खास चेलों 8:12 - Garhwali

¹² पर जब फिलिप्पुस ये नगर मा ऐ, त वेन इख ऐके परमेस्वर का राज अर यीशु मसीह का नौ को शुभ समाचार परचार कैरी। अर वेकी यों बातों तैं सुणी के भौत सा बैखों अर जनानियों न बिस्वास कैरी, अर बपतिस्मा भि लेई।

गढवली नयो नियम

¹² पर जब लुखुं ल पिता परमेश्वर का राज्य अर यीशु मसीह का नौं को फिलिप्पुस को शुभ सन्देश प्रचार सूंणि अर जौं जननों ल अर आदिमों ल विश्वास कैरी ऊं बपतिस्मा लै।

खास चेलों 8:12 ပူးပေါင်းရင်းမြစ်များ

मत्ती 28:19

इलै तुम जा, अर सब जाति का लोगु तैं चेला बणा, अर ऊंतैं पिता, पुत्र अर पवित्र आत्मा का नौ से बपतिस्मा द्‍या,

लूका 9:2

अर वेन ऊंतैं परमेस्वर का राज को परचार करणु कू अर बिमारों तैं खूब करणु कू भेजि।

लूका 9:60

पर वेन वे मनखि कू बोलि, “जु आत्मिक रुप से मुरयां छिन, ऊंतैं अपणा मुरदो तैं दफनौण दे, पर तू जैके परमेस्वर का राज को परचार कैर।”

खास चेलों 1:3

अर क्रूस को दुख झिलण का बाद भि यीशु न अपणा ज्यून्द होण का भौत सरा पक्‍का परमाण दिनी। अर उ चालीस दिनों तक अपणा खास चेलों तैं दिखै, अर वेन ऊं बटि परमेस्वर का राज का बारा मा बात भि कैरी।

खास चेलों 11:20

मगर ऊंमा बटि कुछ बिस्वासी लोग साइप्रस टापू अर कुरेन नगर का छा जु कि अन्ताकिया नगर मा ऐनी, अर ऊंन यूनानियों तैं भि प्रभु यीशु को शुभ समाचार सुनौण शुरु कैरी दिनी।

खास चेलों 18:8

तब प्रार्थना भवन का मुखिया क्रिस्पुस अर वेका घौर का सब लोग न प्रभु पर बिस्वास कैरी। अर कुरिन्थि नगर का भौत सा लोगु न पौलुस का द्‍वारा वचन तैं सुणी के बिस्वास कैरी, अर बपतिस्मा भि लिनी।

खास चेलों 19:5

अर यू सुणी के ऊंन प्रभु यीशु का नौ से बपतिस्मा लिनी।

खास चेलों 2:38

तब पतरस न ऊंकू बोलि, “अपणा-अपणा पापों बटि पस्ताप कैरा अर पापों बटि माफी पौणु खुणि तुम मा बटि हरेक मनखि यीशु मसीह का नौ से बपतिस्मा ल्यो, अर तब तुमतै पवित्र आत्मा को दान मिललु।

खास चेलों 2:41

इलै जौं लोगु न वेका ये उपदेस तैं स्वीकार कैरी, ऊंन बपतिस्मा लिनी, अर वे ही दिन करीब तीन हजार लोग बिस्वासी समुदाय का दगड़ा मा मिली गैनी।

खास चेलों 20:21

अर मिन यहूदी अर यूनानी लोगु का बीच मा जैके परमेस्वर का समणि पस्ताप करण का बारा मा, अर हमरा प्रभु यीशु मसीह पर बिस्वास करण का बारा मा ऊंतैं बतै।

खास चेलों 20:25

पर सुणा, मि जणदु छौं कि तुम लोग जौं का बीच मा मिन परमेस्वर का राज को परचार कैरी, अब से तुमुन मितैं फिर नि दिखण।

खास चेलों 28:31

अर बिना रुकावट उ, परमेस्वर का राज को परचार बड़ी हिम्मत से करदु छौ, अर प्रभु यीशु मसीह का बारा मा लोगु तैं सिखौणु रौन्दु छौ।

खास चेलों 5:14

अर भौत सा बैख अर जनानियों न जौन प्रभु पर बिस्वास कैरी वु बिस्वासी समुदाय का यों लोगु का दगड़ा मा सामिल ह्‍वे गैनी, अर यों की गिनती और भि जादा ह्‍वे गै।

खास चेलों 8:4

मगर जु बिस्वासी लोग तितर-बितर ह्‍वे गै छा, वु जख भि गैनी ऊंन उख-उख शुभ समाचार को परचार कैरी।

रोमियों 10:10

किलैकि पिता परमेस्वर की नजर मा धरमी साबित होणु खुणि एक मनखि तैं मन से बिस्वास करण पोड़दु। अर अपणा गिच्‍चळ इन गवै देण कि, “हाँ मि वे पर बिस्वास करदु।” अर इन करण से ही एक मनखि तैं बचयै जालु।

1 कुरिन्थि 11:11

पर फिर भि प्रभु का इंतजाम का मुताबिक जनानि बैख का बिना कुछ भि नि च, अर ठिक उन्‍नि बैख भि जनानि का बगैर कुछ नि च।

गलातियों 3:28

इलै अब नऽ त कुई यहूदी च अर ना ही कुई यूनानी, नऽ त कुई गुलाम च अर ना ही कुई आजाद, अर नऽ त कुई बैख च अर ना ही कुई जनानि, किलैकि तुम सभ्या का सभि यीशु मसीह मा एक छाँ।

1 पतरस 3:21

अर जै पाणि से वु आठ लोग बचयै गैनी वेको मतलब बपतिस्मा से च, जु कि तुमतै बचौन्दु। अर बपतिस्मा को मतलब यू नि च, कि वां से सरील की गन्दगी दूर ह्‍वे जौ, असल मा वांको मतलब इन च कि तुम लोग जमीर मा शुद्ध ह्‍वेके पिता परमेस्वर का अधीन ह्‍वे जा। अर यू सब यीशु मसीह का मुरदो मा बटि ज्यून्द होण से च।