खास चेलों 8:5 - Garhwali

⁵ अर बिस्वासी लोगु मा बटि फिलिप्पुस सामरिया मुलक का एक नगर मा चलि गै, अर लोगु का बीच मा मसीह को परचार करण लगि गै।

गढवली नयो नियम

⁵ अर फिलिप्पुस सामरिया प्रान्त का एक शहर मा जै के यीशु मसीह का बारा मा प्रचार कन लगि गै।

खास चेलों 8:5 ပူးပေါင်းရင်းမြစ်များ

खास चेलों 1:8

अर जब तुम पवित्र आत्मा तैं पैल्या, त तुमतै सामर्थ मिलेली तब तुम यरूशलेम नगर मा अर पूरा यहूदिया अर सामरिया का मुलकों मा, इख तक की पूरि दुनियां मा तुम मेरा गवा बणि जैल्या।”

खास चेलों 21:8

अर दुसरा दिन हम उख बटि कैसरिया नगर मा पौंछयां अर उख हम शुभ समाचार को परचार करण वळा फिलिप्पुस भै बटि मिल्यां, अर वेका घौर मा रयां, अर यू खास चेला लोगु की मदद करण खुणि चुण्यां सात बिस्वासी लोगु मा बटि एक छौ।

खास चेलों 5:42

अर खास चेला हरेक दिन मन्दिर अर घौर-घौर जैके लोगु तैं सिखौन्दा छा, अर ईं बात को शुभ समाचार देन्दा छा कि यीशु ही मसीह च।

खास चेलों 6:5

अर या बात बिस्वासी समुदाय का सब लोगु तैं ठिक लगि, अर ऊंन स्तिफनुस तैं चुणी, अर यू अच्छु बिस्वासी अर पवित्र आत्मा से भरपूर छौ। अर येका दगड़ा-दगड़ि ऊंन फिलिप्पुस, प्रुखुरुस, अर नीकनोर अर तीमोन तैं, अर परमिनास, अर अन्ताकिया नगर का नीकुलाउस तैं चुणी जु कि यहूदी बणि गै छौ।

खास चेलों 8:1

अर यू ज्वान शाऊल भि स्तिफनुस की हत्या मा राजी छौ। तब कुछ भक्‍त लोगु न ऐके स्तिफनुस तैं कबर मा दफनै दिनी, अर वेका बानो बड़ु मातम कैरी। अर वे दिन बटि ही यरूशलेम नगर का बिस्वासी समुदाय पर बड़ु सतौ औण लगि गै, अर खास चेलों का अलावा सब बिस्वासी लोग यहूदिया अर सामरिया का मुलक मा तितर-बितर ह्‍वे गैनी।

खास चेलों 8:26

अर एक दिन इन ह्‍वे, कि प्रभु का एक स्वर्गदूत न फिलिप्पुस कू बोलि कि, “फिलिप्पुस चल, वु निर्जन बाटु जु दक्छिण दिसा की तरफा च अर यरूशलेम नगर बटि गाजा नगर कू जान्दु तू उख जा।”

खास चेलों 8:30

फिर उ वे रथ का जनै भागी के गै, अर फिलिप्पुस न वे अधिकारी तैं यशायाह रैबर्या की किताब पढद सुणी। तब वेन वे बटि पूछी, “साब, तुम जु पढणा छाँ, क्या वु तुमरा बिंगण मा भि औणु च?”

खास चेलों 8:40

मगर फिलिप्पुस न अफ तैं अशदोद नगर मा देखि। तब उ कैसरिया नगर कू जाण लगि गै, अर कैसरिया नगर मा पौंछण से पैलि वेन बाटा मा औण वळा सब नगरों मा शुभ समाचार सुणै।

खास चेलों 8:6

अर भौत सा लोगु न फिलिप्पुस की बातों तैं ध्यान से सुणी, अर वेका द्‍वारा किये जाण वळा चमत्कारों तैं देखि, अर वेकी बातों पर अपणु-अपणु ध्यान लगै।

खास चेलों 9:20

अर यों सब बातों का बाद शाऊल तुरन्त दमिश्क नगर का प्रार्थना भवनों मा यीशु को परचार करण लगि गै। अर वेन बोलि कि, “यीशु मसीह ही परमेस्वर को पुत्र च।”

1 कुरिन्थि 1:23

मगर हम त क्रूस पर चड़यां यीशु मसीह को परचार करद्‍यां। अर यहूदी लोगु खुणि यू परचार उतेडु़ लगण की वजा च, अर जु लोग यहूदी जाति का नि छिन ऊं खुणि यू बेकार को काम च।

1 कुरिन्थि 2:2

किलैकि जब मि तुमरा दगड़ा मा छौ, त मिन इन ठाणियालि छौ कि यीशु मसीह अर वेको क्रूस पर चड़ये जाण तैं छोड़ि के, और कैं दुसरि बात मा तुमरो ध्यान तैं नि जाण द्‍यूं।

1 कुरिन्थि 3:11

अर यीशु मसीह पर बिस्वास करण की ज्वा बुनियाद तुम मा रखै गै, अब वेका अलावा कुई दुसरो नि च, अर ना ही कुई अब वेका मथि दुसरि बुनियाद रखी सकदु।