खास चेलों 8:30 - Garhwali

³⁰ फिर उ वे रथ का जनै भागी के गै, अर फिलिप्पुस न वे अधिकारी तैं यशायाह रैबर्या की किताब पढद सुणी। तब वेन वे बटि पूछी, “साब, तुम जु पढणा छाँ, क्या वु तुमरा बिंगण मा भि औणु च?”

गढवली नयो नियम

³⁰ फिलिप्पुस के रथ का संमणी दौड़ि के पौंछि गै, अर वे तैं परमेश्वर का तरपां बट्टी बुल्ण वला यशायाह की किताब तैं पढ़दी सूंणि, अर पूछि, “क्य तू जु पढ़णी छै वे तैं समझदी भि छै?”

खास चेलों 8:30 ပူးပေါင်းရင်းမြစ်များ

मत्ती 13:19

बाटा का किनरा पोड़यां बीज का दगड़ा मा जु कुछ भि ह्‍वे, उ इन च कि कुछ लोग परमेस्वर का राज का बारा मा वचन तैं सुणदा त छिन, मगर वेको मतलब नि समझि सकदिन, अर शैतान ऐके ऊंका मनों बटि वचन तैं छिनी के लि जान्दु, जु कि वेका मन मा बुतै गै छौ।

मत्ती 13:23

अर अच्छी जमीन मा पोड़्यूं बीज का दगड़ा मा जु कुछ भि ह्‍वे, उ इन च कि कुछ लोग परमेस्वर का वचन तैं सुणी के वेतैं अच्छे से बिंगदिन, अर फल लेके औन्दिन, कुई सौ गुणा कुई साठ गुणा, अर कुई तीस गुणा।’”

मत्ती 13:51

यीशु न अपणा चेलों बटि पूछी, “क्या तुम यों बातों तैं समझि ग्यां?” त ऊंन बोलि, “हाँ गुरुजी।”

मत्ती 15:10

तब यीशु न लोगु तैं अपणा पास बुलै अर ऊंकू बोलि, “सुणा, अर ईं बात तैं बिंगण की कोसिस कैरा।

मत्ती 24:15

अर यीशु न ऊंकू इन भि बोलि, “परमेस्वर का रैबर्या दानिय्येलळ न अपणी किताब मा एक खण्डर करण वळी खतरनाक अर भौत बुरी चीज का बारा मा लिख्यूं च। अर एक दिन तुम दिखल्या कि वा बुरी चीज परमेस्वर की पवित्र जगा तैं अशुद्ध करली (जु पढणु च उ ईं बात तैं समझि ल्यो)।

मरकुस 13:14

“अर यीशु न इन भि बोलि, ‘अर जब तुम खण्डर करण वळी वीं अशुद्ध चीज तैं ज्वा की वीं जगा पर खड़ि किये जाणि हो, इन होन्द दिखल्या, जख कि वींतैं नि होण चयेणु (जु पढणु च उ ईं बात तैं समझि ल्यो) तब जु यहूदिया मुलक मा हो उ पाड़ो जनै भागी जौ।

यूहन्ना 4:34

तब यीशु न ऊं बटि बोलि, “मेरु खाणुक यू च कि अपणा भेजण वळे की मनसा का मुताबिक चलु, अर वेका काम तैं पूरु कैरुं।

यूहन्ना 5:39

“तुम पवित्रशास्‍त्र को मनन करद्‍यां, किलैकि तुम लोग समझद्‍यां, कि ये मा तुमतै सदनि को जीवन मिलदु, पर यू ही शास्‍त्र मेरी गवै देन्दिन।

खास चेलों 8:27

अर फिलिप्पुस न तयारी कैरी अर वे बाटा पर चलि गै। अर सुणा, वेकी मुलाकात एक मनखि का दगड़ा मा ह्‍वे जु की इथियोपिया नगर को छौ, अर यू मनखि इथियोपिया नगर की महाराणी कन्दाके का खजाना को अधिकारी छौ, अर वु नपुंसक छौ। अर यू यरूशलेम नगर मा परमेस्वर की भक्‍ति करणु खुणि अयूं छौ।

खास चेलों 8:29

तब पवित्र आत्मा न फिलिप्पुस कू बोलि, “नजदीक जैके रथ का दगड़ा-दगड़ि मा चल।”

खास चेलों 8:31

वेन बोलि, “जबरि तक कुई मितैं नि बिंगालु तबरि तक मिन कनकै बिंगण?” तब वेन फिलिप्पुस तैं अपणा रथ मा बैठणु खुणि बोलि।

खास चेलों 8:5

अर बिस्वासी लोगु मा बटि फिलिप्पुस सामरिया मुलक का एक नगर मा चलि गै, अर लोगु का बीच मा मसीह को परचार करण लगि गै।

1 कुरिन्थि 14:19

इलै मि बिस्वासी समुदाय मा ऊं भाषाओं को इस्तेमाल नि करदु, किलैकि मि खुणि या बात जादा फैदे की च कि मि अपणा ज्ञान मा बटि जण चर-एक बात ही कैरुं, ताकि सब बिस्वासी लोग समझि सैका अर मजबूत ह्‍वे जा। अर अगर जु मि भौत सरी बात बोललु, अर कै की समझ मा कुछ भि नि अऽ, त फिर क्या फैदा ह्‍वे अर इन करण से कुछ भि नि होण।

इफिसुस 5:17

इलै नासमझ नि बणा, बल्किन मा प्रभु की इच्छा तैं समझा कि उ क्या चान्दु।

दिब्य दरस 13:18

इन्दरि हालत मा ज्ञान की जरुरत च अर जु अकलमन्द च, उ वे समुन्दर वळा दैंत की संख्या को हिसाब लगौ, किलैकि या संख्या मनखि की च अर वेकी संख्या को नौ, छह सौ छियासठ च।