खास चेलों 9:20 - Garhwali

²⁰ अर यों सब बातों का बाद शाऊल तुरन्त दमिश्क नगर का प्रार्थना भवनों मा यीशु को परचार करण लगि गै। अर वेन बोलि कि, “यीशु मसीह ही परमेस्वर को पुत्र च।”

गढवली नयो नियम

²⁰ अर उ तुरंत दमिश्क शहर का यहूदियों का मिलणा का भवन मा जै के यीशु का बारा मा यु प्रचार कन लगि गै, कि यीशु ही पिता परमेश्वर को नौंनो च।

खास चेलों 9:20 ပူးပေါင်းရင်းမြစ်များ

मत्ती 27:43

अरे, अगर यू परमेस्वर पर भरोसा रखदु, अर अगर जु पिता परमेस्वर भि चान्दु त अब उ येतैं बचौ, किलैकि यू त बुल्दु छौ कि ‘मि परमेस्वर को पुत्र छौं।’”

मत्ती 27:54

अर जु रोमी सुबेदार अर दुसरा सिपै यीशु की पैरेदारी कना छा, ये भ्वींचळा का औण से अर जु कुछ भि ह्‍वे वां से ऊ भौत डौऽरी गैनी। तब ऊंन बोलि, “सच्‍चि मा यू परमेस्वर को पुत्र छौ।”

मत्ती 4:3

तब शैतान जु कि भकलौण वळु च वेका पास ऐ, अर वेन यीशु कू बोलि, “अगर जु तू परमेस्वर को पुत्र छैई, त यों ढुंगो कू बोल कि रुट्‍टी बण जा।”

यूहन्ना 1:49

अर नतनएल न वेकू बोलि, “गुरुजी, तुम परमेस्वर का नौना छाँ अर तुम ही इस्राएल का राजा छाँ”

यूहन्ना 19:7

तब यहूदियों न वेतैं जबाब देई, “हमरु भि नियम-कानून च अर वे नियम-कानून का मुताबिक उ मरे जाण लैख च, किलैकि येन अफ तैं परमेस्वर को पुत्र ठैरै।”

यूहन्ना 20:28

तब थोमा न वेकू बोलि, “मेरा प्रभु, मेरा परमेस्वर।”

यूहन्ना 20:31

पर जु कुछ भि यां मा लिख्यूं च उ इलै लिख्यूं च, ताकि तुम बिस्वास कैरी सैका, कि यीशु ही परमेस्वर को पुत्र मसीह च। अर ईं बात पर बिस्वास कैरिके तुम वेका नौ से सदनि को जीवन पै सैका।

खास चेलों 13:14

तब वु पिरगा नगर बटि निकळि के पिसिदिया मुलक का अन्ताकिया नगर मा पौंछिनी, अर सब्त का दिन पर प्रार्थना भवन मा बैठ गैनी।

खास चेलों 13:33

अर परमेस्वर न यीशु मसीह तैं मुरदो मा बटि ज्यून्दु कैरिके वे करार तैं हम खुणि पूरु कैरी, हम जु की वेकी औलाद छां। अर जन कि राजा दाऊद न अपणा भजन संहिता का दुसरा हिस्सा मा बोलि कि, “‘तू मेरु पुत्र छैई, अर आज से मि तेरु पिता छौं।’

खास चेलों 13:46

तब पौलुस अर बरनबास न बड़ी हिम्मत से ऊंतैं जबाब देई, “या बात भौत जरुरी छै कि परमेस्वर को वचन सबसे पैलि तुमतै ही सुणये जान्दु। मगर जब तुम ही वेतैं नकरणा छाँ अर अफ तैं सदनि का जीवन का लैख नि समझद्‍यां, त सुणा, अब से हम दुसरि जाति का बीच मा परचार करणु कू जाणा छां।

खास चेलों 13:5

अर ये टापू पर औण का बाद ऊ सलमीस नगर मा पौंछिनी, अर इख ऐके ऊंन यहूदियों का प्रार्थना भवनों मा परमेस्वर का वचन तैं सुणै। अर ऊंकी मदद करणु खुणि यूहन्‍ना जैकू मरकुस भि बुल्दिन ऊंका दगड़ा मा छौ।

खास चेलों 14:1

अर जब पौलुस अर बरनबास इकुनियुम नगर मा पौंछिनी, त यू दुईया का दुई यहूदी लोगु का प्रार्थना भवन मा गैनी, अर इन्द्रयो उपदेस दिनी कि भौत सरा यहूदी अर यूनानी लोगु न प्रभु पर बिस्वास कैरी।

खास चेलों 16:13

अर सब्त का दिन पर हम लोग नगर का गेट से भैर गाडा का छाला पर ग्यां। अर हमतै इन लगि कि इख प्रार्थना करण की कुई जगा ह्‍वेलि, अर उख कुछ जनानियां इकट्‍ठा होईं छै अर हम ऊंका दगड़ा मा बात-चित करण लगि ग्यां।

