खास चेलों 7:52 - Garhwali

⁵² अर तुमरा पितरों न परमेस्वर का कै रैबर्यों तैं नि सतै? अर जौं रैबर्यों न वे धरमी मनखि का औण का बारा मा पैलि ही बतैयालि छौ ऊंतैं भि ऊं लोगु न जान से मारी दिनी। अर ऊंका मुताबिक तुमुन वे धरमी मनखि तैं बिस्वासघात कैरिके पकड़वै अर वेतैं जान से मरवै के तुम वेका हत्यारा ह्‍वे ग्यां।

गढवली नयो नियम

⁵² परमेश्वर का तरपां बट्टी बुल्ण वलो मा बट्टी तुम्हरा बाप-दादाओं ल कै तैं नि सतै? अर ऊंल धर्मी आदिम का आंणा का पैली बट्टी सन्देश दींणवलों तैं मार डाली जौनु पैली बट्टी वेका आंणा का बारा मा बतै छो, अर जब उ ऐ, त तुम ल वे तैं धोखा द्ये अर वेकी हत्या कैरी।

खास चेलों 7:52 ပူးပေါင်းရင်းမြစ်များ

मत्ती 5:12

तब तुम आनन्द मणया अर मगन ह्‍वे जयां, किलैकि तुम खुणि स्वर्ग मा बड़ु इनाम रख्युं च। अर जन वु तुमतै सतौणा छिन, ठिक इन्‍नि ऊंन तुम से पैलि परमेस्वर का भौत सा रैबर्यों तैं भि सतै।”

लूका 6:23

“तब वे दिन पर तुम आनन्द मणया अर खुशी का बाना उछल्यां, किलैकि सुणा, स्वर्ग मा तुम खुणि बड़ु इनाम रख्युं च। अर ऊंका पितरों न परमेस्वर का रैबर्यों का दगड़ा मा इन्‍नि त कैरी छौ।

यूहन्ना 16:10

अर धरमी बणण का बारा मा इलै, किलैकि मि पिता मा जाणु छौं, अर तुम मितैं फिर नि दिखल्या।

खास चेलों 2:23

अर पिता परमेस्वर न पैलि बटि बणईं योजना का मुताबिक वे यीशु तैं तुमरा हाथों मा सौंप दिनी, अर वेका बारा मा उ पैलि बटि जणदु छौ, अर ये ही यीशु तैं तुम लोगु न अधरमी लोगु का हवाला कैरिके वेतैं क्रूस पर चड़वै दिनी।

खास चेलों 22:14

वेन मिकू बोलि, ‘हमरा पितरों का परमेस्वर न त्वेतै पैलि बटि चुण्यालि छौ, ताकि तू वेकी मनसा अर बातों तैं जाणि सैकी, अर वे धरमी मनखि तैं देखि सैकी,

खास चेलों 3:18

अरे, परमेस्वर न पैलि ही अपणा सब रैबर्यों का द्‍वारा इन बुलवै छौ कि जै मसीह तैं मि भेजलु वेतैं यू दुख सौण पोड़लु, अर वेन यीशु मसीह का द्‍वारा वीं भविष्यबाणी तैं इनकै पूरु कैरी दिनी।

खास चेलों 3:24

अर परमेस्वर का रैबर्या शमूएल न अर वेका बाद औण वळा जथगा भि रैबर्यों न भविष्यबाणी कैरिके बोलि, ऊं सभ्यों न यों दिनों मा होण वळी बातों का बारा मा ही त बतै छौ।

खास चेलों 4:10

त मि तुमतै अर सब इस्राएली लोगु तैं बतै देन्दु, कि नासरत गौं का यीशु मसीह का नौ से यू मनखि तुमरा समणि तन्दुरुस्त खड़ु च। अर ये ही यीशु तैं तुमुन क्रूस पर चड़ै दिनी, पर परमेस्वर न वेतैं मुरदो मा बटि ज्यून्द कैरी।

1 थिस्सलुनीकी 2:15

अर ऊं यहूदी लोगु न प्रभु यीशु तैं अर पिता परमेस्वर का कुछ रैबर्यों तैं मारी डालि। अर ऊंन हमतै भि भौत सतै च, ऊंन परमेस्वर तैं खुश नि कैरी, बल्किन मा वु त सब मनखियों को विरोध करदिन।

2 तीमुथियुस 3:4

अर वु लोग एक-दुसरा तैं धोखा देण वळा, बिन सोच्यां काम करण वळा, अर अफ तैं दुसरा से बड़ु समझण वळा। अर परमेस्वर तैं प्यार करण वळा ना, बल्किन मा अपणी मौज-मस्ती की इच्छा तैं रखण वळा ह्‍वे जाला।

1 पतरस 1:11

अर परमेस्वर का ऊं रैबर्यों मा मसीह को आत्मा छौ, जु कि यीशु मसीह का दुख-तकलीफो का बार मा पैलि बटि ऊंतैं बतौणु छौ। अर परमेस्वर का ऊं रैबर्यों न इन जनण की पूरि कोसिस कैरी, कि मसीह को आत्मा ऊंतैं क्या-क्या दिखौणु च, अर ऊंन सब बातों तैं जनण कि कोसिस कैरी, कि ऊ सब दुनियां मा कब अर कनकै होलि।

1 यूहन्ना 2:1

हे मेरा बच्‍चों, मि तुम खुणि यू सब इलै लिखणु छौं, ताकि तुम पाप नि कैरा। अर अगर कुई पाप करदु त पिता परमेस्वर का पास हम खुणि एक बिन्ती करणु वळु च जु कि वेकी नजर मा धरमी च, याने कि हमरु यीशु मसीह।

दिब्य दरस 19:10

तब मि स्वर्गदूत की भक्‍ति करणु खुणि वेका खुटों मा पोड़ि ग्यों। मगर वेन मिकू बोलि, “यूहन्‍ना इन नि कैर, बल्किन मा केवल परमेस्वर की ही भक्‍ति कैर, किलैकि मि भि तेरा अर तेरी ही तरौं बिस्वासी भै-बैंणो का जन एक सेवक छौं, जौन यीशु का बारा मा गवै देण को काम कैरी। मि त केवल परमेस्वर को रैबार देण वळु छौं, अर तुम लोग यीशु की गवै पर बिस्वास करद्‍यां अर हम सब वेका सेवक छां।”

दिब्य दरस 3:7

अर येका बाद यीशु न मिकू इन भि बोलि कि, “फिलदिलफिया नगर मा रौण वळा बिस्वासी समुदाय का दूत खुणि इन लिख कि: “यीशु पवित्र अर सच्‍चु च, अर वेका पास राजा दाऊद की चाबी च जैतैं वु खुलदु वेतैं कुई बन्द नि कैरी सकदु, अर जब उ बन्द करदु त वेतैं कुई खोली नि सकदु, उ इन बुल्दु कि: