वेतै झिडकु।”