खास चेलों 8:14 - Garhwali

¹⁴ अर जु खास चेला यरूशलेम नगर मा रौणा छा, जब ऊंतैं ईं बात का बारा मा पता चलि कि सामरिया मुलक का लोगु न भि परमेस्वर का वचन तैं स्वीकार कैरियाली, तब ऊंन पतरस अर यूहन्‍ना तैं ऊंका पास भेजि।

गढवली नयो नियम

¹⁴ जब यरूशलेम शहर मा प्रेरितों तैं मालूम हवे कि सामरिया प्रान्त का लुखुं ल पिता परमेश्वर का वचन तैं मांणी येले तब ऊंल पतरस अर यूहन्ना तैं ऊंमा भेजि।

खास चेलों 8:14 ပူးပေါင်းရင်းမြစ်များ

मत्ती 13:23

अर अच्छी जमीन मा पोड़्यूं बीज का दगड़ा मा जु कुछ भि ह्‍वे, उ इन च कि कुछ लोग परमेस्वर का वचन तैं सुणी के वेतैं अच्छे से बिंगदिन, अर फल लेके औन्दिन, कुई सौ गुणा कुई साठ गुणा, अर कुई तीस गुणा।’”

लूका 22:8

तब यीशु न पतरस अर यूहन्‍ना तैं इन बोलि के भेजि, “जा, अर हम खुणि फसह को खाणु तयार कैरा।”

यूहन्ना 12:48

अर जु कुई मितैं सुद्‍दी समझदु अर मेरी बातों तैं नि मणदु, वे पर दोष लगौण वळु त एक च। मतलब जौं बातों तैं मिन बोलि, उई आखिरी का दिन मा वेतैं दोषी ठैराली।

खास चेलों 11:1

अर या खबर यहूदिया मुलक का खास चेलों अर बिस्वासी भै-बैंणो तैं पता चलि गै, कि जु हमरि जाति का नि छिन ऊंन भि परमेस्वर का वचन तैं स्वीकार कैरियाली।

खास चेलों 15:4

अर जब ऊ यरूशलेम नगर मा पौंछिनी, त बिस्वासी समुदाय का लोगु न, यीशु का खास चेलों न अर अध्यक्षों न ऊंको स्वागत कैरी। तब पौलुस अर बरनबास न यों लोगु तैं बतै, कि परमेस्वर न ऊंका द्‍वारा लोगु का बीच मा कथगा बड़ा-बड़ा काम करिनी।

खास चेलों 17:11

बिरीया नगर का यहूदी लोग थिस्सलुनीकी नगर का यहूदी लोगु से भौत जादा भला छा। अर यों लोगु न परमेस्वर का वचन तैं बड़ी इच्छा से स्वीकार कैरी, अर हर दिन पवित्रशास्‍त्र मा खुज्याणा रैनी कि जु कुछ भि पौलुस बतौणु च वु सब बात इन्‍नि लिखीं छैई भि छिन, कि ना।

खास चेलों 2:41

इलै जौं लोगु न वेका ये उपदेस तैं स्वीकार कैरी, ऊंन बपतिस्मा लिनी, अर वे ही दिन करीब तीन हजार लोग बिस्वासी समुदाय का दगड़ा मा मिली गैनी।

खास चेलों 8:1

अर यू ज्वान शाऊल भि स्तिफनुस की हत्या मा राजी छौ। तब कुछ भक्‍त लोगु न ऐके स्तिफनुस तैं कबर मा दफनै दिनी, अर वेका बानो बड़ु मातम कैरी। अर वे दिन बटि ही यरूशलेम नगर का बिस्वासी समुदाय पर बड़ु सतौ औण लगि गै, अर खास चेलों का अलावा सब बिस्वासी लोग यहूदिया अर सामरिया का मुलक मा तितर-बितर ह्‍वे गैनी।

गलातियों 2:9

अर जब भै याकूब, कैफा अर यूहन्‍ना जु कि बिस्वासी समुदाय का खम्बा मणै जनदिन, जब वु वीं किरपा का बारा मा जाणि गैनी ज्वा कि मि पर होईं च, तब ऊंन मितैं अर बरनबास भै तैं परमेस्वर की सेवा मा ऊंकी मदद करण वळो का रुप मा स्वीकार कैरी। अर ऊंन हमतै ऊं लोगु का बीच मा सेवा करणु कू भेजि जु यहूदी जाति का नि छिन, अर खुद वु यहूदी लोगु का बीच मा सेवा कना रैनी।

1 थिस्सलुनीकी 2:13

अर जब हम तुमरा पास अयां, त तुमुन परमेस्वर का वचन तैं स्वीकार कैरी। अर वे वचन तैं मनखि को वचन नि समझि, बल्किन मा परमेस्वर को वचन समझि के अपणा जीवन मा स्वीकार कैरी। इलै ईं बात का खातिर हम लगातार परमेस्वर को धन्यवाद करद्‍यां। अर या बात सच्‍च च, किलैकि यू वचन सच्‍चि मा परमेस्वर को ही वचन च जु की तुम बिस्वासी लोगु का बीच मा काम कनु च।

2 थिस्सलुनीकी 2:10

अर जु लोग नास होण वळा बाटा पर चलणा छिन, ऊंतैं अपणा जाल मा फसौणु खुणि पाप को पुत्र हरेक किसम का बुरा काम करलु। तब वु वेका जाल मा फंसी जाला, किलैकि ऊंन परमेस्वर का सच्‍चा प्यार तैं अपणा जीवन मा स्वीकार नि कैरी। अर अगर जु वु यीशु तैं स्वीकार कैरी देन्दा, त ऊंतैं बचयै जान्दु।