खास चेलों 7:25 - Garhwali

²⁵ अर मूसा न सोची, कि वेकी जाति का लोग समझि जाला कि परमेस्वर वेका द्‍वारा इस्राएली लोगु तैं मिस्री लोगु का हाथों से आजाद करौण चान्दु, मगर वु लोग नि समझिनी।

गढवली नयो नियम

²⁵ मूसा ल सोचि कि वेका अपड़ा विश्वासी भयों ल इन समझण, कि पिता परमेश्वर वेका द्वारा ल ऊं तैं गुलामी बट्टी उद्धार करलो पर ऊंल इन नि समझी।

खास चेलों 7:25 ပူးပေါင်းရင်းမြစ်များ

मरकुस 9:32

मगर यीशु का चेला ईं बात तैं नि समझिनी, अर ऊ वे बटि ईं बात को मतलब पूछण से भि डऽरदा छा।

लूका 18:34

अर जौं बातों तैं यीशु बोन्‍नु छौ, ऊ बात वु नि समझ सकिनी। अर यों बातों को मतलब ऊं बटि छिप्यूं रै, इलै या बात चेलों का समझ मा नि ऐ।

लूका 9:45

मगर चेला वेकी ईं बात तैं नि समझिनी, किलैकि ऊं बटि ईं बात को मतलब छिपयै गै। इलै ऊ यीशु की ईं बात तैं नि समझिनी, अर ऊ वे बटि ईं बात को मतलब पूछण से भि डऽरदा छा।

खास चेलों 14:27

अर अन्ताकिया नगर मा औण का बाद ऊंन बिस्वासी समुदाय का लोगु तैं इकट्‍ठा कैरी अर ऊंतैं हरेक बात का बारा मा बतै, कि परमेस्वर न ऊंका द्‍वारा महान-महान काम करवैनी, अर ऊंतैं इन भि बतै कि बिस्वास करणु खुणि परमेस्वर न ऊं खुणि बाटु खोलियालि।

खास चेलों 15:4

अर जब ऊ यरूशलेम नगर मा पौंछिनी, त बिस्वासी समुदाय का लोगु न, यीशु का खास चेलों न अर अध्यक्षों न ऊंको स्वागत कैरी। तब पौलुस अर बरनबास न यों लोगु तैं बतै, कि परमेस्वर न ऊंका द्‍वारा लोगु का बीच मा कथगा बड़ा-बड़ा काम करिनी।

खास चेलों 15:7

अर जब भौत बहसबाजी ह्‍वे गै, तब पतरस खड़ु ह्‍वे अर वेन ऊंकू बोलि, “हे मेरा भै-बैंणो, तुम अच्छी तरौं से जणद्‍यां की आज से कुछ दिन पैलि परमेस्वर न मितैं तुम लोगु मा बटि चुणी, ताकि मेरा द्‍वारा ऊं लोगु तैं शुभ समाचार सुणये जौ जु की यहूदी जाति का नि छिन, कि वु लोग भि सुणा अर बिस्वास कैरा।

खास चेलों 21:19

तब पौलुस न ऊंतैं सलाम बोलि, अर ऊं सब कामों का बारा मा बतै, जु परमेस्वर न वेका द्‍वारा ऊं लोगु का बीच मा करिनी जु यहूदी जाति का नि छा।

खास चेलों 7:24

“एक दिन मूसा न देखि, कि एक मिस्री मनखि एक इस्राएली भै का दगड़ा मा बुरु ब्यौहार कनु च, त वेन वेतैं बचै अर वे मिस्री तैं जान से मारी दिनी, अर इन के वेन वे इस्राएली भै का दगड़ा मा होयां जुलम को बदला लेई।

खास चेलों 7:26

“अर कैं हैंका दिन मूसा न देखि कि दुई इस्राएली लोग आपस मा झगड़ा कना छिन, त उ ऊंका पास गै। अर ऊं लोगु का बीच मा मेल-जोल करण की कोसिस कैरी अर बोलि, ‘तुम त भै-भै छाँ त अपणा आपस मा झगड़ा किलै कना छाँ?’

रोमियों 15:18

पर यू सब कुछ मिन अपणी ताकत से नि कैरी, किलैकि यू सब कुछ करण वळु त पिता परमेस्वर च। मेरु त बस यू ही काम च कि मि जाति-जाति का लोगु का बीच मा जौं, अर ऊंतैं पिता परमेस्वर को वचन बतै के वेका पास लेके औंऽऽ।

1 कुरिन्थि 15:10

बल्किन मा पिता परमेस्वर न मि पर अपणी किरपा कैरी, इलै आज मि भि एक खास चेला छौं। अर ज्वा किरपा वेन मि पर कैरी वा बेकार नि गै, किलैकि मिन दुसरा खास चेलों से जादा मेनत कैरी। अर सच्‍चै त या च कि या मेनत पिता परमेस्वर की वीं किरपा न कैरी ज्वा कि मेरा दगड़ा मा च।

1 कुरिन्थि 3:9

अर हम पिता परमेस्वर की सेवा करण वळा छां। अर हम तुम लोगु की भलै खुणि ही काम कना छां, किलैकि तुम लोग पिता परमेस्वर को पुंगड़ु छाँ जैमा मेनत किये जाणि च, अर अब वेमा घौर बणण की तयार होणी च।

2 कुरिन्थि 6:1

इलै हे मेरा दगड़्यों, हम लोग परमेस्वर का दगड़ा मा मिली के काम करद्‍यां। अर मि तुमतै समझै देन्दु कि परमेस्वर की महान किरपा तैं पौण का बाद अब वेकी किरपा तैं बेकार नि जाण द्‍या,

कुलुसी 1:29

अर इलै ही मि येतैं पूरु करणु खुणि कड़ी मेनत करदु, अर बड़ी जनतौ-जहैत करदु अर यू मि यीशु मसीह की दिईं सामर्थ का द्‍वारा करदु, ज्वा कि मेरा भितर काम कनि च।