खास चेलों 8:1 - Garhwali

^1-2 अर यू ज्वान शाऊल भि स्तिफनुस की हत्या मा राजी छौ। तब कुछ भक्‍त लोगु न ऐके स्तिफनुस तैं कबर मा दफनै दिनी, अर वेका बानो बड़ु मातम कैरी। अर वे दिन बटि ही यरूशलेम नगर का बिस्वासी समुदाय पर बड़ु सतौ औण लगि गै, अर खास चेलों का अलावा सब बिस्वासी लोग यहूदिया अर सामरिया का मुलक मा तितर-बितर ह्‍वे गैनी।

गढवली नयो नियम

¹ शाऊल स्तिफनुस की हत्या कन मा पूरा ढंग से सहमत छो। ऊं दिनों का बाद यरूशलेम शहर का विश्वासियों की मण्डलि पर भौत जादा अत्याचार हूंण लगि गै छो अर प्रेरितों तैं छोड़ उ सभि यहूदिया प्रान्त अर सामरिया प्रान्त मा छिल-बिल हवे गैनी।

खास चेलों 8:1 ပူးပေါင်းရင်းမြစ်များ

मत्ती 22:6

अर कुछ लोगु न राजा का नौकरों तैं पकड़ी अर ऊंका दगड़ा गळत बरतौ कैरी, अर ऊंतैं मारी भि दिनी।

मत्ती 23:34

“इलै सुणा, मि तुमरा पास रैबर्यों तैं, अर अकलमन्दो तैं, शास्‍त्री लोगु तैं भेजणु छौं, अर तुम ऊंमा बटि कुछो तैं मारी दिल्या, अर क्रूस पर चड़ै दिल्या। अर कुछो तैं अपणा प्रार्थना भवनों मा कोड़ा मरवैल्या, इख तक कि तुम नगर-नगर मा जैके ऊंतैं सतैल्या।

मत्ती 5:13

तब यीशु न भीड़ का लोगु कू इन बोलि कि, “तुम ईं दुनियां मा लूण का जन छाँ। अर अगर जु लूण को स्वाद बिगाड़ि जौ, त फिर वेतैं कनकै नमकीन किये जै सकदु? फिर उ कै काम को नि रौन्दु। तब लोग वेतैं भैर ढोळि देन्दिन, अर उ मनखियों का खुटों तौळ पितड़े जान्दु।

यूहन्ना 15:20

“इलै मिन जु तुम बटि बोलि, वेतैं याद रखा कि, ‘नौकर अपणा मालिक से बड़ु नि होन्दु।’ इलै जब ऊंन मितैं सतै त उ तुमतै भि सताला, ठिक उन्‍नि अगर ऊंन मेरी बात माणी त वु तुमरि बात भि मणला।

यूहन्ना 16:2

किलैकि लोग तुमतै प्रार्थना भवन बटि निकाळि द्‍याला। इथगा ही ना, बल्किन इन बगत औणु वळु च, कि जु कुई भि तुमतै जान से मरलु उ इन समझालु, कि इन कैरिके उ परमेस्वर की ही सेवा कनु च।

खास चेलों 1:8

अर जब तुम पवित्र आत्मा तैं पैल्या, त तुमतै सामर्थ मिलेली तब तुम यरूशलेम नगर मा अर पूरा यहूदिया अर सामरिया का मुलकों मा, इख तक की पूरि दुनियां मा तुम मेरा गवा बणि जैल्या।”

खास चेलों 13:1

अन्ताकिया नगर का बिस्वासी समुदाय मा कुछ रैबर्या अर उपदेस देण वळा लोग छा, जन कि बरनबास, शमौन जैकू नीगर भि बुल्दिन, अर कुरेन नगर को लूकियुस, अर मनाहेम जैको पालन-पोसण राजा हेरोदेस अग्रिप्पा का दगड़ा मा ह्‍वे। अर मनाहेम वेको खास दगड़्या छौ, अर शाऊल भि ऊंका दगड़ा मा उखि छौ।

खास चेलों 13:36

“अर राजा दाऊद न अपणा बगत का दौरान परमेस्वर की मनसा तैं लोगु का बीच मा पूरु कैरी। अर वेका बाद उ मोरि गै, अर वेतैं वेका पितरों का दगड़ा मा दफनै गै अर कुछ दिनों मा वेको सरील सैड़ भि गै।

खास चेलों 2:47

अर ऊ परमेस्वर की बडै करदा छा अर सब लोग ऊं बटि खुश छा। अर जु लोग बचण चान्दा छा, प्रभु ऊंतैं हरेक दिन बिस्वासी लोगु का दगड़ा मा मिलै देन्दु छौ।

