खास चेलों 7:55 - Garhwali

⁵⁵ मगर स्तिफनुस न पवित्र आत्मा से भरपूर ह्‍वेके स्वर्ग जनै देखि, अर वेन परमेस्वर की दिब्य चमक देखि अर यीशु मसीह तैं परमेस्वर का दैंणी तरफा खड़ु होयुं देखि अर बोलि कि,

गढवली नयो नियम

⁵⁵ पर स्तिफनुस ल पवित्र आत्मा से भरपूर हवे के स्वर्ग जनै देखि अर पिता परमेश्वर कि महिमा अर यीशु तैं पिता परमेश्वर कि दैंणी तरपां खड़ो हुयुं देखि।

खास चेलों 7:55 ပူးပေါင်းရင်းမြစ်များ

मरकुस 16:19

अर जब प्रभु यीशु ऊंका दगड़ा बात कैरी दिनी वेका बाद उ स्वर्ग मा उठये गै, अर परमेस्वर की दैंणी तरफा आदर-सम्मान वळी जगा मा बैठि गै।

यूहन्ना 11:41

फिर ऊंन वे डांग तैं एक तरफा फरके दिनी। तब यीशु न नजर उठे के स्वर्ग जनै देखि अर बोलि, “हे पिता, मि तुमरो धन्यवाद करदु छौं, कि तुमुन मेरी सुण्यालि।

यूहन्ना 12:41

अर यशायाह न यों बातों तैं इलै बोलि, किलैकि वेन वेकी महानता तैं देखियाली छौ, अर वेका बारा मा बोलि भि छौ।

यूहन्ना 14:3

अर जब मि जैके तुम खुणि जगा तयार कैरी द्‍यूलु, त फिर ऐके तुमतै भि अपणा इख लि जौलु ताकि जख मि रौ उख तुम भि रा।

खास चेलों 2:4

अर ऊ सभ्या का सभि पवित्र आत्मा से भरपूर ह्‍वे गैनी। अर पवित्र आत्मा न अपणा मुताबिक ऊंतैं बोन्‍न की ताकत दिनी, अर वु बन्‍नि-बन्‍नि किसम की भाषा बोन्‍न लगि गैनी।

खास चेलों 4:8

तब पतरस तैं पवित्र आत्मा की पूरि ताकत मिली अर वेन ऊंकू बोलि कि,

खास चेलों 6:10

पर यू लोग वेका ज्ञान की बातों को जबाब नि दे सकिनी, किलैकि स्तिफनुस पवित्र आत्मा की सामर्थ मा ह्‍वेके बोन्‍नु छौ।

खास चेलों 6:3

इलै हे मेरा भै-बैंणो, अपणा बीच मा बटि सात खास लोगु तैं चुणा जौं तैं लोग अच्छु मणदा हो, बल्किन मा वु पवित्र आत्मा अर अकल मा भि भरपूर हो, ताकि हम ऊंतैं ये काम की जिमेदारी द्‍या।

खास चेलों 6:5

अर या बात बिस्वासी समुदाय का सब लोगु तैं ठिक लगि, अर ऊंन स्तिफनुस तैं चुणी, अर यू अच्छु बिस्वासी अर पवित्र आत्मा से भरपूर छौ। अर येका दगड़ा-दगड़ि ऊंन फिलिप्पुस, प्रुखुरुस, अर नीकनोर अर तीमोन तैं, अर परमिनास, अर अन्ताकिया नगर का नीकुलाउस तैं चुणी जु कि यहूदी बणि गै छौ।

खास चेलों 6:8

अर स्तिफनुस पर परमेस्वर की बड़ी किरपा अर सामर्थ छै, इलै उ अदभुत काम अर चमत्कारिक चिन्‍न कैरिके दिखान्दु छौ।

2 कुरिन्थि 4:6

इलै पिता परमेस्वर ही च जैन इन बोलि कि, “ये अन्धेरा मा उज्याळु हो।” अर उई च जैन हमरा अन्धेरा मनों मा जीवन को उज्याळा तैं चमकै, ताकि जु लोग अन्धेरा मा छिन हम ऊंतैं वे जीवन का उज्याळा का बारा मा बतै सैका। अर परमेस्वर का ज्ञान को यू उज्याळु यीशु मसीह का द्‍वारा चमकदु।

इब्रानी 1:3

अर परमेस्वर को पुत्र अपणा पिता की अदभुत महानता तैं परगट करदु, अर उ हमतै ठिक उन्‍नि दिखेन्दु जन कि परमेस्वर खुद च। अर परमेस्वर को पुत्र सब चीजों तैं अपणा वचन की ताकत से समळ्दु। अर लोगु तैं ऊंका पापों से शुद्ध करण की बात तैं परमेस्वर का पुत्र न पूरु कैरी, अर वेका बाद उ बड़ा आदर-सम्मान से सबसे महान परमेस्वर का दैंणा हाथ की तरफा जैके बैठि गै।

इब्रानी 8:1

हे मेरा दगड़्यों, हमरि यों सब बातों को मतलब यू च कि हमरु यीशु मसीह एक इन्द्रयो महा पुरोहित च, जु कि स्वर्ग मा सबसे महान परमेस्वर की राजगद्‍दी की दैंणी तरफा बैठयूं च।

2 पतरस 1:17

अर वे बगत हम उखि छा, जख पिता परमेस्वर न यीशु मसीह तैं सानदार आदर-सम्मान देई, अर वे खुणि स्वर्ग बटि इन आवाज ऐ, “यू मेरु लाडलु पुत्र च, अर येसे मि भौत खुश छौं।”

दिब्य दरस 21:11

जु कि परमेस्वर की दिब्य चमक से चमकणु छौ। वेकी चमक भौत मैंगा हीरा की तरौं, अर सूर्यकान्त मणि की तरौं चमकीली छै।