खास चेलों 9:16 - Garhwali

¹⁶ अर मि वेतैं बतौलु, कि मेरा नौ का बानो वेतैं कथगा जादा दुख उठौण पोड़लु।”

गढवली नयो नियम

¹⁶ अर मि वे तैं बतौलु कि मेरा बारा मा प्रचार कना का कारण वे तैं कन दुःख उठांण पुड़लो।”

खास चेलों 9:16 ပူးပေါင်းရင်းမြစ်များ

मत्ती 24:9

अर वे बगत लोग तुमतै दुख देणु खुणि पकड़वै द्‍याला, अर तुम मि पर बिस्वास करद्‍यां इलै सब जाति का लोग तुम बटि नफरत करला, इख तक की मरवै भि द्‍याला।

मत्ती 5:11

“अर धन्य छाँ तुम, किलैकि जब लोग मेरी वजै से तुमतै बदनाम करला, अर तुमतै सताला अर झूठ्‍ठ बोलि-बोलि के तुमरा खिलाप मा बन्‍नि-बन्‍नि किसम की बात बुलला,

यूहन्ना 15:20

“इलै मिन जु तुम बटि बोलि, वेतैं याद रखा कि, ‘नौकर अपणा मालिक से बड़ु नि होन्दु।’ इलै जब ऊंन मितैं सतै त उ तुमतै भि सताला, ठिक उन्‍नि अगर ऊंन मेरी बात माणी त वु तुमरि बात भि मणला।

खास चेलों 14:22

अर बिस्वासी लोगु तैं ऊंका बिस्वास मा मजबूत कैरी, अर बिस्वास मा बणयूं रौणु खुणि ऊंकी हिम्मत भि बढै अर ऊंन ऊंकू बोलि, “हमतै बड़ु दुख झेली के परमेस्वर का राज मा जाणु पोड़लु।”

खास चेलों 21:11

अर उ हमरा पास ऐ अर वेन पौलुस को पठुगु लिनी अर अपणा हाथ-खुटा बान्धि के बोलि, “पवित्र आत्मा इन बुल्दु कि, ‘जै मनखि को यू पठुगु च, वेतैं यरूशलेम नगर मा यहूदी लोग इन्‍नि बन्धला, अर ऊं लोगु का सुपुर्द कैरी द्‍याला जु लोग यहूदी जाति का नि छिन।’”

खास चेलों 21:13

मगर पौलुस न ऊंकू बोलि, “तुम रुवे-रुवे के मेरु हौसला किलै कम कना छाँ? मेरी बात को यकीन कैरा, मि प्रभु यीशु का नौ का खातिर यरूशलेम नगर मा बन्धी बणणु खुणि ही ना, बल्किन मा मुरण खुणि भि तयार छौं।”

खास चेलों 21:4

अर इख हमतै कुछ बिस्वासी लोग मिलिनी, अर हम ऊंका दगड़ा मा सात दिनों तक उखि रयां। अर पवित्र आत्मा का द्‍वारा ऊं लोगु न पौलुस कू बोलि कि तुम यरूशलेम नगर कू नि जयां।

खास चेलों 9:14

इख तक कि अब मुख्य पुरोहितों न भि वेतैं इन अधिकार दियाली, कि जथगा भि लोग तुम पर बिस्वास करदिन ऊंतैं बन्धी बणै के लौ।”

खास चेलों 9:6

पर अब तू खड़ु उठ, अर नगर मा जा अर जु कुछ त्वेतै करण होलु वु सब त्वेतै उखि बतये जालु।”

2 कुरिन्थि 6:4

मगर हम हरेक बगत इन दिखौन्द्‍यां कि हम लोग बड़ी इमानदारी से पिता परमेस्वर कि सेवा करद्‍यां, अर चै कन्दरि भि बात किलै नि ह्‍वे जौ, या दुख-तकलीफ को बगत हो या बगत बड़ु कठिन हो, या मुस्किल पर मुस्किल औणी हो, पर फिर भि सबर रखी के सेवा का काम मा लग्यां रौन्द्‍यां।

1 थिस्सलुनीकी 3:3

अर वेतैं भेजण को हमरु यू मकसद च कि जु सतौ तुम लोग सौणा छाँ, ये सतौ की वजै से कखि तुम बिस्वास करण से पिछनै नि हटि जां। अर तुम अफि जणद्‍यां, कि हम बिस्वासी लोगु पर ये सतौल त औण ही औण च।

2 तीमुथियुस 1:12

इलै मि दुख सौन्दु छौं, अर ईं बात मा मितैं कुई सरम नि औन्दी, किलैकि मिन यीशु पर बिस्वास कैरी अर वेका बारा मि जणदु छौं। अर मितैं पूरु यकीन च कि जु शुभ समाचार पिता परमेस्वर न मि मा सौंपी, वेतैं आखिरी का दिन तक समाळि के रखण मा उ ताकतबर च।

2 तीमुथियुस 3:11

अन्ताकिया, इकुनियुम अर लुस्‍त्रा का नगरों मा जु-जु दुख मिन उठैनि, ऊंका बारा मा भि तू जणदी ही छैई। फिर भि प्रभु न मितैं यों सब मुसीबतों बटि छुड़ै।

1 पतरस 4:14

अर अगर जु तुमतै यीशु मसीह का नौ का खातिर बदनाम किये जाणु च त तुम धन्य छाँ, किलैकि परमेस्वर को पवित्र आत्मा अर वेकी ताकत तुमरा दगड़ा मा च।

दिब्य दरस 1:9

मि तुमरो भै यूहन्‍ना छौं, अर मि प्रभु यीशु मसीह खुणि दुख झिलण मा, राज्य अर सबर रखण मा तुमरो साझेदार भि छौं। अर मि यीशु मसीह की गवै देन्दु अर पिता परमेस्वर का वचन का बारा मा बतौन्दु, इलै मितैं जबरन पतमुस नौ का टापू पर भिजे गै।