खास चेलों 22:20

अर जब तुमरा गवा स्तिफनुस तैं जान से मरे जाणु छौ, त वे बगत मि भि उखि खड़ु होयुं छौ। अर ऊं लोगु का कपड़ों की देख-रेख कनु छौ, जौन वेकी हत्या कैरी, हाँ, प्रभु वामा मेरु हाथ भि छौ।’

खास चेलों 26:10

मिन त यरूशलेम नगर मा मुख्य पुरोहितों बटि अधिकार पैके भौत सा परमेस्वर का लोगु तैं जेलखाना मा बन्द करवै दिनी, अर जब ऊं लोगु तैं जान से मरे जान्दु छौ, त वीं बात मा मि भि सैमत होन्दु छौ।

खास चेलों 5:18

अर ऊंन खास चेलों तैं पकड़ी के जेलखाना मा बन्द कैरी दिनी।

खास चेलों 5:20

“जा, अर मन्दिर मा खड़ा ह्‍वेके ये नया जीवन का बारा मा लोगु तैं बिन डऽरयां बता।”

खास चेलों 5:33

अर या बात सुणी के ऊंका जिकुड़ियों मा आग लगि गै, अर ऊंन खास चेलों तैं जान से मरण चै।

खास चेलों 5:40

तब न्याय समिति का लोगु न खास चेलों तैं बुलै अर ऊंतैं पिटवै। अर ऊंतैं इन आज्ञा देके छोड़ि दिनी, कि यीशु नौ की चर्चा फिर नि कर्यां।

खास चेलों 7:38

अर यू उई मूसा छौ जु की निर्जन जगा मा इस्राएली लोगु का दगड़ा मा छौ, अर जैन बिचलु को काम कैरी छौ। अर सीनै पाड़ पर उ वे स्वर्गदूत का दगड़ा मा छौ जैन वेका दगड़ा मा बात कैरी छै, अर उ हमरा पितरों का दगड़ा मा छौ। अर वेन ही यू वचन हमतै देणु खुणि ज्यून्दा पिता परमेस्वर बटि पै।

खास चेलों 7:54

अर स्तिफनुस की यों बातों तैं सुणी के न्याय समिति का लोग भौत गुस्सा ह्‍वेनि। अर ऊंतैं इथगा गुस्सा ऐ, कि ऊ गुस्सा से तमतमै गैनी।

खास चेलों 7:58

अर वेतैं ढुंग्योण खुणि ऊ लोग वेतैं नगर बटि भैर खिखोड़ी के लि गैनी। अर जथगा गवा स्तिफनुस का खिलाप मा छा ऊंन अपणा-अपणा कपड़ों तैं शाऊल नौ का एक ज्वान मनखि का समणि जमा करिनी।

खास चेलों 8:14

अर जु खास चेला यरूशलेम नगर मा रौणा छा, जब ऊंतैं ईं बात का बारा मा पता चलि कि सामरिया मुलक का लोगु न भि परमेस्वर का वचन तैं स्वीकार कैरियाली, तब ऊंन पतरस अर यूहन्‍ना तैं ऊंका पास भेजि।

खास चेलों 8:4

मगर जु बिस्वासी लोग तितर-बितर ह्‍वे गै छा, वु जख भि गैनी ऊंन उख-उख शुभ समाचार को परचार कैरी।

खास चेलों 8:5

अर बिस्वासी लोगु मा बटि फिलिप्पुस सामरिया मुलक का एक नगर मा चलि गै, अर लोगु का बीच मा मसीह को परचार करण लगि गै।

खास चेलों 9:31

तब पूरा यहूदिया, गलील अर सामरिया का मुलकों मा रौण वळा बिस्वासी समुदाय का सब लोग बड़ा चैन से रैनी, अर प्रभु मा और भि मजबूत होणा रैनी, अर वु प्रभु तैं पूरु आदर-सम्मान दिणा रैनी, अर पवित्र आत्मा का द्‍वारा ऊंतैं हर दिन हिम्मत मिलणी रै।

रोमियों 1:32

अर वु पिता परमेस्वर का ये खरा आदेस तैं भौत अच्छे से जणदिन, कि जु लोग इन्द्रया काम करदिन वु सब मौत का दण्ड का लैख छिन। मगर फिर भि ऊ केवल इन्‍नि काम कना रौनदिन, बल्किन मा इन काम करण वळो से खुश भि होनदिन।

फिलिप्पी 1:12

हे मेरा भै-बैंणो मि चान्दु छौं कि तुम या बात जाण जा कि जु कुछ भि मि पर बीती, वेका द्‍वारा शुभ समाचार और भि जादा बढदी गै।

इब्रानी 11:27

अर बिस्वास का द्‍वारा ही वेन राजा का गुस्सा तैं कुछ नि समझि, बल्किन मा मिस्र देस छोड़ि दिनी अर मजबूत बणयूं रै, किलैकि वेन नि दिखैण वळा परमेस्वर तैं देखि छौ।