खास चेलों 17:10

अर फिर बिस्वासी भै-बैंणो न पौलुस अर सीलास तैं रातों-रात बिरीया नगर कू भेजि दिनी, अर उख पौंछण का बाद यू दुईया का दुई यहूदियों का प्रार्थना भवन मा गैनी।

खास चेलों 17:17

इलै वु प्रार्थना भवन मा यहूदी लोगु का दगड़ा, अर परमेस्वर की भक्‍ति करण वळा लोगु का दगड़ा, अर बजार मा औण-जाण वळा लोगु का दगड़ा मा, हरेक दिन वाद-विवाद करदु छौ।

खास चेलों 17:2

अर पौलुस हमेसा की तरौं, यहूदी प्रार्थना भवन मा गै। अर तीन हप्‍तों का तीन सब्त का दिनों पर वेन पवित्रशास्‍त्र मा बटि यहूदी लोगु का बीच मा वाद-विवाद कैरी।

खास चेलों 18:19

अर जब वु इफिसुस नगर मा पौंछिनी, त पौलुस न यों दुईयों तैं इखि छोड़ि दिनी, अर खुद प्रार्थना भवन मा जैके यहूदी लोगु का दगड़ा मा वाद-विवाद करण लगि गै।

खास चेलों 18:4

अर पौलुस हरेक सब्त का दिन पर प्रार्थना भवन मा जैके यहूदियों अर यूनानी लोगु का दगड़ा मा वाद-विवाद करदु छौ, अर ऊंका मन तैं अपणी तरफा करण की कोसिस करदु छौ।

खास चेलों 19:8

फिर पौलुस तीन मैना तक इफिसुस नगर का प्रार्थना भवन मा जैके बिन डऽरयां प्रभु को वचन सुनौणु रै, अर परमेस्वर का राज का बारा मा ऊंतैं समझौणु रै अर ऊंका मनों तैं अपणी तरफा कनै की पूरि कोसिस कनु रै।

खास चेलों 8:36

अर बाटा मा चलद-चलद वु एक जगा मा पौंछिनी जख पाणि छौ। तब वे अधिकारी न बोलि, “देखा, इख मा पाणि च, मि बपतिस्मा ले सकदु क्या?”

खास चेलों 8:37

[अर फिलिप्पुस न वेतैं पूछी, “अगर तुम पूरा मनळ बिस्वास करद्‍यां, त तुम बपतिस्मा ले सकद्‍यां।” अर वेन जबाब दिनी, “हाँ, मि बिस्वास करदु छौं, कि यीशु मसीह ही परमेस्वर को पुत्र च।”]

खास चेलों 9:22

मगर यों सब बातों का बाद भि शाऊल परचार करण मा और भि जादा मजबूत होणु रै। अर दमिश्क नगर मा रौण वळा यहूदियों तैं साबित कैरी-कैरिके इन बतौणु रै, कि यीशु ही मसीह च। अर इन साबित कैरिके वेन ऊं लोगु की टुपटी बन्द कैरी दिनी।

रोमियों 1:4

अर वेतैं पवित्र आत्मा की ताकत से मुरदो मा बटि ज्यून्द किये गै। अर इन कैरिके पिता परमेस्वर न साबित कैरी, कि हमरु प्रभु यीशु मसीह वेको पुत्र च।

गलातियों 1:16

वु अपणा पुत्र तैं मि पर परगट कैरो, ताकि मि वेका पुत्र यीशु मसीह को परचार ऊं लोगु का बीच मा जैके कैरुं जु यहूदी जाति का नि छिन। अर जब मेरा दगड़ा मा इन ह्‍वे, त मि तुरन्त सला लेणु खुणि कै मनखि का पास नि ग्यों।

गलातियों 2:20

अर मि यीशु मसीह का दगड़ा मा क्रूस पर चड़ये ग्यों, इलै अब मि ज्यून्दु नि छौं, पर यीशु मसीह मि मा ज्यून्दु च। अर अब ये सरील मा मि जु जीवन जीणु छौं, वु केवल परमेस्वर का पुत्र पर बिस्वास कैरिके ही जीणु छौं, जैन मि बटि प्यार कैरी अर मि खुणि अफ तैं दे दिनी।

दिब्य दरस 2:18

अर येका बाद यीशु न मिकू इन बोलि कि, “थुआतीरा नगर मा रौण वळा बिस्वासी समुदाय का दूत खुणि इन लिख कि: “यीशु जु कि परमेस्वर को पुत्र च अर जैका आंखा आग की झौऽळ की तरौं छिन अर वेका खुटा पीतळे की तरौं चमकदार छिन उ इन बुल्दु कि: