खास चेलों 9:24 - Garhwali

²⁴ अर यू लोग शाऊल तैं मरणु खुणि दिन-रात वेकी ताक मा नगर का गेट का आस-पास रौन्दा छा, मगर वेतैं ईं जाळसाजि का बारा मा पता चलि गै।

गढवली नयो नियम

²⁴ उ त वे तैं मरणु कु नगर का फाटक का संमणी रात-दिन वेको जग्वाल करदींनि। पर ऊंकी योजना का बारा मा शाऊल तैं कैल बतै दींनि,

खास चेलों 9:24 ပူးပေါင်းရင်းမြစ်များ

खास चेलों 20:19

अर यहूदी लोगु की जाळसाजि का द्‍वारा मितैं भौत दुख मिली, अर मिन रुवे-रुवे के अपणा दिन कटिनी, मगर फिर भि मि प्रभु की सेवा कनु रौंऽऽ, अर मिन अपणा सभौ तैं नमर बणै के रखी।

खास चेलों 20:3

अर यूनान देस मा पौंछी के पौलुस तीन मैना तक उखि रै। अर जब वु उख बटि पाणि का जाज को सफर शुरु कैरिके सीरिया मुलक कू जाण वळु छौ, त वेतैं पता चलि गै कि यहूदी लोगु न वेका खिलाप मा जाळसाजि कैरियाली, इलै वेन मकिदुनिया मुलक बटि ही वापिस जाण को विचार बणै दिनी।

खास चेलों 23:30

अर जब मितैं इन खबर मिली, कि वु लोग ये मनखि तैं जान से मरण की फिराक मा जाळसाजि बणौणा छिन, त मिन येतैं तुरन्त तुमरा पास भेज दिनी। अर दोष लगौण वळा लोगु तैं इन आदेस देई कि वु तुमरा समणि ऐके ही ये मनखि पर लग्यां इळजामो का बारा मा बता।”

खास चेलों 25:11

अर साब, अगर जु मेरु कुछ भि अपराध कर्युं होन्दु अर मौत की सजा का लैख होन्दु, त मि मौत तैं भि स्वीकार कैरी देन्दु। अर जौं बातों को यू लोग मि पर इळजाम लगौणा छिन, अगर वु बात सच्‍चि नि होलि, त कुई भि मितैं यों लोगु का सुपुर्द नि कैरी सकदु, इलै साब, मेरी इन मांग च कि मेरु न्याय महाराजा का समणि हो।”

खास चेलों 25:3

अर ऊंन फेस्तुस बटि इन बिन्ती कैरी कि, “साब, वे पौलुस तैं इख यरूशलेम मा बुलै द्‍या।” अर या बात ऊंन इलै बोलि, किलैकि यहूदी लोग न वेतैं अधा बाटा मा जान से मरणे की योजना बणईं छै।

खास चेलों 9:25

तब शाऊल का चेला राति ऐनी अर वेतैं अफ दगड़ा लि गैनी, अर वेतैं एक ठुफरा मा बैठे के नगर की दिवाल की खिड़की बटि मूड़ी उतारि दिनी।

2 कुरिन्थि 11:32

अर एक बार जब मि दमिश्क नगर मा छौ, त वे बगत पर राजा अरितास का गवर्नर न अपणा सिपयों कू इन बुलयूं छौ कि “तुम लोग नगर का गेट पर पैरेदारी कैरा, ताकि जब पौलुस नगर तैं छोड़ि के जाणु रौलु त तुम वेतैं बन्धी बणै सैका।”