खास चेलों 8:13 - Garhwali

¹³ इख तक की जादूगर शमौन न भि खुद बिस्वास कैरी अर बपतिस्मा ले, अर वेका बाद उ फिलिप्पुस का दगड़ा मा लगातार रौण लगि गै। अर फिलिप्पुस का द्‍वारा जु अदभुत काम अर चमत्कारिक चिन्‍न किये जान्दा छा, ऊंतैं देखि के उ हकदक ह्‍वे जान्दु छौ।

गढवली नयो नियम

¹³ अर शमौन ल फिलिप्पुस का संदेश पर विश्वास कैरी अर बपतिस्मा ले। अर शमौन ल फिलिप्पुस को अनुसरण कैरी अर उ सभि चमत्कार अर बड़ा-बड़ा सामर्थ का अद्भुत काम तैं हूंद देखि के चकित हूंदो छो।

खास चेलों 8:13 ပူးပေါင်းရင်းမြစ်များ

मत्ती 3:6

अर ऊं लोगु न अपणा-अपणा पापों तैं कबूल कैरिके यरदन गाड मा यूहन्‍ना बटि बपतिस्मा ले।

मरकुस 16:17

अर बिस्वास करण वळा लोगु मा यू चिन्‍न होला, वु मेरा नौ से खबेसों तैं निकळळा, अर नई-नई भाषा बुलला,

लूका 8:13

अर जु बीज ढुंग्याण जमीन पर पोड़ीनी, ऊ वु लोग छिन जु वचन तैं सुणी के खुशी से स्वीकार करदिन, अर कुछ बगत तक ऊ बिस्वास त करदिन, पर बिस्वास मा जड़ नि पकड़ण की वजै से जब अजमैस ऊंका जीवन मा औन्दिन, त ऊ बिस्वास करण छोड़ि देन्दिन।

यूहन्ना 5:20

अर पिता अपणा पुत्र बटि प्यार करदु अर जथगा भि कामों तैं उ खुद करदु, ऊं सभि कामों तैं वु वेतैं दिखान्दु च। अर पिता येसे भि बड़ा-बड़ा कामों तैं कैरिके वेतैं दिखालु, जै से कि तुम हकदक रै जा।

यूहन्ना 7:21

यीशु न ऊंतैं जबाब देई, “मिन सब्त का दिन मा एक चमत्कारिक काम कैरी, अर वेतैं देखि के तुम सब हकदक रै ग्यां।

खास चेलों 13:44

अर दुसरा सब्त का दिन पर इन ह्‍वे, कि तकरीबन पूरु नगर परमेस्वर का वचन तैं सुनणु खुणि उख ऐ गै।

खास चेलों 19:11

अर परमेस्वर न पौलुस का द्‍वारा बड़ा-बड़ा चमत्कारिक काम करिनी, जु कि पैलि कभि नि ह्‍वे छा।

खास चेलों 3:10

अर पछ्याणी गैनी, कि यू त उई मनखि च जु कि मन्दिर का सुन्दर गेट पर बैठि के भीक मंगदु छौ। अर यू देखि के की अब यू चलण-फिरण लगि गै लोग हकदक अर ताजुब मा पोड़ि गैनी।

खास चेलों 8:21

अरे, ईं सेवा मा नऽ त तेरु कुई सम्बन्ध अर ना ही तेरु कुई हिस्सा, किलैकि परमेस्वर की नजर मा तेरु मन खरु नि च।