खास चेलों 6:14 - Garhwali

¹⁴ अर हमुन येतैं इन भि बुल्द सुणी कि, नासरत गौं को यीशु हमरा मन्दिर तैं बरबाद कैर दयालु, अर ऊं रीति-रिवाजों तैं भि बदल दयालु जु हमतै मूसा न दिनी।”

गढवली नयो नियम

¹⁴ किलैकि हम ल वे तैं इन बुल्ण सूंणि, कि नासरत नगर को यीशु यु मन्दिर तैं नाश कैरी दयालो, अर यूं रीति-रिवाजों तैं बदली दयालो जु मूसा ल हम तैं सौंपी छो।”

खास चेलों 6:14 ပူးပေါင်းရင်းမြစ်များ

मत्ती 26:61

“ये मनखि न बोलि मि परमेस्वर का मन्दिर तैं ढोळि सकदु छौं अर तीन दिन मा वेतैं बणै भि सकदु छौं।”

मरकुस 14:58

“हम लोगु न येतैं इन बुल्द सुणी कि, ‘मि हाथ का बणयां ये मन्दिर तैं ढोळि द्‍यूलु, अर तीन दिन मा दुसरो बणै द्‍यूलु, जु कि हाथों को बणयूं नि होलु।’”

लूका 21:24

अर वु लोग तलवार से मरे जाला, अर कैदी बणै के सब देसों मा भेजि जाला। अर जबरि तक ऊंको बगत पूरि नि ह्‍वे जौ जु कि यहूदी जाति का नि छिन, तबरि तक यरूशलेम नगर इन्द्रया लोगु का द्‍वारा बुरी तरौं से सतयै जाला।

लूका 21:6

तब यीशु न बोलि, “जौं चीजों तैं तुम आज दिखणा छाँ एक दिन आलु, जब ये मन्दिर को एक ढुंगो भि अपणी जगा पर नि रालु, किलैकि वु सब ढुळै जाला।”

यूहन्ना 2:19

तब यीशु न ऊंतैं जबाब देई, “ये मन्दिर तैं ढोळि द्‍या अर मि येतैं तीन दिन मा बणै द्‍यूलु।”

यूहन्ना 4:21

तब यीशु न वींकू बोलि, “भुलि, तू मेरी ईं बात पर बिस्वास कैर, कि अब उ बगत औण वळु च जब कि तुम सामरी लोग पिता परमेस्वर की भक्‍ति तैं नऽ त ये ढौंडा पर करिल्या अर ना ही यरूशलेम नगर मा।

खास चेलों 15:1

अर फिर यहूदिया मुलक बटि कुछ लोग अन्ताकिया नगर मा ऐनी, अर बिस्वासी भै-बैंणो तैं सिखौण लगि गैनी अर ऊंन बोलि, “सुणा, अगर तुम परमेस्वर का सेवक मूसा का दियां नियम-कानूनों का मुताबिक अगर खतना का रिवाज तैं पूरु नि करवैल्या, त तुम लोगु तैं बचयै नि जाण।”

खास चेलों 21:21

अर ऊंतैं तेरा बारा मा इन बतये गै, कि जु यहूदी लोग ऊं लोगु का बीच मा रौनदिन जु यहूदी जाति का नि छिन तू ऊंतैं इन सिखौन्दी, कि तुम लोग मूसा का दियां नियम-कानूनों तैं नि माणा। अर ना ही खतना का रिवाज तैं अपणा-अपणा नौनो खुणि पूरा कैरा, अर ना ही अपणा रीति-रिवाजों तैं माणा।

खास चेलों 25:8

तब पौलुस न अपणी सफै मा बोलि, “मिन कै का खिलाप मा कुई भि अपराध नि कैरी, नऽ त यहूदियों का नियम-कानून का, अर ना ही मि ऊंका मन्दिर का खिलाप मा ग्यों, अर ना ही मिन महाराजा का खिलाप मा कुई गळती कैरी।”

खास चेलों 26:3

अर खास कैरिके इलै, किलैकि तुम यहूदी लोगु का सब रीति-रिवाजों का बारा मा, अर जु इळजाम मि पर लगये गैनी ऊंका बारा मा भि जणदा छाँ। इलै महाराज, मि तुम से बिन्ती करदु कि मेरी बातों तैं शान्ति से सुणयां।

खास चेलों 28:17

अर तीन दिन का बाद पौलुस न यहूदियों का खास लोगु तैं एक साथ बुलै। अर जब वु इकट्‍ठा ह्‍वेनि, त वेन ऊंकू बोलि, “हे मेरा भैयों, मिन अपणा लोगु या अपणा पितरों की रीति-रिवाजों का खिलाप मा कुछ भि नि कैरी। फिर भि यरूशलेम नगर का लोगु न मितैं कैदी बणै के रोमियों का सुपुर्द कैरी दिनी।

गलातियों 3:19

अब तुम सुचणा ह्‍वेल्या, कि फिर नियम-कानूनों तैं देण की क्या जरुरत रै होलि? अरे, यू सब त इलै ह्‍वे, ताकि नियम-कानूनों का द्‍वारा मनखियों तैं अपणा सब पापों को पता चलि जौ। अर जबरि तक करार को वंशज यीशु मसीह ऐ नि गै, नियम-कानून भि तबरि तक ही छा। अर वे बगत नियम-कानून स्वर्गदूत का द्‍वारा परमेस्वर का रैबर्या मूसा तैं दिये गैनी, अर वे बगत पितर मूसा न परमेस्वर अर मनखियों का बीच बिचलु होण को काम कैरी।

गलातियों 3:23

अर यीशु मसीह पर बिस्वास करण से पैलि हम यहूदी लोग नियम-कानूनों का अधीन मा छा, अर ऊं नियम-कानूनों का द्‍वारा ही हमरि हिफाजत होन्दी छै। अर यीशु मसीह जु कि औण वळु छौ, वे पर ही बिस्वास करण से हम लोग ऊं नियम-कानूनों की गुलामी से आजाद ह्‍वे ग्यां।