खास चेलों 9:18 - Garhwali

¹⁸ अर जन्‍नि वेन इन बोलि तन्‍नि वेका आंख्यों बटि छिलकों का जन कुछ चीज पोड़ि, अर उ फिर से सब कुछ दिखण लगि गै। तब शाऊल उख बटि उठी अर वेन बपतिस्मा ले।

गढवली नयो नियम

¹⁸ तब तुरंत शाऊल का आँखों बट्टी छिल्का जन कुछ निकलीनि अर वेका बाद उ दुबारा दिखण लगि गै अर शाऊल ल उठि के बपतिस्मा लींनि।

खास चेलों 9:18 ပူးပေါင်းရင်းမြစ်များ

खास चेलों 2:38

तब पतरस न ऊंकू बोलि, “अपणा-अपणा पापों बटि पस्ताप कैरा अर पापों बटि माफी पौणु खुणि तुम मा बटि हरेक मनखि यीशु मसीह का नौ से बपतिस्मा ल्यो, अर तब तुमतै पवित्र आत्मा को दान मिललु।

खास चेलों 2:41

इलै जौं लोगु न वेका ये उपदेस तैं स्वीकार कैरी, ऊंन बपतिस्मा लिनी, अर वे ही दिन करीब तीन हजार लोग बिस्वासी समुदाय का दगड़ा मा मिली गैनी।

खास चेलों 22:13

अर उ मनखि मेरा पास ऐके खड़ु ह्‍वे अर वेन बोलि, ‘शाऊल भै तू फिर से दिखण लगि जा,’ अर पता, उबरि मेरा आंख खुलि गैनी अर मिन वेतैं देखि।

खास चेलों 22:16

इलै अब कैं बात की देर? चड़म खड़ु उठा, अर बपतिस्मा ल्या, अर यीशु को नौ लेके अपणा पापों तैं ध्वे द्‍या।’

खास चेलों 9:17

तब हनन्याह उख बटि उठी अर वे घौर जनै गै। अर जब हनन्याह वे घौर मा पौंछी, त वेन अपणु हाथ शाऊल पर रखी के बोलि, “शाऊल भै, जै प्रभु यीशु न त्वेतै वे बाटा मा दरसन दे छौ वेन ही मितैं इख तेरा पास भेजि, ताकि तू फिर से दिखण लगि जै अर पवित्र आत्मा से भरपूर ह्‍वे जै।”

खास चेलों 9:19

अर खाणु-खाण का बाद वेका सरील मा जान ऐ। अर कुछ दिनों तक शाऊल दमिश्क नगर मा बिस्वासी लोगु का दगड़ा मा रै।

खास चेलों 9:8

तब शाऊल भ्वीं मा बटि उठी, पर जब वेन अपणा आंखा तैं खुलि त वेतैं कुछ नि दिखैणु छौ, तब वेका दगड़्या वेको हाथ पकड़ी के दमिश्क नगर कू लि गैनी।

2 कुरिन्थि 3:14

मगर अभि भि ऊं लोगु का दिमाग सुनपट पोड़यां छिन, किलैकि ऊ परमेस्वर की मनसा तैं स्वीकार नि करण चनदिन। अर जब ऊ पुरणा कानून तैं पढदिन, त आज भि ऊंका बिंगण मा यू नि औन्दु कि परदा किलै डळै गै होलु। मगर यू सब ऊंका बिंगण मा तब औण जब वु यीशु मसीह पर बिस्वास करला।

2 कुरिन्थि 4:6

इलै पिता परमेस्वर ही च जैन इन बोलि कि, “ये अन्धेरा मा उज्याळु हो।” अर उई च जैन हमरा अन्धेरा मनों मा जीवन को उज्याळा तैं चमकै, ताकि जु लोग अन्धेरा मा छिन हम ऊंतैं वे जीवन का उज्याळा का बारा मा बतै सैका। अर परमेस्वर का ज्ञान को यू उज्याळु यीशु मसीह का द्‍वारा चमकदु।