खास चेलों 8:10 - Garhwali

¹⁰ इलै छुटो हो या बड़ु सब लोग वेकी बात को मान करदा छा अर बुल्दा छा कि, “यू मनखि ही परमेस्वर की महान ताकत च।”

गढवली नयो नियम

¹⁰ अर छुटा से ले के बड़ा तक वेको आदर करदा छा अर बुल्दा छा, “यु आदिम परमेश्वर की एक सामर्थ च, जु महान कहलांद च।”

खास चेलों 8:10 ပူးပေါင်းရင်းမြစ်များ

खास चेलों 14:11

अर जब लुकाउनिया मुलक का लोगु न पौलुस का द्‍वारा ये काम तैं होन्द देखि, त अपणी भाषा मा ऊँची आवाज मा बोलि, “आज भगवान हमरा बीच मा मनखियों का रुप मा उतरि के ऐ गैनी।”

खास चेलों 28:6

अर लोग ईं बात को इंतजार करणा छा कि उ उसै जालु अर तुरन्त भ्वीं मा पोड़ि के मोरि जालु, मगर वु लोग वेतैं काफी देर तक दिखणा रैनी। अर ऊंन देखि कि वेतैं कुछ भि नि ह्‍वे, त ऊंन अपणु विचार बदलि के बोलि, “पक्‍की बात यू कुई भगवान च।”

1 कुरिन्थि 1:24

पर जौं लोगु तैं पिता परमेस्वर न बुलै, अब चै वु यहूदी जाति का हो या दुसरि का जाति का सब खुणि यीशु मसीह ही परमेस्वर की ताकत अर परमेस्वर को ज्ञान च।

2 कुरिन्थि 11:19

अर जु तुम खुद तैं भौत समझदार समझद्‍यां, त फिर तुम झूठ्‍ठा लोगु की शिक्षा तैं बड़ी खुशी से किलै स्वीकार करद्‍यां?

इफिसुस 4:14

अर औण वळा बगत मा हम बच्‍चों का जन नि रा, जु कि झूठ्‍ठा गुरु लोगु की चालाकी अर धोखा देण वळी बातों तैं सच्‍च समझदिन, अर अपणा जीवन मा स्वीकार कैरिके वेका मुताबिक चलदिन। मेरा दगड़्यों, इन्द्रया लोगु को बिस्वास समुन्दर की लैरों का जन च, जु कि इनै-उनै होणी रौनदिन।

2 पतरस 2:2

अर इथगा ही ना बल्किन मा भौत सा बिस्वासी लोग त ऊं झूठ्‍ठा गुरु लोगु का पिछनै चलला। तब जु लोग सच्‍चै का बारा नि जणदिन ऊ लोग झूठ्‍ठा गुरु लोगु का चाल-चलन तैं देखि के सच्‍चै का बाटा का बारा मा बुरु बुलला।

दिब्य दरस 13:3

अर वे दैंत का मुण्ड़ पर एक इन्दरि चोट लगि छै कि वेका बचण की उम्मीद नि छै, मगर वेको उ घौ खूब ह्‍वे गै। अर वेका खूब होण की वजै से पूरि धरती का लोग बड़ु ताजुब कैरिके वेका पिछनै-पिछनै चलण लगि गैनी।